{ UNICODE }
🎶 Song of the Day : Jet Black Heart by 5SOS 🤍
【 A ɢᴇɴᴛʟᴇ sᴘʀɪɴɢ ʙʀᴇᴇᴢᴇ
ʀᴜsʜɪɴɢ ɪɴᴛᴏ ᴍʏ ʜᴇᴀʀᴛ
ʟɪᴋᴇ ᴀ ʜᴜʀʀɪᴄᴀɴᴇ. 】
ကျောင်းအနောက်ဘက် ခုံအပျက်များထားသောနေရာတွင် ဆေးလိပ်ငွေ့များက တလူလူ…
"မမဖြိုးရယ်... ကျောင်းဝန်းထဲမှာတော့ ဆေးလိပ်မသောက်ပါနဲ့... ဆရာမတွေ Round လှည့်တာနဲ့များ တိုးသွားရင်—"
< ဖြောင်း >
ပါးကိုအရိုက်ခံလိုက်ရသောအားကြောင့် ဆံပင်နှစ်ဖက်မြင့်မြင့်ခွဲစည်းထားသော ကောင်မလေးမှာ ခေါင်းခါရမ်းသွားသည်အထိ။
"ငါ့ကို မမတပ်ပြီးမခေါ်နဲ့လို့ ပြောထားတယ်မလား… တကယ်ပဲ ရွံဖို့ကောင်းအောင်... ပြီးတော့ ငါ့ကိုဆရာလုပ်ရအောင် နင်က ဘာမလို့လဲ?!"
"ဟုတ် တောင်းပန်ပါတယ်... အ… အစ်မဖြိုး"
"လာရင်းကိစ္စက…?"
"အစ်မစုံစမ်းခိုင်းထားတဲ့ ကောင်မလေးအကြောင်းပါ"
စိတ်ကျေနပ်မှုကြောင့် နှုတ်ခမ်းထောင့်မှာ တွန့်ချိုးသွားလျက် စိတ်ဝင်တစား နားစွင့်နေမိသည်။
"သူ့နာမည်က ယွန်းနေခြည်ဇော်တဲ့... (၈) တန်း A ခန်းထဲကပါ… ကျောင်းမဖွင့်ခင်လေးတင်ပဲ ရန်ကုန်ကနေပြောင်းလာတာလို့ကြားတယ် အစ်မ... ဒီကျောင်းမှာပဲ တက်နေတဲ့ သူ့ညီမလေးရွှန်းနေခြည်ဇော်က အစ်မတို့အဆောင်ရဲ့အောက်ထပ် (၆) တန်း A ခန်းထဲက… သူတို့အိမ်ကလည်း အစ်မတို့ရပ်ကွက်ထဲကပဲ"
ပါးကွက်ကြားလေးနှင့် အသားညိုညိုကောင်မလေးက ထိုင်ခုံပေါ်တွင် ထိုင်ပြီး လက်ချောင်းဖြူဖြူလေးများကြားထဲတွင် ဆေးလိပ်ကိုညှပ်ကာ သောက်နေသော ကြောက်ရွံ့ဖွယ် မိန်းမချောလေးကို စာရွက်အပိုင်းအစတစ်ခု ကမ်းပေးလိုက်သည်။
"ရပြီ သွားတော့... ဒီမှာ မုန့်ဖိုး"
"ဟု… ဟုတ်ကဲ့ ကျေးဇူးပါ အစ်မဖြိုး"
VOUS LISEZ
Enchantingly Knotted by You [ GL ]
Roman d'amourလှပသောတွေ့ဆုံခြင်းတွေနှင့်သာ ဆုံစည်းနိုင်ပြီး မည်သို့သောခွဲခွာမှုမျိုးကိုပင် မကြုံတွေ့ရန်ပဲ ဆုတောင်းလိုပါ၏...။ 🍃 🍃 🍃 လွပေသာေတြ႕ဆုံျခင္းေတြႏွင့္သာ ဆုံစည္းႏိုင္ၿပီး မည္သို႔ေသာခြဲခြာမႈမ်ိဳးကိုပင္ မၾကဳံေတြ႕ရန္ပဲ ဆုေတာင္းလိုပါ၏...။ My very...
![Enchantingly Knotted by You [ GL ]](https://img.wattpad.com/cover/250926040-64-k364761.jpg)