Enchantingly Knotted by You [ GL ]

08 [ urs ]

{ UNICODE }

🎶 Song of the Day : အတိတ် by Htet Thiri 🤍

【 ကိုယ့်နှလုံးသားကို​တောင် အစိုးမရ၊
ကိုယ့်စိတ်ကို​တောင် မပိုင်​အောင် ပြုစားထားတဲ့မင်းကို
အပြိုင်ကမ္ဘာတစ်ခုမှာတော့ မုန်းရင်မုန်းနိုင်​မှာ​ပေါ့
ဒါ​ပေမဲ့လည်း မထင်ပါဘူး​လေ... 】

ကားတံခါးကိုလာဖွင့်​ပေးသည့် သူ့လက်ဖြူဖြူ​လေးရယ် Elevator ထဲ ဝင်လာသည့် ​ယောက်ျားတစ်​ယောက် ယွန်းအနားမကပ်​စေရန်ဆိုပြီး ​နေရာချင်းချိန်း​ပေးသည့် သူ့အပြုအမူက​လေး။ ထိုအရာ​သေး​သေး​လေး​တွေ​ကြောင့်နှင့် အမှတ်ကြီးသည့် ယွန်းဟာ အခု​တော့ သူ့အိမ်တံခါးဝ​ရှေ့တည့်တည့်မှာ ရပ်​နေ​လေပြီ။

တကယ်​​ဆို အခုချက်ချင်း လှည့်ပြန်လို့ရ​နေပါလျက်နှင့် သူ့​ဘေးနားမှာ ကပ်တွယ်ပြီး ရှိ​နေချင်​​သေးသည့် ယွန်းက ဘာကိုများ​မျှော်လင့်​နေမိ​သေးတာလဲ။ ပြီး​တော့ ​မောပန်းနွမ်းနယ်​နေဟန်ရှိသည့် သူ့မျက်ဝန်းများ​ကြောင့်လည်း ပါမည်။ Password နှိပ်​နေ​လေသည့် မမဆိုသူကို ယွန်း အခွင့်အ​​ရေးတစ်ခါ​လောက်ဖြစ်ဖြစ်​ပေးချင်​နေမိ၏။ သူနှင့်ဆိုရင် အရာရာကို ခွင့်လွှတ်တတ်ပြီး ​​ဖြေ​လျော့​ပေးတတ်တာ ယွန်းကိုယ်တိုင်ပင် အံဩမိဆဲ။

ဖြိုး : 1727

သူ့မျက်နှာကို ​ငေးကြည့်​နေစဥ် ရုတ်တရက်​ပြောလိုက်သည့်စကား​ကြောင့် လန့်သွားမိ၏။

ဖြိုး : Password က 1727 လို့... ယွန်း​​မွေးရက်နဲ့ မမရဲ့​မွေးရက်​လေ

(၆) နှစ်ကြာမှပြန်​တွေ့ရသူကို ဘယ်​လောက်​တောင်ယုံကြည်​နေလို့ သူ့အိမ် Password ကို ယွန်းထံ ​ပြောပြ​နေရတာလဲ။ ​ကြောင်ကြည့်​နေ​သောယွန်းကို သူသာ ဦး​ဆောင်ရင်း အိမ်ထဲသို့​ခေါ်​လေသည်။

ဖြိုး : ဝင်ခဲ့ ယွန်း... သက်သာသလိုသာ​နေ...

​ကားပါကင်နှင့် ​မြေညီထပ်က Lobby ကို ကြည့်လိုက်ကတည်းက အဆင့်မြင့်ကွန်ဒိုဖြစ်​ကြောင်း သိလိုက်​ပေမယ့် အိမ်ထဲ​ရောက်​တော့မှ မျက်လုံးအဝိုင်းသားဖြစ်မိ​​တော့သည်။ ကျယ်ဝန်းလှသည့် ဧည့်ခန်း၏ညာဘက်အခြမ်းတွင် မျက်နှာကျက်ကနေ ​အောက်ထိဖြာကျ​နေ​သော လိုက်ကာကြီးကို သူဆွဲလှပ်လိုက်​တော့မှ အလင်း​ရောင်လည်း ​ကောင်းစွာဝင်လာ​လေ​တော့ ယွန်း​တစ်​ယောက် မျက်​တောင်ပုတ်ခတ်ပုတ်ခတ်လုပ်​နေမိ၏။ နံရံတွင် တန်ဆာဆင်ထားတာ ဘာဆိုဘာမှမရှိသလို မီးခိုးရင့်​ရောင်ဆိုဖာနှင့် မှန်စားပွဲ​လေးသာဆို​တော့ ရှင်းလင်း​လွန်းနေ​ပေမယ့် Minimalism ဘက်​ရောက်​နေသည်။