الفصل التاسع
-حور انتي ازاي كل ده يحصل ومتقوليش
هدرت بها وعد بعد ان قصت عليها حور ما حدث منذ ان عرضت عليها ايمان العمل بالشركه حتي هذه اللحظه
-مجتش مناسبه وانتي مش بتيجي عندنا بقالك كتير، وانا اصلا برجع من الشغل انام زي القتيله
قالتها بعبوس وهي تنظر لشقيقتها وتمط شفتيها للامام
-وانتي بتروحي ازاي الشغل ده لوحدك وترجعي بليل لوحدك ازاي بابا وماما يسمحو بحاجه زي كده.. والزفت المدير ده ازاي تسمحيله يقرب منك كده
قالتها بعصبيه وقلق فهي تخشي ع اختها الصغيره ان يؤذيها احد او يخدها ذلك المدير ويوقعها بحبه... هي حساسه ولن تتحمل تجربه مثل هذه
-المكان مش بعيد وانا مش برجع بليل متأخر وكمان ادم مش زي ما انتي فاهمه هو بس...
توترت ولم تعرف بما تخبرها كيف ستبرر لها اقترابه منها ولمسه
-حور انتي بتحبيه!!!
نظرت لها حور بصدمه هي لم تتوقع ان تكون احبته بهذه السرعه هي لا تعرف كيف تحب من الاساس
-معرفش... انا معرفش الي بيحبو بيحسوا بـ ايه بس انا عاوزه اتجوزه كده ابقي بحبه صح
قالتها بمنتهي البساطه اما اختها ففتحت فمها بصدمه كاد فكها ان يلامس الارض
-انتي بتقولي ايه تتجوزيه مره واحده وهو هيسيب ملكات الجمال الي بيشتغل معاهم ويبصلك انتي
قالتها باستهزاء حتي تفيق اختها من تلك الاحلام الورديه التي تعيش بها
-بصي انا اعرض عليه الجواز واشوف رأيه ايه
ذبحه صدريه هو اقل ما سيصيب اختها بعد ان تفوهت بهذا العبارات ماذا تقول هذه وماذا تهذي
-تعرضي علي مين يا حببتي
-علي ادم
-هيوافق صح... انا عروسه مترفضش اصلا
-يارب فوضت امري ليك... دا ايه العيله المنحرفه دي
قالتها وعد بقله حيله وهي لا تجد الكلمات حتي ترد بها علي تلك المختله التي تجلس امامها
-هو انا وحشه يا وعد
قالتها حور بجديه وبعض الحزن
-مين قالك كده.. انتي جميله يروحي دا كفايه عنيكي الي تجنن دي والا طيبه قلبك وحنيتك وبعدين الجمال مش ف الشكل
اجابتها وعد بتعقل وهي تصدق حقا في ما تقوله
-يعني ممكن اعجبه ويحبني
-حور انتي بتتكلمي بجد
-امال بهزر يعني
قالتها حور بعبوس وهي تري شقيقتها لا تصدقها ولا تعطي لمشاعرها اهتمام
