بين الحاضر والماضي بين الحب والفقد بين الطفولة والحرمان بتتوقع ان القناع بيبدأ يثقل !! اغلب الناس عايشة بأقنعة وكل شخص يتميز بقناعه لكن ! فيه من صار يعيش ويعيش اللي حوله بوهم ! ايه وهم يتقنص شخصيه غير شخصيته من اجل ان ينسى ويكمل حياته ! لدرجة نسى ش...
مرت ثواني وهو يقرأ بعدها طاحت الورقة من يده و.... _____________________
مرت ثواني وهو يقرأ بعدها طاحت الورقة من يده وصار يشوف نواف بنظرات مليانه غضب وقهر : نواف انا ماقلت لك هالاسلوب مانبيه ؟ ماقلت لك حنا طول عمرنا عايشين وعازين عمرنا مامدينا يدنا لأحد ولا قبلنا شفقة احد لو اني قابلها كان حالنا من زمان متغير
نواف بتوتر : دقيقه ياعمي فهمتني غلط الفيصل : وش اللي فهمته غلط قلت الشراكه وانها ماهي شفقه ومشيناها اما البيت يانواف البيت كسرتني فيه يا ابوك والله ان صدري يحرقني من القهر نواف : ياعم صل على النبي الفيصل : عليه الصلاة والسلام نواف : صدقني ياعم انه ماهو بشفقة ولا صدقة ماسويت ذا الفعل الا من خوفي على اخوي الفيصل بتقطيبة : خوفك ؟ من وش؟ نواف : اللي ما تدري به ان فيه اولاد حرام يتربصون بسند الفيصل : لاحول ولا قوة الا بالله نواف : وانا اللحين احاول ابعدهم عنه واول الطريق انه نغير البيت الفيصل : حسبي الله عليهم نواف : وش قلت يا عمي يارب انك رضيت الفيصل : لا والله مارضيت بنجلس في هالبيت مابنتحرك منه نواف : ياعم هالعصابه ماهي ببسيطة هذي عصابة مخدرات تعرف المخدررااات ؟ وهم ناوين يضيعون ولدك ويضيعون مستقبله ان مابغيت تروح لذاك البيت عشان نفسك فطلبتك ياعم انك تروح عشان سند وش ذنبه يتورط مع عيال الحرام اللي مايخافون الله سكت الفيصل ثواني : والله ان كلامك عين الصواب يا ابوك خلني افكر وبعدها يصير خير نواف وهو يقوم : طلبتك فكر بسند لو تورط معهم من بيفكه؟ وفي امان الله متى ماوافقت قل لسند يعطيني خبر وطلع وهو يتنهد بضيق : رحت يا يبه وجيت انا اكمل اللي بديته ________________________ طلعت أسيل من عند غرفة امها بعد ما فاتحتها بسالفة شغلها بس فيه شي غريب بردة فعل ناية ؟! ردة فعلها ماتوقعتها ولاتوقعت توافق كذا بكل برود وهي اللي ياما فاتحناها بذا الموضوع عصبت علينا مو معقولة انها نفسها اللي قالت : بكيفك يمة
دخلت غرفتها وهي تكتب رقم في جوالها دقايق وجاها الصوت : السلام عليكم اسيل : وعليكم السلام حي الصوت وراعيه : يابعد قلبي اسيل : وش اخبارك نورة ؟ نورة : الحمد لله الا وش اخبارك واخبار عمتي عسى صحتها في تحسن اسيل : الحمد لله طيبه وكل مالها تتحسن اكثر نورة : الحمدلله اسيل بحرج : نورة نورة : هلا اسيل : تذكرين لما قلتي انك تقدرين توفرين لي وظيفه؟ نورة بتذكر : ايه اسيل : تقدرين تدبرين لي وحدة حالياً؟ نورة : اسيل امنتك بالله محتاجه شي ؟؟ ناقصك انتي وهديل شي؟ أسيل : لا والله مو ناقصنا شي الحمدلله بس خبرك امي ناية كبرت وراتب تقاعدها يالله يكفي الكهرب والماء غير ادويتها ولا ابي اثقل عليها تدرين بها تتخلى حتى عن صحتها عشان ماينقصنا شي نورة : ادام الوضع كذا ابشري بس ادور لك محل تتوظفين فيه براتب محترم اقول لك أسيل : ياجعلني افداها ياناس ملح البنات كلهم نورة بضحكة : مو كأني نفس البنت اللي تسبينها امس 😂 أسيل : هههه تدرين بلساني متبري مني اذا عصبت نورة : هذا اللي مخليني اتحملك يالله باي اسيل : باي سكرت منها وانسدحت عالفراش : يالله انك توفق هالبنت طيبتها ماتوصف وصارت تقلب بالصور اللي بجوالها لين لقت لها صورة ولد كيووووت باست الصورة وهي تقول : ياحبي لك وياكرهي لأبوك ____________________ افففف اللحين بروح الشقة واكيد بقابل الثور نزلت من التاكسي ودخلت المدرسة وقبل لا تدخل مبنى السكن جتها فكرة ليه ماتستكشف المدرسة من يوم جت ماتمشت فيها خذتها رجليها لأول شي جذبها البحيرة وقفت تتأملها وهي مأخوذة بجمالها بس لما ركزت في الماء لقت شي يتحرك قربت راسها بتشوف وش اللي في الماء بس تفاجأت باللي .......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
