الوليد وهو يجلس جنبها
ياولد وش فيك ؟؟
نواف وراسه للحين عالطاوله : مافيني شي !
الوليد : واللي بلعتها وشي ؟؟
نواف بتوتر : شفتني اكلها ؟؟
الوليد : ايه
نواف : طيب بقولك بس طلبتك لاتعلم احد
الوليد بإستغراب اكثر : ما اعلم احد ؟؟ ليه وش فيك ؟؟؟!
نواف : ماني قايلك لين تأكد لي ما احد بيدري
الوليد : زين ماني بقايل لأحد وانا قد كلمتي
نواف : زين اللي بلعتها هي ءءء افففف ياخي واحد قصير ونحيف وش تتوقع ياخذ يعني ؟؟؟ فيتامينات يالذكي
الوليد : فيتامينات ؟؟
نواف : ايه فيتامينات والمفروض اني اكلتها الصبح بس نسيت ولما تذكرت اكلتها على طول
الوليد : ولا تبي احد يعرف بذا ؟؟؟
نواف : ايه ناقص انا مسخره؟؟
الوليد : من كل ذا التحريص حسبتها مخدرات على غفله
نواف بتقزز : فال الله ولا فالك
الوليد : زين زين
نوف ~ الحمدلله مشت عليه وش كنت بسوي لو قال بشوفها اصلا اعتقد انه ماهو عارف انها مسكنات الام الدوره ~
انتهت المحاضرة
بعدها راحت نوف ركض لشقتها
بدلت و اخذت بوكها وعلى طلعتها دخل الوليد : طالع؟
نواف وهو يلبس جزمته : ايه رايح لي مشوار وجاي
الوليد : اجل بنام وعلى رجعتك صحني
نواف : ابشر يالله فمان الله
الوليد : الله معك
اخذت لها تاكسي مرت الصيدليه في البدايه واخذت always ومسكن وكم غرض ثم راحت السوبر ماركت وشرت لها كرتون اندومي وشيبسات وفيشارات وكولا وكاكاوات وكود رد وووو نوف وهي تشوف
اللي شرته : ويلوموني في حبك ماقبلك ولا بعدك حب
وحطته في شنطة التاكسي بعدها حست بالجوع اخذت لها وجبه من ماك وطلعت ٥٠٠ وعطتها سواق التاكسي وقالت له اسم المدرسه واسمها وعنوان شقتها ينزلها للحارس يدبرها السواق بفرحه : مشكور الله يسعدك
وبينما هي تاكل على واحد من الكراسي انكب الكولا حقها شافها ولد من اللي يبيعون ومد لها كاس بإبتسامة : ولا تضيق خلقك خذه بداله
نوف اخذته وهي مستانسه : شكراً ومدت يدها لجيبها بتدفع : بكم ؟؟؟
الولد : لاكم ولاشي خذه هديه وش يدريني يمكنه باب رزق ورجع لطاولته وابتسامته تريح عين اللي تشوفها
خلصت اكل وعلى روحتها سمعت صوت هوشه لفت شافت الولد اللي عطاها الكوب واربع ضخمين الجسم وجههم تحس ماوراه خير وواحد منهم مكتف يدين الولد بينما الثلاثه ياخذون من اغراضه
قرب منهم وسمع واحد منهم واللي كان باين عليه انه قائدهم : انت اللي اخترت ذي الطريقه ياسند لو انك ما سويت نفسك الشريف وسمعت كلامنا كان كل شي مشى بصالحك ولكم سند على وجهه ثم اشر للي معه انه يبعدون عن طريق الناس لايشوفهم احد ويبلغ ثم راحو بين الاشجار ونوف وراهم ثم اخذ نفس من سيجارته و قال : اللحين جا وقت ان حنا نظم لكلابنا كلب جديد وطلع كيس وقرب من سند لين قاطعه صوت من وراه : شايفين نفوسكم على ايش يالصعاليك ؟!!
لفو عليه كلهم وعيون سند توسعت اول ماشافت نواف وبدا يهز راسه يمين ويسار بمعنى روح
الرئيس : لا الظاهر انهم صارو كلبين مو واحد
نواف وهو يقرب : ماشوف كلاب غيركم حتى الكلاب تبرت منكم
عصب واحد من اللي معه وهجم على نواف ماتحرك نواف ولا شي مجرد انه ابتسم وتفادا اللكمة ثم مسك يده اللي مدها ولواها لين سمعو صوتها بس ما وقف كمل وهو يلويها لين بدا الولد يبكي مايصارخ بس ثم وقف ونفض يده من يد الولد المكسوره ولف على الي معه : ما اخطيت يوم قلت صعاليك !
ثم قرب للرئيس ولكمه في وجهه بأقوى ماعنده ثم ركله لين طاح واخذ زيقارته ورصها في جبهته لين قام يصرخ وكتفه وطلع من جيبه مسدس وحطه على راس الرئيس وتكلمت بصوت حاد : يالله انت وياه من اللي عقله في راسه وبينسحب ثم وجهت كلامها للرئيس وانت قل لهم ينسحبون يالله ولا والله لاخرق راسك باللي معي
ثم لفت واطلقت وراها كان
________________
يتبع🔚
وش رايكم بالمفاجأة ؟؟
ان شاء الله اعجبتكم
تحمسو تحمسو احبكم وانتم متحمسين
ونسيت اذكركم ترا نشرت روايه ثانيه والله هي طلب خاص لان ماعمري فكرت حتى اني اكتب مثل هذا التصنيف بس حاولت وكلش ياليت تشوفونها وتعطوني رأيكم فيها خاصه اني تعبت فيها خصوصاً على اللهجة😅
{عزتي للي حزونه كايده ماهي بقده } ➡️ هذا عنوانها 💕 مع تحياتي ياحلوين
أنت تقرأ
بدأ القناع يثقل!
Actionبين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
