وصلنا⬇️
ابو سند : الله يرحمها وانا ابوك البيت بيتك متى مابغيت تعال
نواف : تسلم ياعمي ماتقصر وعلى ذا الطاري ابي افاتحك بموضوع انا بغيت ........
_________________
نواف : تسلم ياعمي ماتقصر وعلى ذا الطاري ابي افاتحك بموضوع انا بغيت اقولك اني قررت اتشارك انا وسند بمشروع هو ماشاء الله ذكي وقد المسؤليه وانا ابيه يكون ذراعي اليمين وش قلت ياعمي انا قلت افاتحك بالموضوع قبل لا افاتح سند وأخذ رأيك وموافقتك
الفيصل : ياوليدي انت خابر (عالم) ان سند ماتخرج للحين وانا ابوك حنا (نحن) مانبي من احد اشفاق
نواف : لا والله ياعم يعلم الله اني اعد سند اخوي اللي مارزقني الله به والاقربون اولى بالمعروف انا ابي واحد ذكي واثق به وفطين انت خابر دنيا الاعمال ماتحتاج ضعوف وكل الصفات تجمعت في سند
الفيصل : رعى الله خويٍ مثلك والله يوفقك انت وسند باللي بتبدونه
نواف وهو يحب خشم الفيصل: تسلم ياعمي تسلم وان شاء الله بينجح بدون تعاسير (صعاب)
الفيصل وعيونه تلمع : والله يانواف ان حتى شخصيتك تذكرني فيه الله يرحمه كم مرة كان لي العزوة والأخو وهو اللي كان يسندني لاتعثرت الله يرحمه
نواف : الله يرحمه~ وبفضول~ تقدر ياعم تقولي من مشبه علي؟
الفيصل : عبد العزيز النيار الله يرحمه كان مثل الاخو لي واكثر بعد واللي سواه ماسووه اخواني
نواف بصدمة : عبد العزيز النياار!!؟؟
الفيصل وهو ملاحظ صدمته : ايه يا ابوك عبد العزيز النيار تعرفه؟
نواف وهو يتدارك نفسه : ايه ايه اعرفه من مايعرف عبد العزيز النيار ؟؟؟
الفيصل : صدقت
دخل عليهم سند وجلس جنب نواف سولفو شوي ثم بعدها وقف نواف بيروح سلم على الفيصل وودعه ومشى معه سند للباب سند : مشكور يانواف ماقصرت اللي سويته اليوم ما انساه
نواف : يارجال ماسويت شي المهم عطني جوالك
سند بستغراب : ليه ؟
نواف : جبه دقايق بس
عطى سند نواف الجوال فبدا يسجل رقمه وبعدها رن وقفل الرنة : واللحين هذا رقمك عندي ورقمي عندك يومين بالكثير وانا جايكم وباخذك معي مشيوير قصير المهم انتبه من العصابه لا يتربصون لك ولا يجون البيت ولا حاجه لا شفت حاجه غلط رن علي بس اوريهم شغلهم وانتبه لعمي الفيصل
سند بضحكه : هاي هاي كابتن
نواف : تمصخر تمصخر اكلمه جد ويقعد يتمزح علي
سند : هههه خلاص ماعد فيه مزح لاتطول الغيبات يانواف
نواف : انا اصلا اقدر 😂 ان شاء الله يومين بالكثير وانا عندكم وأتلزق فيكم 😂
سند : احلا لزقة والله 😂
نواف : يالله في امان الله
سند: في حفظه
ركب نواف التاكسي وهو يقول : نبدا اللحين الشغل
* نروح لسند
بعد ماراح نواف دخل البيت وجلس جنب ابوه : وش رايك يايبه بنواف؟
الفيصل : حافظ عليه تراه عادك مثل اخوه
سند : اعجبك اجل ؟ قد قال لي لاتشيل هم ابوك😂
الفيصل : ايه والله اعجبني ولو ينشرى قربه شريناه ولو بالروح
سند : ايه يايبه ارتاح له قلبي على طول هذا وانا ما اثق بالعرب بسرعه
الفيصل : حتى انا يا ابوك حتى انا دخل قلبي واحس انه مثل ولدي
•عند بدر سكر من نواف ورفع راسه لزيدان وأركان ولاحظ نظراتهم المستغربة فقال : نواف يبيني اقوم الوليد😂
زيدان : تقوم الوليد ليه ؟
بدر : موصيه يقومه لاجاء لان عنده شغل بس نواف بيتأخر وتورط
أركان : كذا السالفة اجل الله يعينك تقوم الوليد😂 تبي معونة(مساعدة) ؟
بدر : ايه والله الوليد نومه تقول سبات مو نوم ثقيل بشكل
أركان : يالله أجل نروح نقومه
راحو ويوم وصلو قال زيدان : والحين كيف ندخل ؟ معك مفتاح ؟؟
بدر وهو يرفع إناء زرع كان جنب الباب : ايه ارسل لي رساله بمكانه وأخذ المفتاح وفتح الشقه وقبل يدخل غرفة الوليد ونواف دق الباب مالقى رد فدخلو وجتهم قشعريرة من شدة البرد كانت الغرفة باردة بشكل ماتتصورونه صارو يدورون (يبحثون) عن الوليد مالقوه زيدان بإستغراب : وينه؟
أركان: مو معقولة قام وطلع من الشقة والمكيف شغال !؟
بدر وهو يدور حول السرير : مدري والله يمكن في دورة المياه؟!
زيدان :لا بابها مفتوح مافيها احد
جاء بدر بيتكلم بس وقف لما داس شي جنب السرير !
نزل نظره يشوف وش داس !؟
شاف رجل طالعه من تحت السرير انحنا يتأكد من اللي شك فيه بعدها انفجر ضحك استغربو زيدان واركان منه فإنحنو هم بعد بفضول يبغون يعرفون وش مضحكه فشافوا الوليد نايم تحت السرير😂 ومطلع وحده من رجوله برى السرير من الجهة اللي فيها بدر فإنفجروا ضحك مع بدر ولما هدوا شغلو اللمبات (الانوار)
حاولو يقومونه مانفع شالو السرير عشان يبين لهم صارو يهزونه يحركونه ماقام اركان بتعب : لو انه قام كان استغربت
راح بدر ودقايق وهو راجع وبيده جيك مويه شافوه زيدان واركان وصارو يصارخون : لا لا لا اياك بدر بيقوم علينا اللحين الوليد مثل الثور
بدر بإبتسامه شيطانيه : وش علينا اهم شي يقوم
go 1 2 3
طرااااخ كل المويه على الوليد نقز الوليد وهو يقول بغضب : نوااااااف والله ما اخليك
ولما تلفت حوله شاف زيدان واركان في الزاويه وهم خايفين قرب منهم وقبل لايتكلمون سمع ضحكه مكتومه وراه لف ولقى بدر كاتم ضحكته وبيده الجيك هنا عرف من كب عليه الماء لف عليه
وقال : بدرر هو انت اللي كاب علي الماء؟
بدر : ههههههههههه
الوليد بطنازه : هيههيييههه حتى مايعرف يضحك فارق فارق من وجهي
بدر : الحمدلله ان نواف موصيني اقومك عشان ما افوت الضحك ذا كله 😂
الوليد هنا وصل حده ولما بدر شافه يلتقط زبيريته( جزمته كرمتم) اللي كانت عالارض صار يركض يبي يطلع بس ما امداه لانها صكت (ضربت ) في راسه كمل ركض بعد ما صرخ وهو ماسك راسه زيدان واركان اللي كانو خايفين صارو يضحكون لف عليهم الوليد وقال: وانتم تنتظرون دوركم ؟؟ سوا نفسه يدور زبيريته الثانيه شافوه زيدان واركان وركضو هم بعد ضحك الوليد عليهم وهو يرفع شعره المبلل عن وجهه وقال : ونوافوه وش فيه ما صحاني مرسل لي هذولا المهبل <اتسسسس>عطس ~الله يستر ماني ناقص تعب
لبس ملابسه وتجهز وطلع من الشقة وهو حاط في باله امر ولازم يسويه
*عند نواف او نوف
نواف وهو يكلم : ايه يا فهَّاد ظروري اقابلك
فاهد (فهاد) : عسى ماشر يا نوف ؟ جاك شي ؟
*مثل ماقلنا فاهد خال نوف بس هي تسميه من الصغر فهَّاد وهو يحبها تسميه بذا الاسم *
نوف : لا يالغالي مافيني شي بس بغيتك بموضوع
فاهد : الحمدلله وين بغيتينا نتقابل؟؟
نوف : تذكر مكاننا ؟
فاهد : هو انا اقدر انساه؟
نوف : حللو اتفقنا نتقابل هناك بئذن الله
فاهد : بئذن الله في امان الله يابعد حيي
وقفت لها تاكسي ووصفت له المكان نوف بطفش : هذي مو حالة لازم اطلع لي رخصة
<نقفز بالزمن شوي >
رجعت للشقة العشاء وهي ميته جوع بدلت ملابسها وبعدها راحت تنطط للمطبخ تسوي اندومي وتاخذ من الاشياء اللي شرتهم
فتحت الثلاجه وهي متحمسه لما شافت ايش اللي بالثلاجه لانت عيونها بحنان : يالبى قلب عمتي تدري فيني احبه ولا اعرف اسويه
أنت تقرأ
بدأ القناع يثقل!
Acciónبين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
