وصلو المدرسة
على بداية إشراقات الصبح ودعت تميم بإبتسامة مابقى الا ساعتين على اول محاضرة لهم
كان ودها انها تدخل الشقه تبدل ملابسها وتتحمم بس كنسلت لما شافت الأجواء لفت تتعدا النافوره قاصده البحيرة جلست على طرفها وهي تتأمل انعكاسها في سطح الماء بشرود نطقت : بقالي الكثير والكثير اسويه بس السؤال هو الوقت بيمديني ؟ دخلت يدها بالمويه وهي تحركها بهدوء شدييييد وعيونها تعكس فراغ فراااغ حزين طلعت يدها من المويه ثم وبكفوف يديها ضربت وجنتيها بقوه لدرجة احمراره وقالت : هذا وقت ذا الكلام ؟؟ انا ادرى ان كان الوقت بيمديني ولا لا حتى وان ما امداني بتأكد اني انهي اللي بديته مهما كان الثمن غمضت عيونها بقوه وهي تتنفس بصوت مسموع لثواني
قبل تفتحه وهي تتلفت تشوف احد قريب منها ارتاحت لما شافت انها هي الوحيده اللي عند البحيرة ثم رفعت أطراف البنطلون لين نص ساقها دخلتها في المويه الباردة وخرج منها صوت مستمتع للبرودة اللي تريح الأعصاب مددت ظهرها عالعشب ويديها تحت راسها غمضت عيونها لدقايق مسترخيه لدرجه انها بدت تنعس لكن قطع عليها افكارها شي ركب فوق وجهها جلست بسرعه ويدها على وجهها تبغى تشيل اللي عليه فتحت عيونها تشوف اللي بين يدها واللي كان قبل شوي فوق وجهها! فقابلتها كرة فرو سوداء ضحكت لما درت انها قطه لفت وجهها لمرمى بصرها وفتحت عيونها بدهشه : هذي انتي !!
رفعتها لفوق وهي تبتسم : تدرين اني احب عيونك ؟؟ احب اختلافها وأعشق لونها يا.يا... ودققت النظر في رقبتها لقت عليه طوق تعريف مكتوب عليها بخط جميل Oreo ابتسمت وهي تقول : ايه اعشقها يا أوريو
وقفت وهي تحمله بين يديها : اسمك حلو ونفس الوقت غريب انا مدين لك يا اوريو خليتيني اغير جو الكآبة عشان كذا عازمك على تونة يحبها قلبك
وما انتبهت للي وراها وكان يسمع كل كلامها من البدايه
تكلم : ومن قالك اني بخليك تاخذه ؟؟
لف نواف عليه بسرعه : ومن قال اني بستأذن اذا اوريو موافق وش له اخذ رايك ؟
ضحك بجانبيه : يمكن لأني مالكه (رفع حاجبه بإستفزاز ) يا يا نايف
نواف : واذا كان ملكك يادينار(تردها له )
قال وهو يحرك شعره الطويل : دينار ؟ ذا اسم بالله !!
نواف ببراءه : ليه ماهو اسمك ؟
نادر وهو يرص على اسنانه : اسمي نادر
نواف : نسيت اصحح لك معلوماتك ترى اسمي ن و ا ف (وهي تمد الحروف )
نادر : وبما ان حنا خلصنا لعب (اشر بيده ) وهو يقول : أوريو فينامي (تعال لي )
وتفاجأت نوف من اوريو قفزت من يدها بسرعه مستجيبة له همست : خاينه
نادر وهو يمسح على فرو اوريو وخرجت ضحكه خفيفه منه : بالعكس بتكون خاينه لو ما جت لي لأن صاحبها انا مو انت
نواف : عادي اسألك ؟
نادر بستغراب : أسأل بما انك اول مره تتكلم بأدب !
تجاهل نواف نغزته وهو يقول : من متى هي معك ؟
نادر : تقصد اوريو؟
نواف : اكيد يعني من اقصد غيرها
نادر بهدوء : من اول مادخلت الجامعه تقريبا ٣ سنين
نواف : لاتقول لي انك لقيتها في البحيرة !؟
نادر بدهشه : كيف عرفت ؟؟!!
نواف وعينه بعين نادر : يمكن لان اسمها اوريو؟
ابتسم نادر وهو يقول : ماتوقعت انك بتنتبه
نوف وهي ترفع حواجبها : بس انتبهت
نادر : طلعت اذكى من شكلك ! صح انا لقيته من ثلاث سنين تقريبا عند هذي البحيرة ولذا السبب سميته اوريو
ابتسمت بلطف وهي تقرب منه ومدت يديها تنتظر
لمحت نظرات الاستغراب على وجه نادر فتكلمت : عطني
نادر : اعطيك وش ؟؟؟
نواف : اوووه فلوس ؟!
نادر : ايش!
نواف : من جدك يعني وش ابي منك غير اوريو؟!!
نادر : تشش قول عطني اوريو وخلصنا وش له ذي المسرحية كلها؟؟
نواف يقلب عيون : بتعطيني ولا لا ؟؟
نادر : ضحكتني عطني سبب عشان اعطيك اياها ؟؟
نواف ببراءه : يمكن عشان اممممم ما اسوي ..... وبسرعه مدت يدها بخفه واخذت اوريو وبعدت عنه بسرعه ، كذا 😂
عبس نادر وجاء بيتكلم لكن صمت لما شافها ترفعها فوق وهي تتأمل عيون القطه بحب
نواف : تدري ؟!
نادر بلا مبالاة : لا ما ادري ولا ابي ادري
نواف : حتى وان مابغيت تدري عناد عليك بقول تدري ان عيونها اجمل ماشافت عيوني ؟! ودي اجلس طول اليوم اتأملها
نادر يسمع كلامها وهو فاتح عيونه بصدمه شي من كلامها لامس جزء منه
كملت : احد يسمي هالجمال اوريو؟ عزالله ماعرفت تسمي
نادر رجع لطبيعته ورفع حاجب :وش كنت بتسميها اجل باللي تعرف تسمي؟
نواف بعيون تلمع وابتسامه ساحره : كنت بسميها (المندرا)
نادر بضحكه سخريه : المندرا ؟؟
نواف : المندرا اسم يضاهي جمال عينيها
نادر جاء بيتكلم لكن قطع عليه رنين جوال واللي اتضح انه جوال نواف
نواف بربكه بعد ماشاف جهازه : يوووه مابقى شي عالمحاضرة
وببسمه لطيفه وهو يربت على راس اوريو : نسيت اقولك شكراً يا اوريو
مدت يدها اللي فيها القطه لنادر وهي تقول : اخذها وانتبه لها
اخذ اوريو منها بتهكم وقبل لايتكلم
شاف ظهرها اللي ولته لهم وهي تمشي بعجله
بقى يشوف اثرها بعيون حاده بدون لايرمش
وتكلم وعلى شفاهه بسمه سخريه وتهكم : سمعت وش قال ؟
ههههههه ان عيون الشيطان اعجبته ههههههههه حلوه بس لايكثر منها وتأمل عيون اوريو بصمت قبل يقول : انا ادري وانت تدري اني ما اعجبني فيك عيونك لو هي على العيون كان ما عطيتك نظره
ولمعت عيونه بنظره غريبه قبل لايرجع من وين ماجاء بمشيه باين عليها الاستمتاع
——
وصل لباب الشقه
قال وهو يفتح الباب : يووووه كله من راس الدينار ضيع علي الوقت
دخل بسرعه متجه لغرفه النوم وطاحت عينه على الوليد نايم نومة تضحك
ضحك بدون صوت واتجه لدولاب الملابس (الدرج - الكبت )
واخذت لها ملابس ومشد جديد ودخلت لدوره المياه وشمبوها وكريماتها ووو....
بدت تفك لبسها قطعه قطعه
الى ان بان لها الأثر اللي امتد من بدايه صدرها الى السرة بشكل يرجف له حتى اعتى القلوب ويثير شفقة البعض وأحيان الفضول ! ايه الفضول ليه مستغربين ؟! الفضول لمعرفة كيف انحفر هالأثر اللي باين انه انطبع على الروح قبل الجسد الفضول لمعرفة المأساة اللي خلفته !!
وبعيون جامده ماتظهر اي مشاعر كأنها ما مر عليها يوم وكانت سعيده ، متحمسه ، او حتى حزينه !
مررت أصابعها ببرود من بداية الجرح من عند بداية صدرها تحديدًا الى السره ببطء شديد كأنها في كل إنش يمر تتذكر معه الاف الذكريات مذكرها باللي صار كأنه يعيد المأساة اللي صارت كأنه يذكرها بكم الدموع اللي ذرفتها يذكرها بالساعات الباردة اللي كانت فيها روحها تنسحب من جسدها وهي تنتظر !
نطقت بصوت غريب : تدرين ودي ان الجرح فيك ولا فيني ودي ان هالاثر انحفر فيك بدالي
أدارت ظهرها لإنعكاسها في المرآة ومشت للبانيو اللي كانت قد عبته قبل لاتفسخ ملابسها
اخذت من شامبو الياسمين والعنبر المعتاد لها
وحطت منه لين امتلأ البانيو فقاقيع استنشقت ريحته براحه ريحه الياسمين دوم تهديها تذكرها بريحه امها الله يرحمها
تنهدت وكملت الشاور(الاستحمام) بسرعه لان بتبدأ محاضرتها مابقى شي
وقفت تنشفت وبدأت توزع كريمها اللي تعشقه كريم بريح العود
لبست ملابسها سريع سريع
وفتحت الباب بسرعه تبي تطلع مادريت الا هي مصتدمة بجدار
عفواً هل قلت جدار ؟ كانت تقصد صدر شخص ومن بيكون غير الوليد !
رفعت راسها بطء لما استوعبت ان ذراعيه احاطتها كردة فعل لما تصادمت به وطاحت عيونها على ملامح وجهه المتفاجأة واللي واضح عليه انها اصتدمت فيه وهو توه ماصحصح
سمعت صوته المبحوح وهو يقول :
ريحتك حلوة بشكل غريب !
فتحت عيونها على كبرها وجت بتتكلم :....
————-
أنت تقرأ
بدأ القناع يثقل!
Actionبين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
