حلمي

الحلقه 7

#حلمي
__________________

الحلقه السابعة
_____________________________
كتابة : BOSHRA HADIA

نضنا اني وهاجر وقعدنا نضمو في الحوش وبعدين جينا للصالة يلي راقدات فيها البنات
اني ندربك ع الطاولة : نوضو نوضو نوضو وهياا نوضو نوضو
هاجر : حي حي 👏🏻
ميسم : يلعن شكلك خليني نرقد
اني بديت نعلي في صوتي : حي حي نوضووو
وحلا واميمة ناضو وهما يسبو ويلعنو فينا 😂

عمتي هدى : يا هاجر عدي نوضي خالد راقد فِ شقته وقوليله يصبي وراه اشغال مازال ناقصات حاجات للحوش اليوم بتجي صالحة ومرات بيجي حتى فوزي
هاجر : واااك يا ماما ما نيش راكبتله
عمتي هدى : صبي راهو نجيك
هاجر ناضت وهي تخبط 😤

بعدين خديت تليفوني واتصلت بِـ وداد باش نطمنها
اني : الو شن الجو
وِداد : اهلين عهد طمنيني !
اني : كان تعرفي شن صار !
وِداد : شني
اني بديت نحكيلها
وِداد بِفرح : الحمدلله يا ربي ❤️
اني : اي الحمدلله ما توقعتش يقدرو يهربو
وِداد : ...
وبدينا نهدرزو
_____________________________
كتابة : BOSHRA HADIA

عهد : فات الوقت وجا وقت الغدي وتغدو وطول رقدنا لأن امبارح ما رقدناش بكل

في العشيه الساعه 5:00
عهد : نضت دوشت و توضيت وصليت العصر ولبست لبسة عادية ودرت مكياج خفيف ، بعدين طلعت نوضتهم ومشيت للمطبخ درت قهوة لأن راسي بيتفجر (اني من النوعيه يلي كان رقدت في القايلة انوض جوي اخيي وراسي دايخ )
خديت قهوة باش عدلتلي راسي شوية

وبعدين بدو يجو الناس يباركو
وجت عمتي صالحة وجو بناتها اية وايات (طبعاً يسكنو في بنغازي)
وجي عمي فوزي وسلمنا عليهم وقعمزنا قعدنا نهدرزو ..

المهم فاتو الايام وما فيش شيء جديد لحد اليومين يلي قبل العرس

في الليل الساعه 11
اني ركبت للسطح ننشر في لبسة ليا بعدين حسيت بيد التفت على خصري
تلفت بسرعه ولقيته محمد ولد عمي
اني : هيي انت !
محمد قاعد حاط يديه ولا كأنه : شن جوك
اني : حول من عليا يا وسخ (حشا اسمك)
محمد : غير بالشوية خيرك تعيطي
اني : تعرف كان ما تحولش توا نعيط ونلم عليك العالم
محمد بإستفزاز: والله .. ترا احلفي !
اني استفزني وجيت بنعطيه كف
محمد يشد يدي : يدك ما تمديهاش عليا
اني كيف جيت بنعيط محمد يسكرلي فمي بيديه ويقيمني
وبعدين حسيته حول من عليا تلفتت لقيته طايح ومعاذ واقف حداه
اني شهقت : خيركك شن درتله
معاذ بعصبية : انزلي لوطى
اني نزلت من دون ولا كلمة لقيتهم يدربكو
قعمزت معاهم شوية واني عقلي عند معاذ ! زعما شن بيديرله!
ولا بينزل ويقوللهم!!!
اخخخخ عليك جية حرفة جيتها اني ، ياريتني غير ما جيت

____________________________
كتابة : BOSHRA HADIA

عهد : جي الليل واني نفكر ما رقدتش
جاني اتصال من رقم غريب ورديت
عهد : الو .. من معاي ؟
ماكانش فيه رد وسكرت الخط وطلعت للجنان وقعمزت قعدت نراسل في وِداد واتصل بيا نفس الرقم رديت
اني : الو من معاي !!
.. : اهلاً شن جوك .. تنذكري الايام يلي فاتو قبل ما تجي لِـ سرت جاك مسج تهديدي ! لكن شكلك انتِ ما تخافيش وجيتي !!
اني : شن تقول .. من تكون انت !!
.. : مش ضروري تعرفي لكن خلي فِ بالك انك انتِ دمرتي حياتك بِنفسك وتوا قولي باي لإحلامك ومستقبلك وكل شي وردي كنتي تخططيله
اني : بالله درق وجهك عليا مش ناقصيني ناس وهمية اني .. وسكرت الخط وحطيت الرقم في الحظر وبديت نبكي
اني : وين مشيت يا امير 💔💔 ! مش قلتلي تو نحميك من كل شي وتقعد معاي على طول 💔💔؟ باهي علاش توا خليتني 💔💔💔،! ومش وعدتني انك تسعدني طول العمر 💔؟ انت ما تحبنيش💔، لو كنت تحبني راك رفعتني معاك 💔💔💔، اني معش نقدر بلاك 💔 نبي نموت زيك انت 💔💔! انت متت بدون ما تودعني 💔، صدمتني في عمري 💔💔، اثرت فيا هلبا 💔💔💔، لدرجة مش قادرة نشوف لغيرك حتى وانت تحت التراب 💔💔💔، علاش ربي خداك مني 💔؟ #حلمي
يلي كنت نخططله معاك بيدمروه ليا 💔💔💔💔
معاذ حط يده ع كتفي : وحدي الله
اني انفجعت وطول مسحت دموعي
معاذ : كلنا ليها ادعيله بالرحمة كان تحبيه
اني : ربي يرحمه 💔
معاذ : انتِ توا بدل الكلام الزايد يلي كنتي تقولي فيه راك قلتي ربي يرحمه وخلاص !
اني : انت ماتحسش في النار يلي فيا ..بعدين انت توا تعرفه منو!
معاذ : ما يهمش نعرفه ولا وما نعرفاش ! المهم انه يلي يموت يلي يدعوله بالرحمة ما يعيطوش عليه
اني حطيت يديا ع راسي : خلاص فوتني مش متحملة حد رهه
معاذ : وبخصوص يلي يهدد فيك تو نعرفه منو ما عليكش فيه
اني بعياط : ما طلبتش منك تساعدني فوتني ! اخطاااني !!
معاذ : الحق فِ يلي جاي يساعد فيك .. ومشى
اني حسيت روحي زودتها معاه ، صح هوا جاي يساعد فيا واني
ركبت فيه💔
زدت بكيت هلبا من جديد لين صوتي راح
وخشيت صليت ركعتين تريحت شوية ورقدت ❤️
___________________________________
كتابة : BOSHRA HADIA