بين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
وصلنا⬇️ نواف : تهددك بإيش ؟ سند : تعرف جامعة العنان؟ نواف : ايه * ملاحظة جامعة العنان هي نفسها جامعة نواف والشلة سند : كانو يبوني ....... ______________________ سند : كانو يبوني اشتغل مسائي في واحد من المطاعم اللي فيها واصير لهم مندوب يوصل الخمر والمخدرات للطلاب الساكنين فيها نواف : مندوب ؟ سند : ايه في الفترة المسائية تخيل وش مهدديني فيه ؟ 😒 نواف : ايش ؟ سند : في بيتنا 😂 اللي مستأجرينه نواف وهو يعدل جلسته : كيف كذا ؟ سند بسخريه : انت تحسبهم عيال فقر ؟؟ ذولا مافسدهم الا المصروف اللي ياخذونه من ابوهم والمصروف اللي اقصده مبلغ ماقد فكرت انه مصروف في حياتي ! نواف : تعرفهم ؟ سند : شفت اشكالهم وعرفت بعضهم واغلبهم ابناء الوزراء او ابناء اصحاب الشركات الكبيره اللي خارج وداخل السعوديه بس اعرفهم واحد واحد لا نواف : اجل الوضع كذا سند : ايه وهم يجلسون بالنظيف ويستغلون اللي ظروفهم صعبة عشان يسوون نيابة عنهم الللي يبونه طبعاً بعد مايغصبونهم يصيرون مدمنين مثل ماشفت نواف : الحقراء !! سند : ايه حقراء واكثر مما تظن بعد ! وعشان كذا مشكور وما قصرت يالطيب انا ما اقدر اورطك نواف : هو على كيفك اصلا ؟ اللحين لازم اامنك منهم سند : تأمني؟ ماتقدر مهما كنت قوي الا ان لهم سلطه اعلا منا نواف : انا ما احد عليه سلطة علي غير ربي كان لأمي وابوي بس ماتو ولا احد بعدهم له علي سلطه سند يشوفه ويتأمل قوة كلماته وبشرود : واهلللي؟؟ نواف : افا عليك بس انا ماني مخليكم لا انت ولا اهلك قلت ان لك اخو اسمه رائد صح ؟ سند بحزن : كان نواف وهو يقرب منه بصدمة : كان ؟! سند : ايه صار له هو وابوي حادث وعلى اثر ذا الحادث توفى رائد وانشل ابوي شلل نصفي نواف بحزن وتعاطف : من متى ؟ سند : من6 شهور من يوم بديت البسطه نواف : واللحين انت اللي مسؤل عن اهلك ؟ سند بشبح ابتسامه : هم لهم غيري اساسًا؟ نواف : وبيتكم وش حاله ؟ سند : ايه بيتنا غرفتين وحمام ومطبخ مفتوح عالصاله اذا تسمي ذا بيت فهذا هو على رغم انه حمل ايام طفولتنا سعادتنا نواف بدهاء : تدري ياسند انا من يومني صغير وانا احلم ببيت دورين وسط الغابه لونه ابيض ودرايشه بنيه وبدا يوصف له بيت احلامه ..... ثم قال وانت يا سند ؟ وش البيت اللي تحلم به ؟؟ سند : انا؟ تصدق ما قد انسألت ذا السؤال ولا قد حتى فكرت بالإجابه ولو مرة وحده ! يعني وش يفيد احلم ببيت ولا معي قيمته؟!! نواف : احد قالك اشتره ؟ وبعدين الله عند حسن ظن عبده به فكر باللي تبي يجيك ولو بعد سنين ! <وبطفولية >ومو عدل كذا علمتك ببيت احلامي علمني ببيت احلامك مالي شغل ! ونفخ خده سند بضحكة : زين زين لاتزعل بس خلني افكر اممم انا ياطويل العمر احبه بسيط ابي بيتي دورين ووسيع ماتصب مويه المطر من سقفه وابي فيه عشر غرف نوم ومطبخ فوق ومطبخ تحت وحديقه برا عشان اطلع امي وابوي فيها ودرايش البيت كبااار عشان كل ضحى افتحها لابوي يشم هوى بدل كتمة البيت نواف : بس ؟ سند بضحكة : ياشيخ خله يحصل ثم نشوف 😂 ولا انتبه لنواف اللي وقف التسجيل وبإبتسامة : طيب اي تخصص تدرسه يا سند ؟؟ سند : محاسبة وش سبب سؤالك ؟ نواف : افكر بأشياء اسويها واتوقع اني بحتاجك ! سند بتفاجئ : تحتاجني انا ؟؟ نواف : ايه طيب ابوك الشلل النصفي وين وصل ؟ سند : رجوله ما يقدر يمشي نواف : بس ؟ سند : ايه وش له ذي الاسئلة ؟؟؟ نواف : هو ضايق خلقه بالبيت ؟ سند بتنهيده : اكثر مما تتخيل نواف : وين وصل دراسه؟ سند : بتستغرب اذا قلت لك انه معه شهادة بكالريوس انقلش ! ويعرف للحواسيب والبرمجة نواف : معه شهادة بكالريوس ! ولا توظف ؟؟ سند : انه مو منه من اهله نواف : اهله ؟ سند : ايه اهله صار بينه وبينهم مشاكل ودنيا وطلع منهم وخسر ثروته نواف : اجل كذا السالفة ! وش رايك طيب ادبر له وظيفة وهو جالس في البيت ؟؟ سند : تدبر له ؟؟ كيف وهو طول السنين محد وظفه ؟! نواف : لي معارفي انت بس قول تم سند بتوتر : تم نواف بتذكر : يوووه نسيته والظاهر بتأخر عنه بالاذن ياسند عندي اتصال ضروري اسويه سند : اذنك معك نواف وهي تحط رقم بدر اللي عطاها اياه انتظرت ثانيه ثانيتين ثلاث لين رد : الو بدر معك نواف بالله سرييييع قوم الوليد نسيته في الغرفه وهو موصيني اقومه لا رجعت وانا يمكن اتأخر اليوم بدر برواقان : وعليكم السلام نواف الحمدلله طيب وش اخبارك انت نواف : بلا مزاح يا بدر تكفى قومه مالي خلق بدر بجديه : فيك شي ولا حاجه ليه بتتأخر ؟ نواف بعجله : لا طيب بس عندي شغل وش قلت بتقومه؟ بدر : زين بقومه الله يستر عليك نواف وهو يبوس الجوال : تسلملي يا احلا بدر بدر بضحكة: ايييه عند المصالح يطلع اللسان المعسول نوف : ههههههه مع السلامه يا احلا بدر بدر : ههههه الله معك رجعت لسند نواف : يالله ياسند بنروح نشوف عمي سند : عمك؟ نواف : ايه ابوك سند : وش تبي بأبوي ؟ نواف : بسولف معه واقنعه ببعض الامور سند : طيب طيب بس تراه مزاجي على فكره فتحمله نواف : خله مزاجي مزاجيته ماتجي نص مزاجيتي سند : ههههههههه طيب خذو اغراض سند ودفعو وركبو تاكسي لين بدو يدخلون الاحياء القريبة من الحديقه اللي التقو فيها وبدو يتعدون الحي الاول الحي الثاني ولما دخلو الحي الثالث لقو وجهتهم بيت شعبي صغير جدرانه متشققه ولونه باهت وبابه مصدي سند : وصلنا يامرحبا ومسهلا يالله حيه تفضل نواف : تدوم وتحيا يا سند .. زاد فضلك دخلو لمجلس صغير وكان ابو سند موجود على كرسيه وقدامه طاوله ويتقهوى ما رفع راسه للحين فما انتبه لنواف اللي مع سند : يامرحبا بسندي عسى ماشر كأنك تأخرت اليوم اكثر عن المعتاد ؟ سند : الله يسلمك يايبه ايه والله كني تأخرت شوي كنت جالس مع خويي وجيت انا وياه ذلحين نواف : يامرحبابك عمي ابو سند توه ينتبه له : يا مرحبا والله ومسهلا اقرب للقهوة اقرب نواف : الله يسلمك وجلست جنبه وصب له القهوة *نوقف شوي احساس بطلتنا نوف يوم شافت ابو سند اول شي تفاجأت لان مما قاله لها سند توقعته شايب ! وعلى عكس توقعاتها كان تقريباً في الاربعين الى خمسة واربعين رغم ان الدنيا وهمومها مكبرته اكثر من عمره الا ان ابتسامته تذكرها بأحد وجسمه رغم انه جالس على الكرسي عالدوام الا انه مافقد لياقته! نواف : اعذرني يا عمي أخرت عليكم سند ابو سند بفرح : لا يابوك خذ راحتك انا ماصدقت صار عنده اصحاب لف نواف على سند : لاتصدمني وتقول ان ما عندك اصحاب؟ سند بإحراج : من قال واولهم انت نواف بإتسامة : انت تراك ما انت بصاحب وبس الا خوي واخو ابو سند : وش اسمك ؟ نواف بتذكر : اعذرني ياعمي نسيت اعرف نفسي معك نواف الساجي ابو سند :والنعم فيك نواف : الله ينعم بحالك سند وهو يقرب لابوه : تغديتو ؟ ابوه : لا والله نحتريك قل لامك تفرغ الغدا ( تصب الغدا في الصحن ) سند : ابشر نواف : ماشاء الله عليك ياعمي ربيت لك رجال الله يحفظه لكم ابو سند : الله يحميه ويحفظه ذا سند سندي من يوم الحادث وهو معي مغير يصبرني ويذكرني بالاجر وقايم بالبيت ومسؤلياته بدالي وبدال المرحوم نواف : ماشاء الله عليه ابو سند : تصدق انك تذكرني بأحد عزيز علي بس خذاه مني الموت نواف : الله يرحمه ابو سند : الله يرحمه دخل سند وبيده السفرة والصحن فرش السفرة عالطاوله وحط الصحن : سمُّو ( يعني قولو بسم الله وهذا دايم ينقال يعني ابدو اكلو ) وكلو وخلصو وراح سند يودي السفره والصحن لجوى البيت نواف : ماشاء الله عالاكل لا يعلا عليه ذكرني بطبخ امي الله يرحمها ابو سند : الله يرحمها وانا ابوك البيت بيتك متى مابغيت تعال نواف : تسلم ياعمي ماتقصر وعلى ذا الطاري ابي افاتحك بموضوع انا بغيت ........ _________________ يتبع🔚 ما شاء الله عليكم صدمتوني امس انكم وصلتو لخمس نجمات بذي السرعه 💕 * ابو سند : اسمه الفيصل عمره ٤٤ جميل جميل حتى لو ان الهموم مكبرته عيونه رماديه جميله وجسمه للحين في لياقته * سند : هذا واحد صاقلة شخصيته الدنيا وذكي بشكل ماتتوقعونه ومتحمل المسؤليه في عمر صغير عيونه عسليه وشعره كاكاو وجميل جمال يقطع القلب يدرس محاسبه اكبر من نواف ب٤ سنين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
