Enchantingly Knotted by You [ GL ]

10 [ First Date ]

{ UNICODE }

🎶 Song of the Day : Shine On You by Wheein 🤍

【 ကြယ်​လေး​တွေလိုပဲ
​ဝေး​နေမှန်းသိ​ပေမယ့်
ထင်ထားတာထက်
အများကြီး ပို​ဝေး​နေတာမျိုး... 】

(❗Reminder : အချိန်ကာလအားဖြင့် ၂၀၁၉ ခုနှစ်ပဲ ရှိ​ပါ​သေးတယ်​နော်❗)

​နေ့တိုင်း​​နေ့တိုင်း ဒီ​ဆေးခန်း​လေးထဲမှာပဲ အချိန်​တွေကုန်ဆုံးရတာ သိပ်ပျင်းဖို့​ကောင်းလှပါသည်။ ကိုယ်ဘ​ယ်​လောက်ဝါသနာပါ​သော အလုပ်ဖြစ်​နေပါ​​စေ ကိုယ်ချစ်ရသည့်အ​ကောင်​လေး​တွေနှင့် ​အချိန်တိုင်း​တွေ့​နေရပါ​စေ အမြဲတမ်း တစ်ပုံစံတည်း လှုပ်ရှားလုပ်ကိုင်​နေရတာဆို​တော့ မငြီး​ငွေ့ဘဲမ​နေနိုင်​တော့ပြီ။

သို့​ပေမဲ့ ကျွန်မ ဒီ​နေ့​ပျော်​နေသည်။ သူ လာမည်တဲ့​လေ။ ယွန်းဆိုသည့် ကျွန်မတစ်ဖက်သတ်သ​ဘောကျ​နေရ​သော ​ကောင်မ​လေးက သူ့​ခွေး​လေးကို လာ​ခေါ်ပါမည်တဲ့။ ယွန်းက ကျွန်မထက် အသက်အများကြီးငယ်​သော ညီမ​လေးလိုဖြစ်​နေတာက တစ်​ကြောင်း၊ သူ မိန်းက​လေး​တွေကို သ​​ဘောကျမကျမသိ​သေးတာလည်း တစ်​ကြောင်း၊ ကျွန်မကို အသိအစ်မတစ်​ယောက်ထက် ပိုပြီးရင်းနှီးခင်မင်စွာ မဆက်ဆံဖူးသည်က တစ်​ကြောင်းဖြင့် ကျွန်မလည်း တစ်ဖက်သတ်သ​ဘောကျ​နေရုံကလွဲပြီး မရှိ​တော့ဘူး​လေ။

ကျွန်မဆိုတာက ယွန်း​ပြော​ပြော​နေသည့် တိရစ္ဆာန်​ဆေးကုဆရာဝန် ဘုန်းသစ္စာလွင်ပါ။ အသက်ကဖြင့် ၂၅-၃၀ ဆို​သော်ငြား အတည်တကျတွဲခဲ့ဖူးသူများနှင့်လည်း မမြဲ​လေ​တော့ အခုထိကို အပျိုကြီး​ဖြစ်​​နေ​တော့တာ​ပေါ့။ ​ဒီလိုမတုန်မလှုပ်ကျွန်မကို ရင်ခုန်​အောင် တစ်ဖန်ပြန်ဖန်​တီး​ပေးခဲ့သူက​တော့ စိုးရိမ်တကြီးနှင့် ​ခွေးဖြူ​လေးကို ​ပွေ့ပိုက်ကာ ကျွန်မ​ရှေ့တည့်တည့်​သို့ ရောက်ချလာ​သော ယွန်း​နေခြည်​ဇော်ဆိုသည့် ​ကောင်မ​လေးပင်။

"မမဘုန်း... Haku လေး​ရောဟင်...?"

​စောင့်​မျှော်​နေရသူ​​လေးက ​ရောက်လာ​တော့လည်း ဒီလူကို ​ကျော်ပြီး သူ့​​ခွေး​လေးကိုသာ အရင်​မေး​တော့သည်။ အဖြူခံ​ပေါ်တွင် မီးခိုး​ရောင်ပန်းပွင့်ကလေးများကို ​သေ​သေသပ်သပ် ရိုက်နှိပ်ထား​သော မြန်မာဝတ်စုံ​လေးဖြင့် ချပ်ရပ်လှပ​နေသည့် ဒီ​ကောင်မ​​လေးမှာ ကျွန်မနှလုံးသားကို ခါရမ်းပစ်​နေတာ သူကိုယ်​တိုင်​တောင် မသိရှာ​ပေ။