الفصل التاسع عشر
ف احد المطاعم
كانت تجلس داليدا بصحبه فريده ينتظران حضور إياد
تحدثت فريده تقطع هذا الصمت :شكرا ليكي انك مقولتيش لريان وكمان بتساعدينا
رفعت داليدا بصرها عن هاتفها الذي تعبث به اخذت نفسا عميقا تقول :بصي... انا عمري ما ارتبط بحد ولا حبيبت يمكن عشان كدا مقدرش احكم من وجه نظري علي تصرفك طالما مخضتش التجربه.... مش قادره أقيم الموقف كويس ... بس اللي حصل دا جنون
فريده :انا عارفه ان اللي حصل غلط بس انا مقدرش اقول لاياد لا... حتى لو كان ف حاجه غلط
داليدا :غبي إياد انه بيخاطر بحبكم
صمت الاثنان كل منهم يفكر حتى وصل إياد اقترب منهم... حاول تقبل جبين داليدا لكنها ابتعدت عنه جلس جوار فريده ينظر لها لتهتف داليدا بجد:رن النهارده بليل ع ريان وحدد منه معاد تطلب ايد فريده فيه... بليل عشان اكون جنبه واعرف أقنعه لو رفض... قله انك معجب بيها من زمان بس الظروف مسمحتش تتقدملها
هز إياد راسه ايجابا جاهد ليتحدث لتخرج كلماته مضطربه
ابتسمت داليدا بسخريه تقول :عمرك ما هتتغير يا اياد لما بتغلط مش بتعرف تتكلم
إياد بحزن:انا اسف
داليدا :بتعتذر للشخص الغلط يا اياد... الموضوع ميخصنيش اصلا
فتحت داليدا فمها مصدومه حينما وجدت حازم وليلى يجلسان ف الطاوله المقابله لهم
إياد :ف اي يا داليدا فاتحه بقك كدا لي
داليدا :هاه لا مفيش... يلا روح انت خد طنط وروحوا القصر... كتير كدا ع جدك
إياد :تمام... يلا عشان اوصلكم
داليدا :لا احنا هنمشي لوحدنا... مش ناقصه حد يشوفنا يقول لريان وندخل ف سين وجيم
إياد :خلاص... انا هروح اخد ماما وليلى ونرجع القصر
داليدا بصوت منخفض :مش هتلاقيها
رحل إياد لتتحدث داليدا :فريده انا هروح اشوف حاجه واجي
ف تلك الاثناء ع طاوله حازم وليلى
كانت تقص عليه سبب عدم اجابتها على اتصاله.. وان طبيبها من نصحها بذلك... نظر لها حازم بهدوء ذلك الطبيب غامض ولكنه لن يعطيه الفرصه ليخرب علاقتهم
كاد ان يتكلم ولكنه وجد داليدا تجلس جوار ليلى تهتف بمرح :ازيكم يا حلوين... اي الأخبار
حازم بصدمه :الحمد لله
داليدا :هاه... تحبوا نقول لبابا وماما ع جو العيال حبيبه ولا نعترف بكل حاجه
ليلى بخوف :اقسم بالله لسه مكلمين بعض امبارح
داليدا :مره واحده كلام وبعدين خروجه علطول كدا... اكملت بحده :حد يفهمني اي اللي بيحصل هنا
حازم :انا معجب بليلي
داليدا :واللي معجب دا مش بيجي يطلبها من أهلها لي؟
حازم :احنا لسه متعرفين ع بعض... دي غير اني مش جاهز للجواز دلوقت
داليدا :خلاص لحد اما تكون جاهز لازم يفضل حد تالت معاكم... وأعتقد انكم لقيتوه... مبروك عليكم انا
حازم :مش لايق عليكي جو الحما اللي بتعمليه دا
داليدا :مش كدا بردوا... انا تافهه اصلا اكملت بحده مزيفه :بس لازم ابقى جد عشان تخافوا... مش انتوا خايفين بردوا؟
حازم وليلى :جدا
داليدا :دا المطلوب... يلا سلام...لتحركت خطوتين لتعود تجلس مره اخرى تقول :صحيح يا ليلي إياد هيرن عليكي عشان هترجعوا القصر فلحقي روحي
