Enchantingly Knotted by You [ GL ]

06 [ Euphoria ]

{ UNICODE }

🎶 Song of the Day : CWJBHN by Jake Scott & Josie Dunne 🤍

【 ကတိတစ်ခု
​နွေး​ထွေးတဲ့လက်​လေးတစ်ဖက်
ပြီး​တော့ ကိုယ်သိပ်ချစ်ရတဲ့မင်း​လေး
ဒါ​လေး​တွေနဲ့တင် လုံ​လောက်ပါပြီ
​ပျော်ရွှင်မှုဆိုတဲ့အရာ​လေးအတွက်... 】

​နေ​ရောင်ခြည်က မျက်နှာတည့်တည့်ကိုစူးခနဲထိုး​နေတာနှင့် ​​နောက်​ကျော​ပေးကာ တစ်ဖက်သို့လှည့်လိုက်သည်။ ယွန်းခါး​ပေါ်လက်တင်ထားသူ မမမျက်နှာ​လေးမှာ မျက်လုံးထဲ လှလှပပ​လေးဝင်လာ​တော့၏။

​အပြစ်အနာအဆာမရှိသည့် ချော​​မွေ့ဝင်းလက်​နေ​သောမျက်နှာ​လေးဟာ ကိုင်ရက်စရာပင်မရှိ။ မျက်​တောင်ရှည်ရှည်ကြီး​တွေမှာလည်း ​ကော့ညွတ်​နေသလို ​ဖြောင့်​စင်း​နေ​သောနှာတံ​လေးမှာလည်း အူယားစရာ​လေး။ နှုတ်ခမ်းပါး​လေးက​တော့ ဘာ​တွေအိမ်မက်​မက်​​နေလည်းမသိ၊ တွန့်ချိုးကာ ပြုံး​နေ​လေရဲ့။

ဖြိုး : သူများအိပ်​နေတာကိုကြည့်ရတာ အဲဒီ​လောက်​တောင်​ပျော်လား?

​ငေးကြည့်​နေမိသည့်နှုတ်ခမ်း​လေးမှာ လှုပ်ရွလာ​တော့မှ ​​မော့ကြည့်လိုက်ရာ နက်​မှောင်​နေ​သောမျက်ဝန်းများက ယွန်းကို စိုက်ကြည့်​နေ​လေ၏။ လက်ဖြူဖြူ​လေးဟာလည်း ယွန်းပါး​ပေါ် ​နေရာတကျ​ရောက်လာ​တော့သည်။ ယွန်းမျက်နှာကြီး ဘယ်​လောက်​တောင် ပြုံးဖြီး​နေခဲ့လဲ​မသိ​ ရွှတ်​နောက်​​နောက်မျက်နှာထားမှာ မမမျက်နှာတွင် ထင်းခနဲ။

ယွန်း : နိုးလာတာနဲ့ လူကိုစမယ်ဆိုတာချည်းပဲ... ​နေဖူးတယ်ရှိ​အောင် တစ်ရက်​လောက်​လေး ယွန်းကို မစဘဲ​နေကြည့်​ပါလား...

သူ့နှာ​ခေါင်းကို အသာညှစ်လိုက်ရင်း ​ပြော​လေ​တော့ အသံထွက်ပြီးကို ရယ်​နေပါသည်။

ဖြိုး : ယွန်းချစ်ဖို့မ​ကောင်းတဲ့ရက်​ရောက်ရင် မစ​တော့ဘူး... ဒါ​ပေမဲ့ ဖြစ်မှမဖြစ်နိုင်တာ​​​နော့်

"အမယ်​လေး ​ပြောလည်း​ပြောတတ်လိုက်ပါဘိ" ဟု​တွေးရင်း အားထည့်ကာ နှာ​ခေါင်း​​လေးကို ပိုညှစ်လိုက်​တော့ တအားအားနှင့် ထ​အော်​တော့သည်။ ရုတ်တရက်ဆိုသလို ​အော်​နေသည်မှာရပ်သွား၍ ယွန်း ​ကြောင်ကြည့်​နေခိုက် ​နေရာမှထပြီး ယွန်းအ​ပေါ် အုပ်မိုး​လာ​​လေ၏။ အံ့ဩချိန်ပင်မရလိုက် ချက်ချင်းပင် အ​​ပေါ်မှ​နေ၍ ယွန်းကို ကလိထိုးပါ​တော့သည်။