#حلمي
__________________
الحلقه الثالثه وثلاثون
الجزء الثاني
_____________________________
للكاتبه : BOSHRA HADIA
🔥بشرى ادريس هدية🔥
محمد : اي معاك حق....لاكن تصدقي ريحتيني لما قلتي....
الباب : طققق طققققق طققققق
عهد : منو يلي يخبط هكي؟؟
محمد : تو انوض نشوف
عهد ؛ اتكت ع الكرسي وهيا متمنيه تسمع خبر على معاذ يفرحها ويرد فيها الروح
محمد ؛ فتح الباب وانصدم....انت؟؟؟
امير : انصدمت صح؟!....هوا تبي الحق حتى اني قاعد مصدوم من نفسي كيف قدرت نجيك
محمد بخوف : ءءءااا امم امير ماتفسدش كل شيء درناه في لحظة💔
امير : مش حنفسد شيء....انا بس جيت لغرض واحد
محمد : شن هوا؟؟!
امير ابتسم : مايجيش نتكلم وانا واقف ع الباب صح؟
محمد : ءاا اي اي خش تفضل
عهد : بصدمه.....ءءاا اااميررر؟
لا اكيده انا نتخيل فيه مش هوا امير مات زمان...
وكذبت عيونها لكن قررت تسمعهم شن يقولوا
امير : لما قلتلي تزوجتها ماصدقتكش💔....كنت نحسابك تبعدي فيا عليها بس
محمد : باهي وتوا بعدما عرفت اني تزوجتها!
شن تبيني اندير؟
امير : طلقها
محمد : شنوووو؟!!
امير : اي طلقها
محمد : وقف ومسك امير مع رقبته.....تعرف اني قادر ننهيك في لحظة لو مازالت عاودت يلي قلته!
امير : يحاول يفك روحه.....لو قعدلي يوم واحد بس في حياتي؟مش حنخليك تتريح معاها
محمد : زاد ضغط عليه.....ومش خايف مازالت تعاود؟؟!!!
امير : يتنفس بصعوبه....محمد!!!! اطلقني
محمد ؛ طلقه وقعمز والعرق يصب منه بشكل مش طبيعي
محمد : شوف انت توا تطلع وترد لحياتك برا وين ماكنت عايش
امير : مش حنرد لحياتي إلا وانا وعهد
محمد : يحاول يهدي نفسه.....امير قعمز وخلينا نتفاهموا
امير : القصه ماتبيش تفاهم ولاحتى تضييع وقت يامحمد
محمد ؛ حط يديه ع وجهه وهوا مش قادر يصدق كميه المشاكل يلي تنصب عليه من كل جهة!!
محمد : انت عندي ليك زوز كلام نبي نقولهولك
امير : شنو
محمد : خليها بعدين تو نتلاقوا ونتكلموا ع راحتنا
امير : تمام تو نقولك وين تجي غدوا مع الساعه 5 نبعتلك رساله
محمد : اي اي هي نوض توا روح
امير : تمام...وطلع
عهد ؛ ترجف مع بعضها ومش مصدقه يلي سمعاته كانت في حالة مايعلم بيها إلا ربي...خشت بسرعه لدارها وسكرت ع روحها بالمفتاح وهيا مازالت مش مصدقه؟!
حتى الدموع من كثرة الموقف البشع هذا ماقدروش ينزلوا💔
خذت تليفونها واتصلت بي هاجر كم مرة لكن ماردتش عليها
بعدين اتصلت بي نهى وردت
نهى : اهلين عهد شن جوك؟
عهد : بدون مقدمات...طلع حي يانهى مش مصدقه؟؟
نهى : معاذ؟...مش قتلك اني
عهد : نزلوا دموعها...مش معاذ امير
نهى : منو هذا امير! قصدك...
عهد : انهارت...ايي هوا😭
لعبوا عليا هوا وخوك تصدقي؟!
ومازالو مش عارفه شن يبوا يديروا فيا تاني!
نهى : عهد انا مش فاهمه شيء فهميني شن صاير؟؟
عهد : .........
نهى : متأكده؟؟؟؟
عهد : هذا يلي فهمته انا
نهى : قداش واطيين!!
عهد : ياربي انا يلي كنت نحسابه ميت ووجاعني طلع حي ولاعب عليا؟؟
نهى : تنهدت...الناس توا معاش فيها امان بكل المهم انتي توا خليك هادية قدامه وما تخليش يحس بأنك عرفتي وخليك طبيعيه وما اطنشيش عليه... و بنقولك ع شيء وضروري اديريه
عهد : شنو؟
نهى : غدوا مع الساعه 5 خليك مركزة ع تليفون محمد ولما توصله رسالة من امير صوريها بتليفونك وابعتيهالي
عهد : علاش!
نهى : انا بندير خطة ونتمنى انها تنجح
عهد : شنو هيا!
نهى : تو نتلاقوا بكرا ونقولك عليها...المهم توا مانبيش نعطل عليك وديري زي ماقلتلك باي...وسكرت
عهد ؛ حطت يدها ع رأسها وهيا مش مصدقه يلي يصير معاها؟
يعني امير بعد المشهد التمثيلي يلي داره قدامه ودار روحه مات طلع كذب؟!
لوين يبي يوصل بس!!
_____________________________
أنت تقرأ
حلمي
General Fictionقصه ليبية تحكي عن بنت تسعى وراء تحقيق حلمها لكن هل هي ح تنجح في تحقيق حلمها؟! وح تواجه هلبا صعوبات وتحديات حتى توصل للشيء يلي هيا تتمناه ،! وفيه قصص حب ح تصير وبعض من الكوميديا والغموض في الرواية 🧡
