.
اللهم صلي على محمد وعلى آله وصحبه أجمعين
.
.
الشخص اللذي قال لك سأحرق العالم
من أجلك هل أحرقها ام مازال يجمع الحطب ؟!🙂...
________________________________
بجمالها بس لما ركزت في الماء لقت شي يتحرك قربت راسها بتشوف وش اللي في الماء بس تفاجأت باللي ......
________________________________
بس تفاجأت بالشاب اللي رفع راسه وهو يرفع شعره الطويل بيده ونوف للحين راسها قريب من ماء البحيرة التقت عيونهم ببعض فجأها عمق الشعور اللي بعيونه شعور هي اكثر من يفهمه بعدت راسها عن البحيرة بعد ماكان مايل على سطحها وهي ترمق الشاب بنظرات فضوليه بعد ما ابعد الشاب شعره المبتل عن وجهه تجاهل وجود نوف ولاكأنه شافها وحول كل انتباهه للي بيده كانت قطة سوداء عيونها شدة انتباهها اليمين تضاهي احجار الفيروز في لونها ولمعانها واليسار سوداء سواد عميق وبدأ يمسح على ظهرها ويسمي عليها وسبح للضفة واخذ جاكيته ولف القطه بها وبدا يجففها لين جف فروها ضحك نص ضحكة وقال : اللحين انتي تمام التمام
كل ذا صار تحت انظار نوف
نزلها في حضنه وهي للحين ملفوفة بجاكيته
جلست جنبه بهدوء وصمت وتتأمل ملابسه كأنها تشبه ملابسهم بس تختلف واكثر فخامة من ملابس باقي الطلاب
الشاب بسخرية : انت الولد الجديد اللي يتكلمون عنه
نوف بصوت طغى عليه المرح : ان كنت تقصد نواف الساجي فإيه هذا انا
: هههههه ادامك قلت اسمك من قلة الادب ما اقولك اسمي معك نادر
نواف بهمس : مغرور وبصوت طبيعي : عاشت الاسامي
نادر : عاشت ايامك ولو اني سمعت اللي قبلها
نواف بإحراج : تستاهلها
نادر وهو يحرك راسه : افا وانا قلت اللي بيستحي على نفسه طلعت شين وقوي عين
نواف وهو يلعب بحواجبه : ماجاك شيء لاتزيد جرعة الغرور ازيد وقاحة
ضحك نادر بهدوء وقال : الجلوس معك ممتع <ووقف > : وعشان كذا بعطيك نصيحة افتح عيونك للي حولك
نواف ضحك بهدوء : بأخذ بنصيحتك لأني اعرف وش يصير حولي
عطاه نادر ظهره وراح وهو يلوح له بيده بمعنى باي
حطت يدها على خدها وهي تتأمل ماء البحيرة وفكرها مشغول: يارب يسر لي امري
دخلت الكوفي بتاخذ لها موكا قبل لا تدخل الشقه
حاسبت ولما جت بتطلع لمحت شخص تعرفه راحت جهته وزادت الابتسامة لما شافت من هو جلست عالكرسي اللي قدامه : تمييم
رفع راسه : هلا والله بنواف وينك اليوم مالمحتك بالمحضرات
نواف : اشغال مستعجله ماقدرت أاجلها
تميم وهو يحط يده على خده : ياحظك خلصت مذاكره وانا مع ذي الاوراق مافهمت شي
نواف وهو يلاحظ الفوظه اللي عند تميم وعدد الاكواب الفارغه والكتب والاوراق : تذاكر لإيش؟
تميم : دقيقة لاتقول لي انك ماتدري بإختبار بكرة؟
نواف بصدمة : اختبار ؟!
تميم بضحكة : وانا اللي حسبتك مخلص طلعت ماتدري به
نواف بعجلة : مادة اي دكتور؟؟؟!
تميم : خالد
وعلى طول راح نواف ركض للشقة مستعجلة
دخلت للغرفة بسرعه واخذت كتبها واوراق واقلام وطلعت من الشقة ركض للمقهى وقفت عند تميم وهي تلهث جلست في الكرسي اللي قدامه ورتبت اغراضها وهي تقول : ماقالكم اي جزئية بنختبر فيها ؟؟
تميم : الا من هنا الى هنا <يوريه>
نواف: خلني اشوف <وبدت تتصفح > تنهدت براحة : الحمدلله بس هذا
تميم بحلطمة : ايه شفت وش كثره حسبي اللله عليه لو انه يعرف يشرح كان
نوف بسهالات : عادي يارجال جزئيته سهله
تميم بإنفعال : اي سهله وانا منثبر هنا لي اكثر من ٤ ساعات!!
نواف : كم تعطيني اذا خليتك تفهمها قبل لانطلع؟
تميم : اللي تبي وبسخريه : اذا قدرت من الاساس
نواف وهو يمسك القلم : اتفقنا اجل قرب يالله عشان تفهم <وبدت تشرح من قلب > اذا سألك عن الاصول على طول حط في بالك الاساس واذا سألك عن .....الخ واذا بغيت تخرج المبلغ مع الضريبة ماعليك الا تضرب المبلغ في نسبة الضريبة و......
بعد مدة
سكرت القلم وهي تقول : انتهينا
تميم بدهشة : ماشاء الله عليك قدرت تفهمني وحتى مامرت ساعه
نواف : تذكر اتفاقنا
تميم : وش قررت؟
نواف وهو يتلاعب بحواجبه : اللحين ما ابي شيء لابغيت قلت لك
تميم : على راحتك وبما ان حنا خلصنا المذاكرة في وقت اقصر مما كنت بجلس فيه لحالي وش رايك نتمشى؟
نواف بحماس : قدام
وبطريقهم وهم طالعين لمحو تجمع شباب على فرشة تحت شجرة مروا من عندهم
نواف وهو يتخصر : ياخونة
لفوا عليه الشباب : صداقة اخر زمن ما احد قالي عن الاختبار
بدر : يووووه نسيناك
نواف : لا والله اللي عذر اقبح من ذنب
كانو الشباب : متعب ،بدر،الوليد،ارسلان، عالفرشة وحولهم الكتب يذاكرون منهم من جالس ومستند عالشجره ومنهم من منسدح على بطنه ويحفظ ومنهم من حاط راسه في حضن خويه ويذاكر
متعب : والله جيتك قبل لانبدأ مالقيتك في الشقه وحسبتك خلصت
نواف : لا والله ماخلصت الا قبل شوي مع تميم
تميم : والله لولا الله ثم نواف اني ما اخلص الا العشاء بس وفقني ربي بالمعلم نواف وخلصت بدري
نواف : الله يقويكم حنا بنروح نتمشى
راحو وتركو الشباب
بدر: أخخ بس لو ادري بنواف شاطر كذا كان مانسيته وبطلعه لو من تحت الارض
متعب : مصلحجي رقم واحد
بدر : اني صادق لو خلصنا بدري كان اللحين حنا معهم نتمشى مو مقابلين وجيه بعض
الوليد : بسك انت واياه خلونا نخلص
أرسلان : ايه والله لاتصجونا يارب انا نخلص قبل المغرب
عند تميم ونواف
نواف : خلنا نوقف لنا تكسي
تميم وهو يطلع مفتاح: مايحتاج
تبعه نواف وتفاجأ من تميم يرمي عليه خوذه ويلبس الثانيه
نواف بحماس: لاتقول لي!!
تميم : الا بنركب دبابي
ركب الدباب وركب نواف وراه
تميم : وين ودك نروح؟؟
نواف : اللي ودك
تميم : وش رايك اوديك لبيت جدي ؟ بتعيش اجواء الديرة
نواف : لايكون جدك من الشياب اللي يهاوشون
تميم : هههههه لا جدي ماهو منهم بيعجبك
نواف : كم يبعد ؟
تميم : ساعة او ساعة الا ربع
نواف : قدام
____________
زيدان وهو حاط سبيكر : هلا حبيبتي
: هلا زيزو
سوا حركة انه منقرف من دلعها الماصخ
: هلا بروح زيزو
: تصدق انك احلا شي صار لي ؟
زيدان : اذا هذا كلامك وش اقول انا ؟
: زيدان اللي جبته لي امس اعجبني حيل كيف عرفت بذوقي؟
زيدان : لما شفتها قلت هذا مايصلح الا لسوسو
سوسو: ياقلبي والله
زيدان: اعجبتك ؟
سوسو : اعجبتني الف متى بنتقابل زيزو ودي اني اشوفك وتشوفني
زيدان : قريب قريب انا اللحين بعيد عن الرياض
سوسو : ماودك تشوفني؟
زيدان : الا مشتاق لشوفتك بس الظروف اقوى منا
سوسو تسوي نفسها زعلانه : يالله باي
زيدان : باي
وسكر منها
وصار يشوف اركان اللي كاتم ضحكته وضحك وقاله اضحك اضحك
ضحك اركان وهو يقول : ياربي زيزو مره وحده
زيدان : انت شفت 😂
أركان وهو يقلد : متى نتقابل زيزو : وجع مافي وجهها سحا
زاد ضحك زيدان من التقليد
أركان : وانت ووجهك متى بتترك هالطريق يالمغازلجي ماتخاف يردونها في بنات خالتي
زيدان : يارجال هد ترا كلها مكالمات
اركان : شي يسحب لشيء
زيدان : اووووه خلاص انت بتجلس فوق راسي كذا
هز أركان راسه بأسف على حال ولد خالته يدري باللي يصير في بيتهم وهو اللي خلاه يترك الامارات ويجي هنا يدرس يدري ان سوالفه ذي كلها لها سبب الله يهدي خالتي وزوجها شوي ويضيع الولد وهم مايدرون عن هوى داره
________________________________
تقبل الله منا ومنكم صالح الاعمال
لا اوصيكم بكرة عرفة اجتهدو بالطاعات ولاتنسوني من دعائكم
أنت تقرأ
بدأ القناع يثقل!
Aksiبين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
