بين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
وعطته القلم وفتححت الاوراق وقالت وقع هنا ووقع هنا وهنا وفي الاخير هنا ايوه كذا تمام واخذت الاوراق ورتبتهم وحطتها قدامي حطيت القلم فوقها قال لي بوجه غريب : تدري وش وقعت عليه؟ سند : لا والله نواف : انتوقعت .......
في بيت قديم ساكنه هدوء يبعث للوحشه إنارته خافته ومايسمع فيه الا همس بنتين الاولى : تتوقعين عماني وش بيسوون ؟ الثانيه بتنهد : والله مدري بس ما احسهم بيجيبونها على السليم الاولى : وأمي نايه قلقانة عليها ياهديل (وبدت تبكي) انا ما ابيهم يفرقونا عنها وهي ماهي مستحملة بعدنا الله ياخذهم الله ياخذهم هديل وهي تضمها وتتحامل على نفسها لاتبكي معها فاللي بقلبها مايقل عن اختها الا هي منقهرة اكثر : ماعليك يا أسيل مايقدرون يسوون شي وان حاولو بتصرف أسيل : يعني ابوي والله يرحمه له سنة ميت ليه اللحين جتهم المسؤلية ياخذونا من أمي ناية وكملت صياح هديل بحزن : الله يرحمه يالله قومي لأمي لاتقلق علينا صحتها ماهي مثل قبل يا أسيل ما فينا نزيد همها هم يكفي ان حنا عايشين على راتب تقاعدها مع ان راتب ابوي ينصرف لنا بس مايكفي شي قامت أسيل وهي تتذكر اول ثلاث شهور من بعد موت ابوها وانتكاسة أمها جتها قشعريره من اللي تذكرته ونفضت راسها تبعد تفكيرها عن سبب نكد حياتها ودخلت على أمها : وش حال بنت الغزال اليوم ؟ ناية : هههههه اي بنت غزال الله يصلحك وبعدين من قال ان فيني شي كلها زكام وراح *معلومة ( ناية معناه بنت الغزال ) ابتسمت اسيل بحزن مابينته أي زكام يايمه ادري بضيق النفس اللي يجيك من وقت لوقت والضغط ادري فيك وقالت : الحمدلله انها راحت مابغيتي تكلميني كل ماجيتك طردتيني بحجة ماتعديني (وبزعل) ماتدرين ان حتى لو أعديتيني يطلع عسل على قلبي ناية : والله انا اللي اشتقت لك ولسوالفك ثلاث ايام ماجلست معك لولا خوفي عليك كان ماخليتك تطلعين من الغرفة وش سويتي بالمدرسة ؟ عسى ماسويتي حركاتك !؟ أسيل : ماسويت شي بعدين انتي تعرفيني أدب واخلاق ولايجي مني شر نايه : ايه ادب ايه هذا اللي مخوفني اعترفي اللحين وش مسوية أسيل بتهرب: ماسويت شي صدقيني ناية : تربيتي واعرفك بتقولين ولا انادي هديل وتقولي؟ أسيل : هو انا ماسويت شي بسس نايه : وخوفي من ذا البس كملي أسيل : ماسويت الا اني اخذت حقي ناية : حقك ؟ ومن من؟ أسيل بحزن : من نسمة ونغمة هزت ناية رأسها وهي متوقعه وش بتقول : يتريقون علي بنت المصرية بنت المصرية ليه مايفهمون اني ما اعرف غيرك ام !؟ ضمتها ناية بحنان : يايمه جعلني ماذوق حزنك وشوله تحرقين اعصابك معهم وانتي تدرين انهم عوار راس انا امك ياأسيل واللي عنده غير هالحكي يجي لي اراويه الشغل
اسيل : بعدي ياسندي والله اني قايلة مايصلح لهم الا امي ناية تربيهم ناية وهي تضوق عيونها : وش سويتي بها اعترفي اسيل وهي تعض شفتها بقهر : صدقيني ما عطيتها اللي تستاهله كل اللي سويته شديت شوشتها لين تقطعت وكبيت عليها مويه بس وقامت مثل السعلوة تبكي وتصارخ ناية بصدمة : بس ! أسيل : ايه والله تصدقين هذا اللي سويته والله اني غبية مفروض قصيت شعرها هي والغثا اللي معها أدامني متعاقبة متعاقبة ناية وهي تمسك راسها وتهزه : ياويلي منك يا اسيل عز الله اللي بتجنني متى بتوبين عن هالحركات !! والله ان جلني علم انك نتفتي وحدة من البنات مرة ثانيه اني لا انتف شوشتك اسيل وهي تمسك خصلات شعرها الغجري : تهون عليك شوشة اسوله ؟ بالله شوفيها وش زينها تقارنينها بشعور الباقين ناية : عن السخافة وقولي وش عاقبوك به ؟ اسيل وهي تدور بعيونها عالغرفة بتوتر : عقاب ؟ انا جبت طاري عقاب؟ ناية بصوت حازم : جبتي طاريه وخلصتي خلي عنك دور الغبية اسيل : ءاءء اذا بغيتي الصراحة يعني يعني نايه باعصاب منفلته : اخلصي علي اسيل بسرعه : فصلوني يومين نايه : ايييش اسيل : شفتي يايمه شلون ظلموني بس شديت شعرها وكبيت عليها الماء كبرو السالفة وهي ماتسوى نايه : اللي مايستحون بس تصدقين تستاهلين اسيل : قولي اللي تقولين انا استانست اساساً لاني بجلس معك طول اليومين هزت راسها بحب وقلة حيلة من هالبنت دخلت عليهم هديل وبيدها صينية اكل : اقول يالصجة بعدي عن امي ازعجتيها ماصدقنا تطيب ناية : يامرحبا بهديلي تعالي يمه اجلسي يمي والتفتت لأسيل تعلمي شوي من اختك رزانه وذرابة وسوالف ماتنمل اسيل وهي تتكتف : ايه ايه جت اللي تغطي عن اسيل وطوايفها بالله تبيني اصير عجيز مثلها لا لا يايمه خليني فرفوشة وش حلوي كذا ____________________ عند نواف وسند
نواف : انت وقعت (وعطاه نظرة) وملزم تنفذ اللي كان مكتوب في العقد سند وهو منصدم :ايش! وبينه وبين نفسه : ياربي لا اكون ضيعت نفسي ! نواف وعلى فمه بسمة خبث : انت وقعت في العقد الاول على بيع (واشر على عينه اليمين ) سند هنا طير عيونه وهو يمسك عينه اليمين بصدمة : نوااف من جدك نواف بسخريه : لا من عمي سند باعصاب منهارك : وقت مزحك الحين؟ والعقد الثاني وشهو ؟؟؟ نواف بتلاعب : بعت لي بيتكم سند : بيتنا ! نواف : ايه بيتكم احتاج الارض موقعها استراتيجي سند : لا حول ولا قوة الا بالله نواف اخر مرة قل انك تمزح؟ نواف : تشوفني امزح؟ سند : وين اودي وجهي من ابوي ! فوق اني بعت البيت اللي ضافنا بجلس اعور! لف نواف وعطاه ظهره وهو يقول بإستفزاز : بروح شوي وارجع لك اجلس فكر بندمك لين ارجع سند بصدمة بعد ماراح : استاهل انا اللي ما اتوب يوم اروح واكرر غلطة ابوي وجلس بإنهيار عالكنبة نروح لنوف اللي بالمطبخ نوف : هو اللي انا سويته صح؟ نوف: لا لا يستاهل الغبي هههههههه وبنبرة شر : ماعجبني الا وجهه وهو منهار اخذت كوبين القهوه وراحت له جلست عالكنبه اللي جنبه وقالت : خذ قهوة ونزلت الكوب مقابله عالطاولة وبنذالة : وش شعورك ؟ لف سند وبقهر : وش تتوقع شعور الغبي بعد ماينغدر ومن من ؟ من اللي وثق فيه وانصدم من نواف انه رماله الاوراق وهو يقول بتلاعب : ماودك تشوف الشروط؟؟؟ سند بغبنة : اي شروط ؟؟ نواف وهو يحط يده على فمه : اوه ماقلت لك؟؟ اعذرني نسيت ، من الشروط انه فوق البيت مبلغ و ماخلاه سند يكمل وهو ياخذ الاوراق بسرعة وصار يفكر وين كان عقله فيه يوم وثق به ومثل الغبي تبعه؟ بس وقف قراءه وهو مطير عيونه : وش ذا نواف : ماقريته؟ سند : قريت بس مافهمت اوبالاساس ما استوعبت وش ذا الكلام يانواف نواف بإبتسامة سخرية:...........
__________________________ اخباركم؟ متحمسين للبارت؟ بسألكم من من الابطال ودكم ندخل حياته طبعاً غير الوليد ونوف وتميم لان ببدأ ادخل في حياتهم وان شاء الله من الاسبوع الجاي ببدأ بارتين في الاسبوع اذا قدرت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
