وكعادتها في الطفولة لازعلت راحت لمكتبة البيت وفتحت واحد من ادراجها وسكرته على نفسها وجلست فيه سمعت حرمتين عرفت وحدة والثانية لا
الحرمة 1 / تصدقين انا اشك انها ماتت موته عادية !؟؟
الحرمة 2/ اجل كيف ماتت مثلاً ؟؟؟
الحرمة 1/ يعني كيف يمكن ......
وماحسبوا ان بنتها متخفيه وتسمع اللي قالوه بالحرف
وان نوف جاها .........
—————————————————————-
وصلنا ⏏️
وان نوف ذاك اليوم جاها انهيار عصبي واغمى عليها وبسبب انها كانت في الدرج ما لقوها الا وهي في انفاسها الاخيرة باليالله تتنفس ذاك اليوم خلف وراه اثر دوم وراها غير انه كان المفتاح لكل اللي صار ويصير ما خلف اثره على نوف بس الا عبد العزيز النيار اللي مافي عمره انهز ذاك اليوم تزلزل كيانه غير ان ذاك اليوم كان في عزا معشوقته انفجع ببنته سكرته اميرته المدللة
صفنت فترة لين سمعت : هييي انت
وحست بأحد يضغط على خصرها ضغطات ورا بعض جمعت تركيزها وتلفتت حولها : ايه انت ياللي تتلفت جاوب
تورطت هي حتها ماتعرف السؤال كيف بتجاوب ؟؟! لقت الوليد جنبها ويشر على ورقة بكل هدوء فهمت عليه : عناصر قائمة الدخل هي : ١/ مجمل الدخل ٢/ الدخل التشغيلي ٣/ صافي الدخل قبل الضرائب والفوائد ٤/ صافي الدخل قبل الضرائب ٥/ صافي الدخل
الدكتور بإعجاب وتعجب : والله حسبتك صافن قلت ذا حتى مايعرف السؤال كيف بيعرف الجواب بس ماشاء الله طلعت مركز معنا
نواف ببتسامة : ايه مركز معكم
الدكتور : إسمك ؟
نواف : نواف الساجي
الدكتور : والنعم
رد عليه نواف وجلس
ثم لف على الوليد وتذكر مساعدته جاب ورقة وقلم وكتب { اسمع قررت اسوي معك هدنة لا هواش ولا مناقر وانت نفس الشي مافيه هواش ولا مناقرر!! لانك كأنك شبه طيب يعني مافيه واحد يساعد واحد قد اعدمله وجهه تمخيش وعض !! الا فيه نسبة من الطيبة تمام ؟؟؟ }
وسفطها مثل الملابس بكل ترتيب ثم حطها قدام الوليد الوليد ما انتبه لها على طول فلما نزل راسه يريحه عالطاولة انتبه لورقة مربعه مسكها وبدا يفكها مايدري ليه يوم شم ريحتها حسها من نواف بس كمل فتح لين انفتحت كلها وبدا يقرا ارتسمت على فمه شبه ابتسامة حتى وهو يطلب شايف نفسه 😂 ذا النتيفة قلبها وبدا يكتب { شف انت بعد انا بقول تمام بس لا حريتني او نرفزتني تراني ماني مسؤول عن ردات فعلي او تصرفاتي 🙌🏻} وبدا يسفطها مثل تسفيط نواف ثم حطها قدام نواف وقرص نواف من كتفه لين تنبه له نواف اشر الوليد بحاجبه عالورقة وفهم نواف ثم فتح الورقة وهو عيونه ماتحركت عن الوليد لين انفكت الورقة كاملة بدا يقرا ثم ابتسم ابتسامة وهو كاتم الضحكة ومد قبضته للوليد : اللحين بعد ماتصافينا اصدقاء واحباب؟؟؟؟
الوليد بشبه ابتسامه وعيون تلمع وفكره راح بعيد يفكر باللي راح ثم صحا على نفسه ومد قبضته وهو على نفس العيون والابتسامة : ما ودي اكسحك (وضرب قبضته بقبضة نواف ) الحين حنا خويا😉
طالعه نواف بنص عين : باين باين اني غاصبك انت اللي ماصدقت اني اصير صديقك 😂
الوليد : مع نفسك ااا
قاطعه الدكتور : هدوووووء
صمتو لين اخر المحاضرة ونواف يكتب كلمه ويشخبط بدالها عشر
على اخر المحاضرة بدا الطلاب يطلعون جمع نواف اغراضه وقام يركض للباب ثم بعد دقايق رجع يركض لداخل القاعه وعلى وجهه ضحكة سخيفة وصل للوليد وهو يضحك ويحك راسه : تصدق نسيت انك خويي 😂! تعال تعال
تبعه الوليد وهو يضحك 😂 : يارلد اصبر باقي الشلة بيجون
نواف : : وانا رايح ادورهم ! عشان نروح ناكل بس عادي خلنا ننتظرهم
من بعيد شافت شي شد انتباها ثم فجأة وبلا تردد ركضت بأسرع ما عندها (كانت سرعة شديدة جداً) بين صياح الموجودين وتعجبهم وتحذير البعض نطت ل....
_______________________________
يتبع🔚
السلام عليكم والرحمة
من العايدين
كيف حالكم ؟؟؟
واجواء عيدكم؟؟
متحمسين؟
عيديتكم اعجبتكم؟
عيد مبارك علينا وعليكم
أنت تقرأ
بدأ القناع يثقل!
حركة (أكشن)بين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
