.......
သူမ ဒီနေ့တော့ ရုံးဆင်းသည်နှင့် မရောက်ဖြစ်တာကြာပြီဖြစ်တဲ့ မောင့်မေမေဆီသွားဖို့စိတ်ကူး လိုက်ပါသည်။
ထို့ကြောင့် မောင့်မေမေအတွက် မုန့်၀င်၀ယ်ရင်း မောင်များဆေးရုံမှာရှိမလားဆိုပြီး မောင့်ဆီဖုန်းဆက်လိုက်ပါသည်။
" မောင်််် ..........အန်တီနားမှာ ရှိနေလား "
"ဘာဖြစ်လို့လဲ Jen"
"Jen အခုဆေးရုံကို ၀င်ခဲ့မို့ "
"ဒါဆို အတော်ပဲ Jen ။ မောင်က အခုအပြင်မှာ ။ အလုပ်ကိစ္စအတွက် အရမ်းအရေးကြီးတဲ့ ဧည့်သည်တစ်ယောက်နဲ့ အပြင်မှာ စကားပြောနေတယ် "
" ဒါဆို မောင်က အပြင်မှာပေ့ါ ဟုတ်လား ?"
"ဟုတ်တယ် Jen ။ မောင် အခု Zapangi မှာ ။ အိုမားကို Jen စောင့်ပေးပါနော် "
"အင်း......ဒါဆို မောင်ပြန်လာတဲ့အထိ Jen စောင့်နေလိုက်မယ်လေနော် ။ ဒါပဲနော် ။ "
သူမ ဖုန်းချလိုက်သည် ။ ထိုနောက် သူမ ဆေးရုံသို့ ၀င်ခဲ့လိုက်ပါသည် ။ မောင့် မေမေ အခန်းသို့ရောက်သည်နှင့် Nurse လေးက ပြူးတူးပြာတာမျက်နှာထားနှင့်
" ညီမရေ လူနာ အမောဖောက်နေတယ် "
ဟု ပြောလိုက်လေသည် ။ ထို့ကြောင့် သူမ၀ယ်လာသည် ပစ္စည်းများကို ခုံပေါ်သို့ အမြန်တင်ပြီး မောင့် မေမေအနားသို့ သွားလိုက်ပါသည်။
"ဆရာ၀န်မခေါ်ဘူးလား အမ "
"အခုနလေးတင် ဆရာ၀န်ကြီး လာကြည့်သွားတယ် ။ လူနာကို လက်လျော့လိုက်ပြီတဲ့ "
"ရှင်.......? "
သူမ လွန်စွာ ထိတ်လန့်သွားပါ၏ ။ မောင့် မေမေ နောက်ဆုံးအချိန်သို့ပင် ရောက်နေပြီပဲ ။ အန်တီနားတွင် မောင် ရှိနေသင့်ပါ၏ ။
" အဲ့ဒါ လူနာရဲ့သားကိုလည်း ဆက်သွယ်သေးတယ် ။ သူ့ဖုန်းက ဘယ်လိုမှ ခေါ်မရဘူး ဖြစ်နေတယ် ညီမရယ် ။ ကူညီပေးပါဦး ။ လူနာက သူ့သားလေးကို တွေ့ချင်ရှာမှာပဲလေ "
YOU ARE READING
First Kiss
Roman d'amourFirst Kiss 😘 အနမ်းတစ်ခုကို မထင်မှတ်ပဲ ပေးလိုက်မိပြီး ထိုစိတ်က သူမကို အချိန်တိုင်း တပ်လှန့်နေ၏ ။ ဘယ်သူ့ကိုမှ မနမ်းဖူးသော သူမ အနမ်းက တစ်ခါမှပင်မတွေ့ဖူးသောသူ့ကို နမ်းလိုက်မိသော်လည်း သူမ၏မောင်က သူမကို စိတ်မဆိုးချေ။ မသိသည့် သူနစ်ယောက်ကို နမ်းလိုက်မိသ...
