اليوم هو اخر يوم لحور ف امتحاناتها وايضا ستأتي اختها وعد لعندهم هي لم تكن مقربه بدرجه كبيره لاختها ودائما ما كان بينهم مشاجرات وخناقات مثل اي اخواه يمكننا القول انها كانت علاقه اخوه عاديه ولكن في اخر فتره بعد ما سمعت المحادثه التي كانت بين وعد وصديقتها ومعرفه انها كانت تحب شخص اخر خلال فتره خطوبتها ذلك جعلها تبتعد اكثر عن اختها حتي تعرف لماذا فعلت ذلك .. لقد. حاولت اكثر من مره فتح الحوار مع اختها ولكن كانت تتراجع في اللحظه الاخيره.. في الوقع هي لا تعرف من اين تبدأ ولا كيف تفاتحها في شئ كهذا لذلك كانت تصمت دائما..
ماما انا جييييت
كان هذا صوت حور وهي تدلف الي المنزل بمرحها المعتاد واليوم هي اكثر مرح وسعاده فقد انتهت امتحاناتها اخيرا
تعالي ياحور احنا ف المطبخ
كان هذا صوت والدتها.. فدلفت حور الي المطبخ وجدت والدتها و وعد اختها جالسين سويا يحضرون الغداء فقالت بسعاده
وعد وحشتيني اوي اخيرا القمر طلع علينا
وعد بمزاح: والقمر هييجي ازاي طول ما الشمس موجوده ف البيت علطول
حور بمشاكسه: نينيني الالش بتاعك وحش ع فكره
ثم ذهبت الي اختها واحتضنتها فبادلتها وعد العناق ف سعاده
-------------------------------------
يعني ايه يطنط متعرفيش هيرجع امتي من السفر
كان هذا صوت ميار وهي تجلس بجوار فيروز والده ادم
فيروز بهدوء: يا حببتي انتي عارفه ادم مش بيقول حاجه لحد. ولا مسافر امتي ولا هيرجع امتي
ميار بحزن: ايوه يا طنط بس هو بقاله يومين مسافر فكنت عاوزه اعرف هيرجع امتي عشان وحشني وكنت عاوزه اعمله مفجأه واستقبله اول ما يرجع
فيروز بملل: هو لما يخلص الشغل الي عنده هيرجع يا ميار
ميار: طب هو ليه مش بيرد علي تلفوناتي
فيروز: اكيد مشغول ما انتي عارفاه بينسي نفسه وقت الشغل
ميار بخبث: طب هو مش ناوي يتجوز بقا يا طنط ويستقر
فيروز بتنهد: ياريت والله انا نفسي واتمني بس اعمل ايه فيه و ف دماغه الناشفه دي منها لله الي كانت السبب
ميار بتعاطف مصطنع: هي مين دي يا طنط هو ادم كان بيحب قبل كده
فيروز بحزن: ايوه كان بيحب بس...
وقاطعتها الخادمه حينما دلفت تخبرها عن اتصال من ادم وناولتها الهاتف حتي تحدثه
فيروز باشتياق: ادم حبيبي ازيك عامل ايه
ادم : الحمد لله يماما انتي عامله ايه طمنيني عليكي
فيروز: انا كويسه يا حبيبي انت جاي امتي
ادم بأرهاق: جاي بكره الصبح ان شاءالله بس احتمال اجي ع الشركه
فيروز: طيب يا حبيبي تيجي بالسلامه لا اله الا الله
ثم اغلقت الهاتف كل هذا تحت انظار ميار التي تكاد يقتلها الفضول حتي تعلم متي سيصل ادم
ميار بسرعه: ها يا طنط قالك ايه وجاي امتي
فيروز بتنهد: جاي بكره الصبح وقالي احتمال يجي ع الشركه
ميار وهي تلملم اشياءها حتي تذهب: طيب يا طنط استأذن انا بقا واشوفك قريب
ثم ذهبت مسرعه فهي قد حصلت ع ما تريد
--------------------------------------
ها بقا احكيلي عامله ايه مع حازم
وعد:الحمدلله كويسين هو بيعاملني كويس جدا وبيحبني ومش مخليني عاوزه حاجه
