الفصل السابع
جالسه في احضانه تستمتع بدفئه وامانه..تلك الراحه التي حُرمت منها دائما،سمحت لنفسها اليوم ان تكون مجرد انسانه طبيعيه تتألم وتبكي سمحت لنفسها ان تحتاج لمن يزيل دموعها
اما هو فكان وكأنه بالجنه لا يصدق انها لجئت اليه لا يصدق انها الان بين ذراعيه ساكنه..سمح لنفسه ان يتخيل انها مطمئنه بقربه ومستمتعه به حتي لو لم تكن حقيقه يكفيه التخيل
-اول مره شفتك فيها كنتي لسه في اعدادي..كانت حياتي كلها شغل لدرجه اني مكنش عندي وقت اعرف جيراني فيه حتي..خطفتيني من اول مره ساعتها قلب دق لاول مره احس الاحساس ده..تجاهلت الموضوع لان كل الي كان في بالي وقتها اني اشتغل واكون نفسي
-كان عندي وقتها 18سنه..انا عمري ما اعتمدت ع حد حتي ابويا وامي رغم ان عندي اخ اكبر مني بس كنت انا المسئول عنهم وانا الي بصرف عليهم مكنش عندي وقت ابص لنفسي ولا اهتم بحاجه غير الشغل
نظر لها وجدها تتابعه بعيونها ولاول مره يري بهم الاهتمام فاكمل حديثه فاليوم قرر البوح بما يضمره في قلبه منذ سنين..ربما لا تتكرر هذه اللحظه ثانيه ولن يجد الشجاعه لاخبارها بشئ مره اخري
-غصب عني لقيت نفسي بفكر فيكي وبفتكرك..لقيت نفسي كل يوم اروح استناكي قدام باب المدرسه عشان اشوفك او المحك..كنت كل يوم اتأخر ع الشغل وصاحب الشغل يزعقلي او يضربني بس مكنتش اقدر اعدي يوم من غير ما اشوفك لحد ما صاحب الشغل اتعود
قالها مبتسما وهو يتذاكر تلك الايام
-عدي سنتين وكنتي هتدخلي الثانويه كنت مستني اشوفك هتدخلي ايه ولما عرفت انك دخلتي ثانويه عامه عشان عاوزه تدخلي الجامعه زعلت قلت دي مستحيل هتبصلي ولا تفكر ف واحد.زيي وهي متعلمه بس من جوايا فرحتلك عشان هتحققي اللي انا معرفتش احققه كنت فخور بيكي وانا بشوفك كل سنه بتنجحي..كنت كل مره تنجحي فيها اجبلك هديه واخبيها عندي، كانت هي دي الفلوس الوحيده الي بصرفها لنفسي لان الباقي كان بيتصرف علي البيت وكنت بحوش عشان افتح شغل خاص بيا
-لحد ما دخلتي الجامعه يوميها كنت هطير م الفرحه وكأن انا الي دخلتها..فنفس اليوم ده امي كلمتني ف موضوع اني لازم اتجوز..انا كنت برفض بس هي كانت مصممه، انا فاكر وقتها قالتلي هي متنفعكش ولا يمكن تبقي ليك انساها وشوف مستقبلك وحياتك ...كانت عارفه، كل البيت كان عارف اني بحبك،فكرت ف كلامها ولقيت ان معاها حق انا نفسي مارضلكيش واحد زيي
-كلمت خالتي عشان تخطب بنتها بس بنتها موافقتش قالت انا مأخدش واحد جاهل زيه وعندها حق طبعا..ساعتها قعدت مع نفسي وقلت اذا كانت قريبتي مرضيتش بيا وهي مش متعلمه زيك دي واخده دبلوم بس يبقي انتي هترضي بيا
ابتلع غصه في حلقه واكمل بصوت منكسر لاول مره تسمعه
-ساعتها قلت انا لازم انساكي ودا كان اصعب قرار اخده ف حياتي..انا عمري ما اتمنيت حاجه زي ما اتمنيتك انتي الحاجه الوحيده الي اتمنتها اصلا وطلبتها من ربنا..قعدت 6شهور مانع نفسي عنك واني اشوفك
