10 လပိုင်း 8 ရက် 2021ခုနှစ်။
ဒီနေ့က Kin ရဲ့ 22 နှစ်ပြည့်မွေးနေ့။
17 နှစ်ပြည့်မွေးနေ့ကနေ 21 နှစ်ပြည့်မွေးနေ့အထိ
သူရယ် Kin ရယ် မွေးနေ့ပါတီတွေလုပ်ပြီး တစ်ယောက်ကိုတစ်ယောက်အချိန်တွေပေးခဲ့ကြဖူးသည်။
ဒီနှစ် 22 နှစ်ပြည့်မွေးနေ့မှာတော့
တစ်ရက်လုံးအတူရှိနေနိုင်မှာမဟုတ်သော်ငြားလည်း
Kin ကိုအချိန်ခဏချန်ပေးဖို့ပြောခဲ့ပြီးပြီ။
ချစ်သူရဲ့မွေးနေ့ပဲမလား....
သူနဲ့အတူတူ ကုန်ဆုံးချင်တာသဘာဝပဲပေါ့။
8 ရက်နေ့ Kin ရဲ့မွေးနေ့ရက်သို့
မကူးပြောင်းခင်နာရီပိုင်းအလိုကတည်းက Kin ရဲ့အိမ်ထဲကို သူရောက်နှင့်နေတာဖြစ်သည်။Kin ရဲ့တစ်အိမ်သားလုံးနဲ့တိုင်ပင်ပြီး Kin ကို
စပရိုက်တိုက်ဖို့အစီအစဥ်တွေဆွဲထားသည်မှာ နှစ်ပတ်အလိုလောက်ကပင်ဖြစ်သည်။
"Ma...
P ဒီအိမ်ကိုရောက်နေတာ Kin မသိဘူးမလား"
"မသိပါဘူးရှင်
အဲ့ကောင်လေးက ညကိုးနာရီလောက်ကတည်းက အပေါ်ကိုတက်သွားတာ လုံးဝမသိဘူးရယ်"
"ဆယ့်နှစ်နာရီထိုးဖို့ကလည်း ဆယ်မိနစ်တောင်လိုသေးတယ်
P တော့စိတ်တွေလှုပ်ရှားနေပြီ"
"စပရိုက် လုပ်ရမယ့်သူကစိတ်လှုပ်ရှားရတယ်လို့သားရယ်"
"P က Kin နဲ့မတွေ့ဖြစ်တာကြာပြီ Ma ရဲ့"
"Kin က အခုတလောသိပ်အလုပ်ရှုပ်နေတယ်ထင်ပါရဲ့
Ma တို့နဲ့တောင်ညစာအတူမစားတာများတယ်။
အပြင်မှာပဲအမြဲစားလာတော့တာပဲ"
"Ma တို့နဲ့လည်း ညစာအတူမစားဘူးလား"
"အင်း ဟုတ်တယ် တော်တော်ကြာပြီ"
Ma တို့နဲ့တောင်ညစာအတူမစားဘူးဆိုတော့
Kin က ညတိုင်းဘယ်သူနဲ့ dinner အတူစားတာလဲ။
ဒီအတောအတွင်း သူဖုန်းဆက်လည်း Kin ကအလုပ်များနေတတ်တာမို့ ဖုန်းမဆက်တာလည်းတော်တော်ကြာပြီ။
Kin ဘာတွေလုပ်နေတာလဲ။
"သား ဆယ့်နှစ်နာရီထိုးတော့မယ်
Ma တို့အပေါ်တက်ကြရအောင်"
"ဟုတ်"
သူ့လက်ထဲမှာ ဖယောင်းတိုင်မီးထွန်းပြီးသားကိတ်မုန့်လှလှလေးတစ်လုံးရှိတယ်။ဒီကိတ်လေးကိုရဖို့သူ့မှာ
တစ်နေကုန်ကြိုးစားထားရတာ။
Sky blue ကို ကိတ်မုန့်အောက်ခံအရောင်ထားပြီး အနီရောင်အမှတ်အသားအဖြစ် စတော်ဘယ်ရီသီးတွေရယ် ချယ်ရီသီးတွေရယ်နဲ့အလှဆင်ထားတယ်။အနီနဲ့အပြာက သူတို့နှစ်ယောက်ရဲ့ သက်ေတပဲ။
YOU ARE READING
Every Sunset Has Perfect Ending
Fanfictionငါက နေကြာ။ မင်းရှိရာအရပ်ကိုပဲလှည့်ပြီး ပွင့်တတ်တဲ့ မင်းရဲ့နေကြာ။ ငါက နေကြာ။ ဒါပေမယ့် နေရောင်ခြည်မလိုအပ်ဘူး။ အစွမ်းကုန်ပွင့်လန်းနိုင်ဖို့ Billkin Putthipong တစ်ယောက်ပဲ လိုအပ်တယ်။
