صنمت نوف من اللي ضمها وبدت الف فكرة تدور ببالها بس اول ماخطر لها ~ تصرفي - تصرفي ~ فجأة وبلا مقدمات عطته بوكس على بطنه وانفجروا اللي وراه ضحك اما اللي ضمها ماسك بطنه ويضحك : والله ان يده حارة مو مثل ماتوقعت
ارسلان : تستاهل يا بدر اخيرا لقيت من ينتقم لي فيك😂
بدر : لا تفرح كثير لااجتمع انا ونواف ونقلب عليك 😅
ارسلان : فال الله ولا فالك خلنا نكمل التعريف
هذا أنس :ياهلا
هذا أركان : ارحب
وهذا معاذ : هلا بك
وذا زيدان : يامرحبا بك
وهذا متعب واللي ضمك قبل شوي بدر ويبقى اثنين من الشلة ماقابلتهم الوليد وكنان تخيلو يا شباب من شريك نواف بالسكن ؟؟؟
: من !؟
ارسلان : الوليد 😂
الشباب بردود مختلفة : اما ، احلف ! ، ماعد به مكان فاضي نسهر به اللحين .....
نواف : وش فيكم حسستوني انه نفسية الا ماهو بني آدم ذا الوليد !!!
الشباب يضحكون 😂😂😂 لا هو بني ادن بس ان راسه يااااابس ياااابس
نواف : بسيطة ماكون نواف ان ماكنت اعند منه
الشباب : كفو بس ماظنينا
نواف: ماعلينا منه الا مافيه في ذي الجامعة مطعم ولا كفتيريا ؟؟ ولا اي شي ينبلع!
معاذ : الا فيه بس تعال بالاول نوريك الجامعة وامكنتها
نوف : يالله يإن جامعتكم كبيرة ماهي جامعة ذي لو ادري ان ذا اللي بينتظرني اذا تخرجت من الثانوي كان تخرجت من زمان ياخي تفتح النفس .
متعب : 😂 ماشفت منها شي بقا الأجزاء الخلفية والمباني ومبنا الجامعة الرئيسي غير الرحلات والجوائز اللي للطلاب تدري ان ذي الجامعة قد درست امراء وبعضهم حالياً ملوك ؟؟ وتضم ابناء وزراء واولياء عهد وابناء اكبر العوائل في الخليج وكم واحد بس اللي بمنحة اذا كان بمنحة فعليه حظ ودرجاته قويه عشان تدخله ذي الجامعة
نواف وهو فاتح فمه وعيونه على وسعهم : هذا اللي ماتوقعته انا سجلت فيها على انها جامعة كويسة ومعروفة بس انها تصير كذا ياااااسلااام تتكلم ووجهها عليه ابتسامة تاخذ العقل
زيدان وهو يمغط خدود نوف : يووووه كيووووت تدري انك لطييييف
نواف وهو يالله يتكلم بسبة اللي ماسك خدوده : فكني فكننيييي لا اسوي لك اخس من بدر
هي قالته ولا ماقالته فك خدودها وتراجع بسرعة وهو ماسك بطنه عشان ماتركله او تبكسه
الشباب وهم منهارين ضحك 😂
ههههههههه زيدان اخرتك تخاف منه هههههههههه
نواف : ليه وش ناقصني عشان مايخاف !؟
اركان بلقافة : بالله اللي يشوف شكلك يحسبك بنت اصلا ولا يتوقع انك تخوف مثل ذا الضخم 😂▶️يقصد زيدان
نواف بنص عين : الظاهر لازم الحقك به قربت منه وهي تشمر كمومها تراجع اركان وطلع جواله ويسوي نفسه منشغل وهو داخل النغمات عشان يسوي نفسه بيكلم الا فجأة ترييين تيراررررن طفاه وحطه على اذنه : هلا هلا ببو سلمان هلا بالغالي ارحب ارحب امر وش بغيت ... تم ... تم كل ذا والشباب يطالعون فيه ومن ضمنهم نواف وهم حابسين الضحكه بس بيشوفون لوين بيوصل وهو ما درا انه واقف قدام مرايا وكل شي سواه في جواله انعكس عالمرايه والشباب شافوه وهو يدخل النغمات ووهو يطفيها وكلش لف عليهم اركان وهو مستغرب وجيهم الحمر وقال : يالله في امان الله يابو سلمان ماتشوف شر ان شاء الله وسوا نفسه يقفل لف عليهم وهو مستغرب : وش صار وش فيه ؟؟!
معاذ : ابد سلامتك بس شفنا لنا خبل يدخل النغمات ويكلم نفسه يعنني يكلم له واحد
اركان وهو مصدوم انهم كشفوه : الحمد لله اني ماني خبل ولا شكيت بنفسي ماودكم تعرفونا بذا الخبل ؟!
الشباب منهارين ضحك عليه لين وقفت نوف وصاحت : انا جوعااااان ماودكم تورونا وين المطاعم ؟؟!
عم الهدوء المكان لين قال ارسلان : الظاهر انك من اللي تسيطر عليهم معدتهم بس ولا يهمك الكفتريا هذيهي على يمينا والمطاعم والبقاله في الرواق اللي على يسيره وين عزمك عليه؟
نواف وعيونه تلمع: قلت مطاعم ✨✨ اجل بشرني فيها ماك ؟!
ارسلان : ايه فيها ماك وهرفي وبوفيات بس ماتفتح الا النهار وقت المدرسة و٧ الليل تقفل
نواف : يعني فيه ؟؟
ارسلان : ايه فيه !
فجأة قامت نوف تناقز من الفرح وتقول هلا بالحب
العيال يناظرونها بين اللي مستغرب واللي يضحك لين قال متعب : متأكد انك مانت بنت؟؟ ياخي حركاتك وكلامك مثل البنات لو اني ماشفتك تضرب بدر كان شكيت
توترت نوف وقالت : ترا اخر مرة بصبرلك واعديها حاول تشبهني بالبنات مرة ثانية وانا مخلي مسؤليتي عن اللي بيصير لك 🤷🏻♀️
متعب خاف شوي بس قال : لا صح انك ظاهرياً كنك بنت بس معدنك معدن رجالٍ كفو ~ لو يدري انها بنت وش بيسوي😂
ارسلان يالله نكمل باقي الجامعة ونروح بعدها لماك ناكل قبل لا يقفل
أنت تقرأ
بدأ القناع يثقل!
Actionبين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
