حلمي

الحلقه 20

#حلمي
__________________

الحلقه العشرون
_____________________________
كتابة : BOSHRA HADIA

-الحلقه كلها حزن للأسف 💔

فِ المستشفى :
عهد : انا خليني مع هاجر ، وانت شوف معاذ
سند : تي لالا مانبيش حد يعرف اني هنايا
عهد : باهي وكان شافوك علاش خايف منهم  ؟
سند : تي ماهو بوي قالي امشي اقعد فِ الحوش وخليك معاهم يحسابني صغير
عهد : حي كان يشوفك حد هنايا يقولها لِـ بابا بعدين يقعد يعارك فيك يقولك علاش ماقعدتش معاهم
سند : مادوريش اصلاً مافيش حد حيتحرك كلهم فِ القسم يلي فيه معاذ
عهد : تمام ، ادعي لِـ هاجر ان شاء الله مايطلع فيها شيء بس
سند : لا ان شاء الله خير دوخة بسيطه بس عادي
عهد : ما اعتقدش لان من الايام يلي فاتو وهي مش عاجبتني !
سند : شن قصدك ؟
عهد تنهدت : ماقصدي شيء لكن نحس فيها مريضه
سند : تو ادير تحاليل ونشوفوهم
عهد : ان شاء الله خير

الممرضه طلعت من الغرفه : وين يلي جايين مع المريضه هاجر ؟
سند وقف : نحنا جايين معاها
الممرضه : الدكتورة طلبت حد منكم لان اعتقد بتقوللكم شيء
عهد وقفت : يعني نخش انا عادي ؟؟
الممرضه : تعالو انتم الاثنين
سند : تمام هي .. وخشو

سند : نعم يا دكتورة في شيء ؟
الدكتورة : اي في ، طبعاً توا عطيتها ابرة وخليتها ترقد عشان تتريح
عهد : باهي كويس احسن
الدكتورة : لكن فيه خبر مايطمنش للأسف 💔
عهد ؛ عرفت ان الشك متاعها طلع فِ مكانه
سند : شن قصدك يا دكتورة ؟ .. وشاف فِ عهد
عهد تنهدت : السرطان 💔💔!
الدكتورة : بالزبط عندها السرطان 💔
سند شاف فِ عهد بِـ صدمة : كيف عرفتي انتِ ؟
عهد : اصلاً قارية عليه المرض هذا، ونفس الاعراض يلي عند هاجر
سند : لا حول ولا قوة الا بالله ، يا دكتورة مرات دوخة بسيطه مش سرطان زيدي تأكدي 💔!
الدكتورة : تأكدت اكتر من مرة ، بس طلع هوا ، ويعني حتى تقدر تشوف دكتور غيري اذا مازالت مش متأكد من كلامي
سند ؛ شاف لوطى ومعش عرف شن يقول 💔 .. بعدين طلع
عهد : باهي شني مافيش امل على انه يتعالج 💔؟
الدكتورة : انا مانقولكش مافيش ! هوا فيه امل بس لما تطلع برا البلاد ممكن تتعالج لان غادي يعرفو كيف يتصرفو مش زي هنا
عهد : تمام ، انشاء الله خير يارب
الدكتورة : ان شاء الله لابأس عليها
عهد : ماتشوفي بأس .. وطلعت

سند واقف قدام المستشفى : ضروري مانمشو لِـ مستشفى تاني لأن نبي نتأكد زين !
عهد شافت فيه : سند خلاص هذا هوا ، اصلاً كنت شاكة فيه من البداية 💔
سند : بس هاجر صغيرة ليش بِـ تموت فِ عمر زي هذا 💔؟
عهد : واجعتني اكتر منك 💔💔، والمشكله الاكبر انه كيف بنقولو لِـ عمتي وخوتها 💔!
سند : ماتوقعتش يطلع عندها السرطان بِـ جد 💔💔!
عهد : قضاء الله وقدره ، هي شني نخشو نشوفوها؟ .. اكيدة ناضت توا
سند : خشي انتِ انا مانقدرش نشوف فيها وهي بالحاله هذي 💔
عهد : تمام 💔 .. وخشت