بين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
جلسو ينتظرون يبون يسمعون صراخ نواف لان اكيد واحد طمر ذي الطمرة وش بيتوقعون يصير له اقل شي يمكن كسر باليد ! بما ان الاسوار عالية بس ماسمعو شي الا شوي ينزل عليهم الحبل ويشوفون نواف فوق السور يأشر لهم بعد ماربط الحبل بالشجرة يتسلقون وهم منصدمين تحرك الوليد ومسك الحبل وبدا يتسلق ولما وصل ساعده نواف واشر له يجلس مايروح للجهه الثانية وراح يأشر لكنان يتسلق هو الثاني وسوا نفس الشي اشر له يجلس وطب نواف للجهه الثانيه وقام يهندس في الحبل والشينكار ورماه عالجدار لين ثبت وقال لهم ينزلقون عليه وسوو مثل ما قال لما نزلو قال نواف : اللحين نخفي اثار الجريمة😂 تسلق الحبل وفك الشينكار عن الجدار ونط من الجدار وكل ذا والوليد وكنان منصدمين كيف ينط كذا كأنه متر ولا مترين؟؟! نواف : يالله خلص دوري وجا دوركم الله الله تراني ما ادل اول يوم لي😂 كنان : يا رجااال انا اشهد انك كفو والله اللي صدمتنا ما ضنيت انك بذا الجِيد !! نواف : افا عليك بس 😂 ماشفت شي كنان : ما عليه ماعليه بدا يشوف نفسه علينا المهم تعالو نرجع السكن يارب ان مدير السكن في سابع نومة نواف : يارب ...... الوليد : مع السلامة ياشباب وما قصرتو بس بخلص كم شغلة قبل لا ارجع شقتي كنان وهو يخفي بسمته: من قال انها للحين وهي شقتك لحالك😂 الوليد 😯: ليه ما انت خابر ان مالي شريك ؟!؟؟ كنان الا خابر انك كنت بدون شريك ! بس كنت وكنت فعل ماضي اليوم جا طالب جديد وهو معك بنفس الشقة😂 ~نواف ساكت ويستمع يبي يشوف ردة الفعل ~ الوليد : احلف ! كنان : والله وش فيك مو مصدقني؟؟ الوليد : صدقتك صدقتك ياليييييل ماعد فيه خصوصية اللحين ببتلش مع الورع الجديد 🙄 .... الا قلي هو اصغر منا ولا اكبر ؟ كنان : هههههه تصدق شكله وعمره كلها اصغر منا 😂 الوليد : والله البلشة كملت نواف يسمع وهو رافع حاجب ومكتف كنان يراقبهم ووجهه احمر من كتم الضحك نواف : يالله الله يستر عليك وراك شغل صح؟! وحنا بنسري نشوف المدير ذا خامد ولا قايم .. مشت كم خطوة ثم لفت على كنان : امش انت بعد دلني مدري من اي جهة السكن تقدم كنان يضحك والوليد يراقبهم ثم دبر لشغله اللي قاله نواف وهو يعطي كنان بوكس : اجل انا شكلي اصغر منكم ها؟؟؟؟! وش ناقصني ؟؟؟؟ كنان ماسك مكان البوكس ويضحك : ابد سلامتك انت تقارن طولك ولا وجهك الامرد بطول الوليد ولا وجهه اللي فيه شنب وعوارض ياهي انت حتى ماعندك سكسوكة وش عاد عوارض ؟؟!!! 😂 وصلو السكن وراحو يرصدون المدير وين ؟ نايم ولا قايم؟!؟ مالقو له حس واللمبات طافية فأكيد انه نايم مشو ولما قطعو مسافة طبعا كانت اللمبات طافيه في الممرات والنور يجي من الدرايش = النوافذ لقو نور كشاف من بعيد فحطو رجلهم ينحاشون لا يصيدهم مدير السكن فهو يتفقد الممرات كل ليلة بس تأخر هذي الليلة هم حسبوه خلص الدورية لما قرب النور زيادة لقو واحد من البيبان مفتوحة فدخلوخا على طول وهم يلهثون من التعب التفتو لبعض ثم ضربو سواعدهم ببعض وهم يقولون يييييس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
