بين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
ضمها وهو منقهر عليها حيييل وقال : سامحيني والله غصبٍ عني لو كان مو عشانك مابعدت عنك ولاتركتك نوف : وشلون قلي وشلووون وانت من يوم عرفتك تسوي اللي تبي ولاعليك من الناس جت على ذي المرة ليه ماسويت لهم طااف وظليت معي ؟؟! ليه؟ فاهد : صح عليك اسوي اللي ابي ولا علي من احد بس لاصار الامر يخصك ما اقدر والله ما اقدر اخاطر بك انتي اخر من تبقى عقب المرحومة تبيني افرط فيك ؟!! نوف وكلامه لامس قلبها : طيب وش اللي حدك تبعد قلي خلني بس اعرف ! فاهد : ما اقدر اعلمك اللحين انتظري بس فترة ويجيك العلم بس طلبتك يالغالية بنت الغالية انك تسامحيني نوف : تدري اني اشتقت لك ؟! وتدري كم مرة قلت ليت خالي فهاد هنا ؟؟ ولا كم مرة قلت لو خالي هنا ماتجرؤا يقربون يمي ؟ ! تدري ولا ماتدري ؟؟؟ فاهد وصدره يشب نار على بنته وقطعه قلبه صح انه مو ابوها بس هو رباها مع عمتها وخلاها حسبت بنته واخت ولده ! : ادري ادري يابنتي ياني مشت علي ايام لاصبحي صبح ولا ليلي ليل افكر فيك وقلبي محترق عشانك ما صبرني غير الكم خبر اللي يجيني عنك من فترة لفترة سامحيني يابوك سامحيني نوف - هي اصلاً ماتقدر تزعل اكثر من كذا عليه ولا تقدر تعاتبه اكثر هذا اللي خذاها تحت جناحه سنين طويلة وهو اللي رباها لين اشتد عودها وعاملها نفس ولده ~ ولده اللي يكون اخوي بالرضاعة يالله يا اني اشتقت له شوووق ~ ان ماكان احسن بعد فهي اصلا سامحته من قبل فترة طويلة بس ماقدرت تحبس هالكلام في جوفها اكثر من كذا كان لازم تطلعه فجأه خطرت لها فكرة بتساعد خطتها : انا بسامحك ياخالي فهاد بشرط انك تسهل اموري في ذي الجامعة ولا تعترض على جلوسي هنا مهما كان 👀 فاهد وهو حامد ربه : ابشري كلش ولا زعلك وانا داري اني غلطان ☹️ بس ترا انا بساعدك لفترة بس لاني اللحين اكون نائب عن واحد من اخوياي اللي يكون هو المدير تمام؟؟ نوف وهي تسرع تضمه : تمام ياعيون نوف بغى الشوق ياكل قلب نوف عليك وعلى اخوي فاهد : يالله يانوف يعلم الله كم اشتقت لك وشلت همك ليالي طويلة واما عن اخوك ماعليك منه حاله زين ومعتاش نوف: فهاد ماسامحته للحين ! معقولة ؟! فاهد : لا ماسامحته اجل انا فاهد التولان يستهين فيني ويبي يخدعني صح اني كبرت بس للحين ما خرفت يستغفلني ومعطي واحد من اكبر شاليهاتي لخويا السوء اللي معه ؟! ولااا لا نشد عن الشاليه ولا وش صار عليه ولا وش حطو فيه اللي مايخافون ربهم؟!! اجل محولين شاليه فاهد التولان لمصنع خمر ؟!! لو مالي معارف وواسطات كان صارت سيرتنا على كل لسان !🤬 ومن بيفكنا من عايلة النيَّار اللي يتربصون لنا العثرة عشانك واللي في حساباتك ما ابعدني عنك الا سالفة ذا الولد لو اني ضليت معك فضحونا وبيصر صعب علي احميك ولو من بعيد ! كيف تبيني اسامحه ؟؟ نوف وهي تدري بغلط اخوها : هد هد ياعيون نوف ادري انه غلط بس كان توه مراهق ولا يحسب لشي حساب ذلحين هو نادم صدقني ماعلينا منه اللحين الا قلي كيف صرت بدل المدير في ذي الجامعة؟! فاهد وهو يتنهد : ابد هذا واحد من خوياي ايام الجامعة وابوه كان مدير ذي الجامعة تقاعد وجا محله بس من فترة دق علي يبي الفزعة واحد من عياله التوأم جاه حادث ولازم يجلس معه فتره ماهي بقصيرة وانتي تعرفين خالك دقيت له الصدر وقلت ازهلها والحمد لله لو ما وافقت ماشفتك😂 نوف : مسكين الله يشفيه الا وش اسم ولده المريض ؟! فاهد : كيان نوف : والله اسمه كشخه فاهد : اثقلي يابنت ، وامسكي مفتاح غرفتك وتراها مشتركة وهذا قانون المدرسة ما اقدر اساعد فيه نوف وهي تضحك : هاته اغراضي لها ساعه ناقعة عند الحارس عطاها اياه وهو يضحك عليها في نفسه هي نفسها نفسها البنت المراعيه اللي قلبها ابيض مع ان اللي عاشته اصعب من ان يتحمله. اقوى الرجال معكفينً الشوراب وش عاد ببنت ماتعدت ال١٨ سنه؟؟ بس فوق طيبتها واخلاصها ووفائها الا انها عند الضرورة تقلب ثلج في البرود وصخر في القسوة .... طلعت من عند خالها مستانسه بشوفته صارت تدور وتدور تدور غرفتها في ذي العمارة مصدومة من كبرها حيث أنهااحس أنها فوق ثلاث طوابق هذي بس العمارة الاولى وش عاد الاسكان اللي جنبها! فقامت تنط وهي معصبة وتضرب برجلها الارض من العصبية ماوقفها الا ضحكة خشنة : ههههههههه وش فيك سم بالله صنمت من الخجل 😬 : ءءااءء بس ضيعت غرفتي ماعرفت وين هي : ههههههه وكل ذا النقاز عشانك مضيع الغرفة! نواف : بس كأنك زودتها : اسف اسف بس حركاتك غريبة نواف : لاهي غريبة ولا شي انت الغريب تجي وتضحك علي وانا حتى ما اعرف اسمك 😑 : والله انك صادق ماعرفتك بنفسي انا ارسلان نواف : عاشت الاسامي معك نواف الساجي ارسلان : اجل انت اللي طرحت كنان 🤔 ماهو بين عليك بس ياولد شكلك فلاوي خلني اوصلك لغرفتك بالاول ثم اخذك لشلتي ماقلت لي كم رقم الغرفة ؟ نواف ~ ياذي النشبة بيعرفني بشلته اجل كل مخططاتي بالوحدة راحت ~ 405 ارسلان : احلف !! نواف : والله ! ارسلان : هههههه تصدق انك شريك واحد من عيال الشلة اعند واحد فيهم واكثر واحد تفكيره غريييب الله يعينك بس فوق ذي الصفات تراه رجال وكفو نواف ~ ذا اللي كان ناقصني 😯~ الله يعين شكلنا مانا متفقين ارسلان : تصدق انك ضايع غرفتك ماهي بذي العمارة اصلاً😂 نواف : عشان كذا درت ودرت ولا لاقيتها وش تسوي انت اجل هنا غرفتك في ذي العمارة ؟ ارسلان : لا انا جاي ازور احد هنا ولا انا في نفس عمارتكم بس في الدور الاول شوي الا هم يوقفون قدام غرفة ارسلان : هذي هي غرفتك دقايق وبمرك تمام ؟؟ نواف : تمام دخلت الغرفة وانصدمت من الحوسة كانت محيوسة بشكل ناظرت منا منا مالقت احد حمدت ربها مافيه غيرها حالياً لين ترتب اغراضها وتخش اغراض نوف وتبين اغراض نواف وفعلا بدت ترتب ملابسها واشيائها ولما خلصت شافت الغرفة بس مافيه وقت بعد شوي بيجي ارسلان دخلت تحممت وشدت صدرها بالمشد ثم لفته بشاش احتياطاً فآخر شي تبيه ان احد يكشفها ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وطلعت لقت ارسلان ينتظرها ناظرته وعطته ابتسامة وقالت : انتظرتني وقت طوييل ؟؟ ارسلان : لا توني جيت ما طولت ، بس وش ذي الحلاوة ماخبرت في مدرستنا من بينافسك 😂 نواف 😶 هههه لاتبالغ يالله نروح ؟! ارسلان : مشينا وصلو للطابق الثاني وشقة نوف في الثالث وقفو عند شقة ودقو الجرس دخلت هي وارسلان وانصدمت من عددهم هي توقعته 3 بس خاب ظنها خجلت فتخبت على طول ورا ارسلان وهي ميته سحا تكلم ارسلان : اليوم انا معي واحد بينصم ان شاء الله للشلة وواضح انه فلاوي : من معك مانشوف احد تلفت ارسلان حوله مالقا احد لين حس بها وراه ضحك وقال : هذا هو يا متعب وراي مدري على ايش مستحي ضحكو مسكها ارسلان وبينها لهم وقال : هذا نواف الساجي صفر واحد منهم وقال : ما لومه يوم يتخبى وراك على جماله ماينلام صراحه ارسلان : ماتخلي حركاتك يا إياس فجأة نقز واحد منهم وبدا يضمها ويتميع عليها ........
—————————— الخال فاهد: عمره ٣٩ وتناديه نوف ب فهَّاد من يومها صغيره كبرت ولاغيرت اسمه وكان متزوج عمتها الجازي اللي اللحين عمرها ٣٥ وجابت له ولد يكبر نوف بكم شهر ويكون اخو نوف بالرضاعة اما الجازي وفهاد فصار بينهم مشكلة بفعل فاعل وانفصلو رغم الحب الكبير اللي يكنونه لبعض
