حلمي

الحلقه 18

#حلمي
__________________

الحلقه الثامنة عشر
_____________________________
كتابة : BOSHRA HADIA

(اضافيه عشان قلتو الحلقه يلي فاتت قصيرة 🙂😂)

عهد ركبت فِ السيارة : شن الجو
معاذ ؛ ماردش عليها ، وولع السيارة وبدا يسوق بسرعه
عهد : بالشويه معاذ خيرك ؟؟ .. معاذ نكلم فيك
معاذ : من قالك امشي معاه ؟
عهد : هدي السرعه عشان انفهمك !
معاذ زاد السرعه : تكلمييي !!
عهد بِـ خوف : انا طلعت على اساس بنركب معاك انت ، ركبت فِ سيارته وماشفتش فيه الا ف نص الطريق بعدين عرفته انه محمد
معاذ بعياط : غبية انتتتِ ؟؟؟
عهد : نقولك ماركزتش فيه الا ف نص الطريق ! .. بعدين انت خيرك حارق اعصابك شن فيها كان ركبت مع ولد عمي ؟
معاذ : ولد عمك ؟؟ .. توا طلع ولد عمك ؟ .. تتذكري ف عرس خالد لما ركبتي فوق السطح شن كان بيديرلك غير جيت انا ف اخر لحظه ! .. تتذكري ولا نذكرك
عهد : خلاص انساها هوا كان شارب ف العرس
معاذ : شارب ؟ شني شربتي معاه انتِ ؟
عهد : خلاص معش تحكيلي عليه 💔💔
معاذ ؛ هدا السرعه وتنهد وسكت
عهد ؛ تبكي وماتبيش اطلع صوتها
معاذ : علاش ماتفهميش انتِ ؟
عهد : شنو بنفهم 💔!
معاذ درس السيارة : تييي نحبك 💔💔
عهد ؛ شافت فيه بِـ صدمة
معاذ توتر : ءاا اي نحبك
عهد : من امتى ؟
معاذ : مانعرفش من امتى ، لكن لاحظت اني نحبك من لما روحتي من سرت، وقتها فقدتك وحسيت حاجه ناقصه ف حياتي وماقدرتش نقعد غادي اكتر من هكي وقررت نجي نشوفك بروحي لكن اهو جابني الوقت وسكنت بحداكم
عهد : انا مصدومة بِـ جديات
معاذ تنهد : عندك الحق تنصدمي ، لأنك كنتي معتبرتيني زي خوك وتوا طلعت نحبك
عهد ؛ قلت ف عقلي نعطيه فرصه بعدين تذكرت ان مانقدرش 💔💔، مانقدرش لان محمد بس يلي ح يتزوجني 💔
معاذ ؛ يشوف ف عهد ومستني ردها
عهد بِـ توتر : شوف، انا مش من النوع يلي انت تحس..
معاذ فصل : تييي اما نوع النممم مادخلنيش فيه نوعككك انااا ، معاذ لو كنتي تحبي شخص تاني قوليلي عشان نقدر ندير طريقه نمحي هالحب 💔
عهد ؛ وجعني كيف يتكلم لكن قررت نرد عليه بِـ طريقه تخليه يتحطم 💔
معاذ : جاوبيني تحبي شخص تاني ؟
عهد : اي
معاذ : تمام .. وولع السيارة وطلع

__________________________________
كتابة : BOSHRA HADIA

حلا : الساعه 3 والفجر قريب يآذن وعهد مازالت ماروحتش!
نوريه : اتصلي بيها شوفيها حي عليا وحي
حلا : نتصل بيها يعطي فيا مقفل !
نوريه : كلمتي وِداد ؟
حلا : سألتها عليها وقالتلي من بكري مروحه !
نوريه : وينها ياربي .. من يلي رافعها هي ؟
حلا : معاذ تقريباً
نوريه : يارب ان شاء الله خير
حلا : مايصير الا كل الخير ان شاء الله، خشي توا انتِ صقع الجنان وتريحي تو قريب تخش
نوريه : تو نخش، كان طولت شويه بنوض بوك ره معش فيها !
حلا : ماتنوضيشي خليه راقد، كان طولت تو نتصرف انا
نوريه : غير كان ماجتش توا قوليلي راهو الدنيا مافيهاش خير 💔
حلا : ب.. ، (على خشت عهد)
نوريه جتها : وين كنتي ؟
عهد : الطريق زحمه
نوريه : كيف زحمه تقعدي للساعه 3 !
عهد : زحمه هلبا يا ماما خيرك ؟
نوريه : مش مصدقه انا ، عموماً خشي توا ، وين معاذ ؟
عهد : فِ السيارة
نوريه : خيره ماخشش ؟
عهد : مانندريش على شي انا ، بنخش نرقد شوي تاني تلقوني طايحة ف الجنان .. وخشت
حلا شافت ف امها : اكيده صايرة معاها حاجه
نوريه : تو نسألوها الصبح المهم جت توا هي ، استني حيي قالت معاذ ف السيارة خليني نطلع نشوفه .. وطلعت