الفصل الرابع والعشرون
صباحا ف غرفه حازم
كان يرتدي ثيابه استعدادا للقائها... لم يقرر بعد ما سيصنعه مع ليلى... تنهد حزينا لا يريد أن يصنع بها ذلك ولكن إياد من وضعهم بهذا الموقف... قتل ضميره المتبقي وهو يهتف داخله... انه سيتزوجها ف نهايه المطاف... معتقدا انها ستوافق بعد ما سيفعله
استمع لطرق ع باب غرفته تحدث بهدوء :ادخل
مرت عده ثوان قبل أن يجد داليدا تقف أمامه تحدثت بهدوء :كنت فاكره ان الموضوع خلص بكلامنا ف الجنينه... بس واضح اني كنت غلطانه
حازم :قصدك اي؟
داليدا :طلبت من ليلى تقابلك دلوقت من غير ما تقلي لي يا حازم
وقف حازم مفزوعا كمن قرصته حيه
اكملت داليدا :اي كنت فاكر انها مش هتقلي... لو كنت اتعرفت عليها بعد موضوع إياد وفريده كنت قولت اكيد متعرف عليها عشان كدا
حازم بغضب :انت شايفه ان اللي حصل دا كان صح
داليدا :مكنش صح بس مش هنفضل نتكلم ف فكره انه صح ولا غلط... لا احنا نبدأ نصحح الغلط دا
حازم :إياد اللي غلط
داليدا :اديك انت قولتها إياد اللي غلط مش ليلى... مش هتاخد حد بذنب حد تاني ... انا مش عارفه انت تعرف ولا لا بس ليلى بتروح لدكتور نفسي... ليلى باباها ومامتها دمورها بأهمالهم ليها... لسه بدأه علاقتها بإياد تتحسن متجيش تبوظها... متخلهاش تكرهك وتكرهوا... مدمرهاش يا حازم
رحلت داليدا من الغرفه ليجلس حازم ع الاريكه يفكر فيما حدثه به داليدا ليهتف بعد فتره :غبي يا حازم غبي ازي كنت هتعمل فيها كدا
امسك هاتفه يرسل رساله الى ليلى يلغي بها موعدهم المتفق عليه
........
ف مدرسه تيم وعاليا
كانت تجلس جواره يتناولان طعامهم بهدوء حتى جاء رفيق عاليا الذي هتف :عاليا تعالي العبي معانا
عاليا :لا... انتوا مش هتقولوا لتيم يلعب... وانا مش هلعب من غيره
تحرك إليها صديقها يمسك يدها يجذبها بعيدا عن تيم لتتمسك بالكرسي وهي تهتف :سبني يا سليم... مش عايزه العب معاكم
تدخل تيم يهتف :سب.. سبها لو سمحت
تركها سليم وتوجه الي تيم ليدفعه أرضا... عاد يمسك بيد عاليا يأخذها بالقوه معه ليجد تيم تحرك ف اتجاه يدفعه بعيدا عنها ليقوم شجار بينهم... تدخل بعض المعلمين ليفصلوا بينهم... لكنهم استعدوا أولياء أمورهم
بعد مرور ساعه
دلفت ناديه الي المدرسه لتلتقي بمراد
حدثها قائلا :كلموكي انت كمان
ناديه :ايوه بيقولوا تيم اتخانق
دلف معها لغرفه مدير المدرسه لتهرول عاليا الي والدها الذي حملها بينما توجهت ناديه الي تيم تحتضنه
تسأل مراد قائلا :اقدر اعرف ف اي
المديره :تيم وسليم كانوا بيتخانقوا وعاليا كانت واقفه معاهم
ناديه :كان بيتخانق لي تيم
المديره :محدش يعرف... فجأه تيم راح ضرب سليم وزقه
عاليا :سليم اللي زق تيم الأول... وكان عايز يخليني العب معاه وانا مش عايزه
ناديه :انا ابني مش عدواني عشان يضرب حد بدون سبب واهي عاليا قالتلك اللي حصل
المديره :كان المفروض يجي يقول ليا او لحد من مدرسينه
تدخل مراد يهتف بعنف :اي التناكه اللي بتتكلمي بيها دي... انت فاكره نفسك مين؟
المديره :مراد باشا انا جبت حضرتك عشان تاخد عاليا وكمان عشان اقلك تخليها تبعد عن الناس اللي مش زيها ... حضرتك ملكش دعوه بموضوع تيم
مراد بحده :اولا انتِ متقوليش اخلي بنتي تصاحب مين ومتصاحبش مين.. ثانيا انا ادخل ف الموضوع اللي عايز ادخل فيه... وتتكلمي مع مدام ناديه بصوره احسن من كدا
ناديه :خلاص يا مراد اهدى... مين ولي أمر سليم انا ممكن اتكلم معاه
المديره :سليم حفيدي ممكن تكلميني انا
مراد بستيعاب :عشان كدا... طب اسمعي بقا عندك اربع حيطان اخبطي دماغك ف اللي يعجبك فيهم... ويبقي حد يزعل تيم بنظره مش بكلمه وشوف اللي هيحصله
