Enchantingly Knotted by You [ GL ]

17 [ Seventeen ]

{ UNICODE }

🎶 Song of the Day : Don't Wanna Fall In Love Again by Yayyoung 🤍

【 Iᴛ ɪs ʏᴏᴜʀ ғᴀᴄᴇ I ʙᴇᴀʀ ᴛʜʀᴏᴜɢʜ ᴛʜᴇ ɴɪɢʜᴛ.
Iᴛ ɪs ᴛᴏ ʏᴏᴜ I ᴅᴇᴠᴏᴛᴇ ᴀ ᴅʀᴇᴀᴍɪɴɢ sᴘᴀᴄᴇ. 】
– Aʙɪɢᴀɪʟ ғʀᴏᴍ "Tʜᴇ Wᴏʀʟᴅ ᴛᴏ Cᴏᴍᴇ" –

ကိုယ့်ကိုယ်ကို ဒရာမာတွေထဲက ဇာတ်ဆောင်မင်းသမီးလိုမျိုး သီချင်းလေးတငြီးငြီးနှင့် အခန်းသန့်ရှင်းရေးလုပ်နေမိသည်။ စာအုပ်စင်ပေါ် ဖုန်သန့်ရှင်းရေးလုပ်ပြီးတာနှင့် စာအုပ်များကို နေရာတကျ ပြန်ထည့်လိုက်၏။ ဖတ်ပြီးသားစာအုပ်လေးတွေကို အောက်ကအတန်းတွင် ထားလိုက်ပြီး ဖတ်လက်စ စာအုပ်များကို လက်လှမ်းမီနိုင်သည့် အမြင့်တွင် နေရာချလိုက်သည်။

ပြီးတာနှင့် စာကြည့်စားပွဲဆီ ခြေဦးတည့်လိုက်၏။ နောက်ဆုံး အချောသတ်အနေနှင့် အခန်းတွင်း တံမြက်စည်းလှည်းလိုက် ဝရန်တာတွင် လှည်းလိုက်ဖြင့် ယွန်းတစ်ယောက်တော့ မအားမလပ်နိုင်ပင်။

×× neowa na ibeul matchweo I feel good ××

×× neoege nareul matgyeo I feel good ××

×× igeon jom wiheomhae wiheomhae wiheomhae na ××

×× seoneul neomeul geoman gata ××

×× neowa na gachi geurin I fe— ××

အိပ်နေသည့်အချိန်ဆိုရင်တောင် တစ်ယောက်ယောက်က ကိုယ့်ကို စိုက်ကြည့်နေရင် အလိုလိုခံစားမိသည်တဲ့။ အခုလည်း စိုက်ကြည့်ခံနေရသလိုမျိုး ခံစားမိလိုက်ပေမယ့် ထိုမျက်ဝန်းများ၏ပိုင်ရှင်က ယွန်းအနောက်မှာ တစ်ပေတောင် မခွာဘဲ ကပ်ရပ်နေသည်ဟုတော့ မတွေးမိလိုက်။ လန့်ဖျတ်သွားချက်က ပါးစပ်ကနေပင် အော်ဆဲမိတော့မလို ဖြစ်သွားရ၏။

ယွန်း : လန့်လိုက်တာ! ဘာလဲ??

စတော်ဘယ်ရီသီးများ ရိုက်နှိပ်ထားသော ပန်းရောင် Pajama set လေးနှင့် ရွှန်းတစ်ယောက်က ယွန်းကို ခြေအစခေါင်းအဆုံး ကြည့်နေလေသည်။ မျက်ခုံးနှစ်ဖက်ကို လှုပ်ကာ လှုပ်ကာဖြင့် လူကို စပ်ဖြီးဖြီးကြီး ကြည့်နေခြင်းပင်။