First Kiss

-20-

နှစ်၊  လ၊  ရက်တို့ တဖြေးဖြေးပြောင်းလာကာ ၅ နှစ်ဆိုသော အချိန်ကြီးကိုဖြတ်ကျော်လာခဲ့ပြီဖြစ်သည် ။

သင်ချင်တဲ့ပညာတွေလည်း ပြည့်စုံလာပြီမို့ Appa အား ပေးထားသည့် ကတိအတိုင်း L Group ရဲ့ CEO အဖြစ်လည်း တာဝန်ယူနိုင်ခဲ့ပြီလေ ။

Appa လည်း New Zealand တွင် အနားယူရင်းနေထိုင်လျှက်ရှိပြီး လိုအပ်မှသာ ဟိုကနေ လှမ်းပြီး ညွှန်ကြားတော့သည်။

.......

အလုပ်ဆင်းချိန်တွင် သူ့ရုံးခန်းထဲသို့ Kai ဝင်လာသည်။

"CEO ...ကျွန်တော် အလုပ်ဆင်းတော့မယ်နော် "

" အင်း "

"CEO ကော မပြန်သေးဘူးလား "

"ပြန်တော့မှာပါ "

Kim Kai ဆိုတော့ သူ့ PA ကို သူ့ Appa လက်ထက်ထဲက ကျွေးမွေးပြုစုထားခြင်းဖြစ်သည်။
Appa လက်ထက်ထဲက Appa ရဲ့ PA ဖြစ်သည့် Kai ကို သူ့လက်ထက်တွင်လည်း PA အဖြစ်သာ ဆက်ခန့်ခဲ့သည်။

သားအမိ နှစ်ယောက်ထဲသာရှိသော Kai တို့ မိသားစုကို Appa အနားမယူခင်က သေချာမှာကြားထားသောကြောင့် သူလက်ထက်တွင်လည်းသူ လိုလေသေးမရှိထောက်ပံ့ပေးခဲ့ပါ၏။

Kai ကျောင်းတက်နေစဥ် ကာလတွင်လည်း သူ့ Appa မှ ပညာသင်ကြားနေချိန်တလျောက်လုံး ထောက်ပံ့ခဲ့သလို ကျောင်းပြီးသွားတော့လည်း L group တွင်ပင် နေရာပေးထားခဲ့ခြင်း ဖြစ်သည် ။

Kai သည် သူ့ထက်ကြီးသော်လည်း သူ့ကို CEO မဖြစ်ခင်က မမလေး ဟုခေါ်ဝေါ်ခဲ့ပြီး ၊ CEO ဖြစ်ပြီး သူ့ PA ဖြစ်လာချိန်မှာတော့ CEO ဟုသာ လေးလေးစားစား ခေါ်ဝေါ် တက်လေသည် ။

Appa.. New Zealand သို့ မသွားခင်အထိ Kai ကို ထောက်ပံ့ပေးခဲ့ပြီး ၊ သူ့လက်ထက် ရောက်တော့လည်း Lisa ၏ PA အဖြစ်ဆက်လက်ထားရှိကာ ထောက်ပံ့ပေးခဲ့ခြင်းဖြစ်သည် ။

" Kai အဖေ က သိပ်ကို သစ္စာရှိတာ သမီးရ ။ ဒါကြောင့် Kai အဖေ မဆုံးခင်က သူ့မိသားစုကို Appa က စောင့်ရှောက်မယ်လို့ ကတိပေးခဲ့တာ ။  အဲ့ကတိကို သမီးလက်ထက်ထိ တည်ပေးပါကွာ "

ဟူသော Appa ၏ စကားကို သူအမြဲကြားယောင်ရင်း Kai၏  လိုအပ်ချက်များကို သူ အမြဲကူညီဖြည့်ဆည်းပေးခဲ့သည်။