بين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
نكمل : نوف : ياربي لا لا وش اسوي ما اقدر حتى اقوم ولا شي اكيد ان الجينز طبع عليه 😓 ناظرت بطرف عينها اذا بان او لا وفتحت عيونها بأقوى ما عندها منفجعة مو معقولة انه باين لذي الدرجة رفعت راسها وهي كاتمة البكية وش اسوي اللحين لمحت بدر وكنان توهم راجعين من عند الكوفي وبدر منرفز كنان عالبالطو يشده منه بمزح ويضحكون لين اخذه من كنان ولبسه وقام يتمخطر فيه ويظحك ويظحك عليه كنان لين وصلو جلس كنان جنب معاذ وبدر جنب نوف كانت هي في الطرف وبينها وبين تميم فراغ جلس بدر بينها هي وتميم وهو للحين عليه البالطو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هذا البالطو للي ما عرفه ⏏️ بما ان كنان يدرس طب جراحة فكان معه نرجع : جلس بدر وهو يخلل اصابعه بشعره : (يقلد دكتور كنان المصري ) إزيكو ياشباب جيييعاان والله ماكلتش شي من امبارح اديلي بأى إزازة اللبن والعيش يانواف ، نواف كان بعالم ثاني يفكر بورطته اللي مايعرف يتصرف فيها هز بدر كتفه وهو يقول : إيه يابني انت بخير ؟ والشباب ناقعين ضحك على بدر وتقليده للدكتور سليم دكتور كنان خصوصاً انه غثيث ( شطحه ادري خاصة ان المصريين دايم دمهم خفيف 😂) نواف توه ينتبه لف عليه بتوتر وهو يقول : هلا ؟! قلت شي ؟ قامو الشباب وبدر معهم يضحكون عليه تنبه بدر ان وجهه مخطوفة الوانه وشاحب ويده ماسكة بطنه وعيونه تلمع قرب لاذن نواف وقام يهمس : ياولد جد انت طيب ؟ نواف توتر وسرت في عموده قشعريرة ماتعود للحين عالاجواء : ايه طيب ليه ؟ بدر : ابد وجهك مخطوف وعيونك زايغات كأنك خايف ومتألم بحلقت نوف بعيونه وهي تفكر : بسم الله كيف درا ؟! جلس بدر يتأمل نواف وانتبه على يدين نوف اللي تحاول تغطي البنطلون وشد انتباهه تركها وكمل اكل وسوالف لين ما مد كنان الكوفي لنوف وبعدت وحدة من يديها عشان تستلم الكوفي من كنان وانتبه بدر لحركتها وشاف اللي كانت تحاول تخفيه ! وتوسعو عيونه بصدمة لف راسه بسرعه وهو يفكر : يعني توقعي كان بمحله مع اني تجاهلته لإستحالته بس البنت ذي سوت اللي حسبته مستحيل! ليه سوت كذا ؟؟؟ ما ابي اظلمها بس ! اعوذ بالله من الشيطان الرجيم وش بتسوي اللحين ؟! شلون بتقدر تمشي كذا قدام الشباب وهو باين ؟؟؟ صار يشرب من الكوب اللي في يده Doppio وهو يفكر بحل وهل يقول لها انه عرف ولا ؟ ورحم حالها مهما كان اسبابها فهي غلطانه واللحين اكيد متورطة تذكر البالطو اللي فكه وسفطه في حظنه حطه على اكتافها وهمس في اذنها : البسيه وقومي الحقيني ذلحين وقف وقال للشباب : بروح انا ونواف شوي مشى وهي وراه منصدمة : قومي ؟؟؟ البسيه ؟ يارب انه غلطان ما كان يقصد بعد مابعدو شوي بدر : ذكريني كم رقم غرفتك ؟ نوف بربكه وتوتر : ههءههاه وش ذكريني ؟! هو انا بنت تكلمني كذا ؟! لف عليها بدر وهو رافع حاجب : تصدق الظاهر اني غلطان حسبتك بنت عشان كذا عطني البالطو احس اني بردان 😒 نوف : هاه ؟ ايش ؟ البالطو هه لا خله شوي ويحتر الجو بدر : عادك للحين ولد ؟ ولا بتعترفين وتخلينا نروح لشقتك تغيرين بنطلونك ونخلص؟!! نوف بشهقة : شفته ؟ بدر : ايه شفته خلينا نخلص وبعدين نتفاهم نوف : طيب شقتي 405 بدر : يالله الحقيني وصلو الشقة بدر : يالله ادخلي وخلصي عمرك ثم ناديني لان عندي اسئلة لليل واحس من مصلحتك محد يسمعنا واستعجلي عاد ورانا محاضرات بتبدا نوف : تمام بعد ربع ساعة فتحت نوف الباب : بدر دخل بدر وهو يطالعها ويفكر : ماشاء الله حتى وهي مسويه نفسها ولد جميييلة حيل نوف : بددددر وين رحت يارلد لي ساعة اقول اجلس ! بدر : هاه؟ هنا هنا بس ما انتبهت نوف : زين اجلس ونتفاهم عقبها جلس نوف : وش هي اسئلتك ؟؟ بدر وهو يفكر : ماشاء الله شين وقوي عين استوعب استغفرالله والله ماهي بشينه بس انها قوية عين بدر : ابد افكر وش جاب بنت لجامعتنا ؟ نوف بإختصار : الظروف بدر وهو يرفع احد حواجبه : وش ذي الظروف اللي تدخلك لمدرسة عيال؟! نوف بلا مبالاة : ابد ياطويل العمر تيتمت من امي وعمري 8 سنين وعقبها بسنتين صرت يتيمة اب وام في نفس الوقت واتضح ان عماني رخوم وماهم كفو وخوالي ماقدرو يسون شي الا متأخر ومتأخر جداً ووروني من بعد عين ابوي الشين سكتت وبشبح ابتسامة حزينة كملت صدق من قال ماللبنت من بعد ابوها ذرا واخر فعايلهم قبل لا ادخل جامعتكم واضطريت اني اتخبى عنهم بأي وسيلة ومن هم عشان اوقف مستقبلي عشانهم وانا ادري لو دخلت جامعة بنات بيلقوني لو كانت ذي الجامعة تحت الارض بدر : عمانك ؟؟ منحاشة منهم ؟؟ نوف : ايه عماني ولو ان مالي عمان ابرك بدر : واخوانك؟ نوف : مالي اخوان ! بدر : وخوالك ليه ماتدخلو من بدري؟؟ نوف : بالبداية ماقدرو لان عماني مسكو وصايتي بعد ما مات ابوي سكتت وعيونها تلمع كملت ثم بعد ما اخذ واحد من خوالي الوصاية هددوه بي ومدري ايش وووو المختصر اني رجعت لعماني ورجعو بفعايلهم صح اني ما اسكت لهم بس خبثهم يصدم وما يجي الا اذا انشغلت ولا مرضت بدر : دقيقة دقيقة وصاية ودنيا ليه كم عمرك ؟ ماتجاوزتي العمر القانوني؟؟؟ نوف : ههههه تصدق عمري ١٦!!! وانتظر متى اتم ال ١٨ عشان اتمم خططي وانتقاماتي بدر : ١٦ !! ياساتر وكيف دخلتي الجامعة ؟؟ نوف : 😂 انا اصلاً داخلة المدرسة مبكرة سنة ولما عماني سوو مصيبتهم قدمت طلب انهم يقدموني سنتين اختبرت وكلش ونجحت غمزتله من عمري ذكيه بسم الله علي وعطته ضحكه اللي يشوفها يحسبها خاليه من الهموم اللي كشفته يشيب الراس وعلى قولتهم الخافي اعظم قاطعته نوف : ماعلينا اللحين انت وش وضعك ؟؟ بتصير بصفي ولا ضدي !؟ بدر وقف : والله انا ماهماتيني انتي ولد انتي بنت بعاملك مثل اي واحد بالشلة بس اعرفي انك لاتورطتي تقدرين تجيني ماني قليل مروة اترك بنت بين ذيابة لحالها نوف : كفو اجل قم يالله خلنا نلحق على المحاضرة ونشوف الشباب اكيد انهم خلصو اللحين بدر : يالله مشى قدامها لين وقفته بصوتها تناديه : بدرر! لف عليها بدون لايتكلم بمعنى اسمعك وش بغيتي نوف بإبتسامة وعيون دافيه : مشكور على اللي سويته اليوم ما انسى اللي سويته وتذكر اني بردها لك لاحتجتها بدر بإبتسامة : ان كنتي سندريلا بكون لك اميرها في ذي المحنة انا اللي بغطي عليك بالخفا وغمز لها في النهاية وكمل طريقه لحقته وهي تتفكر في كلامه : والله امر ذا الولد عجيب متناقض يقول بعاملك مثل اي واحد من الشلة ويقول بحميك 😂 مهما كان انا ممنونة له ما فضحني وهم يمشون لف عليها بدر : الا ماقلتي وش اسمك الصدقي نسيت اسألك 😂 ضحكت نوف وقالت بهمس :نوف بدر ينطق اسمها بتركيز : ن_و_ف والله اسمك حلو مدري ليه جتني خيبة امل 😂 حسبت بالصدفة بيجي اسمك بدور 😂 نوف : هههههههههه بدور 😂 ولا يهمك يابدوري وتغمزله 😉 شافت ساعتها وشهقت : ياويلي يابدر يالله يالله مابقى شي عالمحاضرة وغير كذا مدري منهو الدكتور 😂 يارب انه ماهو بغثيث بس بدر : ههههه كمل حلم بس اخلص مابقى شي صدق وقامو يركضون عشان يلحقون يدخلون قبل الدكتور وصلو وهم يلهثون من كثر الركض ونوف محمر وجهها ويالله تتنفس دخلت وراحت لمكانها بسرعه ودخلت يدها في جيبها وبلعت لها شي بسرعه بدون مويه حتى وماتنبهت للي يشوفونها وحواجبهم معقوده بستغراب وشك !!! ولا للي كان وراها ! وهذا ماهو من طبعها !! بعدها حست بصدرها يثلج واطرافها وبدت تنظم انفاسها وهي راسها عالطاولة لين ________________________________ يتبع🔚 السلام عليكم والرحمة 💕 اخباركم حبايبي؟؟ رحمتوها صح ؟ ستر ربي وبدر هو اللي كشفها وبحكم انه نص سعودي واهله متحررين اكثر من اغلب السعودين مشاها وما استغرب الا كيف دخلت مدرسة اولاد ! اما انها كشفت وكذا فأغلب خواته الكبار دارسين برا السعودية من الابتدائي مختلط المهم وش تتوقعون اللي بلعته ؟؟؟ ومن اللي شافها وهي تبلعه ؟؟؟؟ الانستا حق الرواية واغلب اخبارها فيه يعني لو اختفي ولا شي هو شغال 👇🏻👇🏻 oncg77 ادخلو عليه والله الله ابي رايكم عنها وسواليفكم
