First Kiss

-1-

သူမ ဟန် မြစ်ဘေး အုတ်ခုံပေါ်သို့ အပြေးလေး တက်လာခဲ့လိုက်သည်နှင့် သူမနှင့်အတူ သူထိုင်နေကြ ထိုင်ခုံလေးအနီးတွင် သူ ရေပြင်ကြီးကို ရပ်ကြည့်ရင်း သူမကို ကျော်ပေးကာ ရပ်နေလေသည်။

ချိန်းထားသည်ထက် ၁၀မိနစ်ခန့် နောက်ကျပြီးမှ သူမ ရောက်လာခဲ့၏ ။

သူသည် သူမပြောထားသည့်အတိုင်း အပေါ်မှ အနက်ရောင် ဂျင်းဂျာကင်နှင့် ဆင်တူဝယ်ထားသည့် သိုးမွှေးဦးထုပ်တို့ကို စတိုင်ကျကျဝတ်ဆင်ထားပါ​၏။

သူမ ခြေသံဖွဖွနှင့် သူ့အနီးသို့ တိုးကပ်သွားလိုက်ပြီး သူမ​၏လက်နှစ်ဖက်စလုံးနှင့် ကျောပေးကာ ရပ်နေသည့် သိုင်းဖက်လိုက်ပါတော့​၏။

သူမလက်များနှင့် သိုင်းဖက်ခံထားရသည့်အတွက် သူ့ရင်ခုန်လွန်း၍ ကမ္ဘာကြီးပင်တုန်လှုပ်နေသည်ဟု ထင်မှတ်နေမိပါ​၏။

" မောင် ......"

သူမတို့ ချစ်သူ ဘဝကို စရောက်ကတည်းက သူ့ကို သူမ မောင် ဟု အမြတ်တနိုး ခေါ်ဝေါ်ခဲ့ပါသည်။
သို့သော် သူမ နှင့် မောင်က အသက်ရွယ်တူပင်။

" Valentine Day မှာ နောက်ကျမိတဲ့ အတွက် ဒါက တောင်းပန်တာ "

အချိန်မှန် ရောက်နေသော သူမ မောင်​၏ လည်တိုင်လေးကို သူမ မမှီသော်လည်း ခြေဖျားထောက်က မျက်လုံးစုံမှိတ်ကာ ဖိနမ်းရင်း တောင်းပန်လိုက်​၏။ သူ မည်မျှ ရင်ခုန်နေသည်ကို ဖက်ထားသော လက်ဖဝါး​၏ အထိအတွေ့ကြောင့် သူမ အတိုင်းသား သိနေရပါ​၏။

"နောက်ပြီး ဒါက Valentine Present "

သူမပြောပြီး သူ့လည်တိုင်လေးကို ဒုတိယအကြိမ်နမ်းရန် ခြေဖျားထောက်လိုက်ပြီး ပြုံးပျော်နေမည့် မောင့် မျက်နှာကို ကြည့်ကာ နမ်းမည်ဆိုသော အတွေးဖြင့် သူမ မျက်လုံးဖွင့်ပြီး သူ့ကို ကြည့်လိုက်သည့် အခိုက်..

" ဟင် ......"

သူသည် သူမ​၏ မောင် မဟုတ်ချေ။ သူမ သိလိုက်သည်နှင့် ဖက်ထားသည့် လက်များကို အမြန်
ဖယ်လိုက်ပြီး နောက်သို့ ခြေလှမ်း နှစ်လှမ်းခန့် ဆုတ်မိသွားပါ​၏။