Jude's POV
Naglilista ako ng kailangan bilhin na stocks para dito sa bar. Pagkuha ko sa isang notebook ko ay may napansin ako. Ito yung papel na binigay ni Noel sa akin na inipit ko rito. Kinuha ko ito at tinignan.
"SHIT! SHIT! SHIT!" 'yan agad ang reaction ko ng makita ang nakasulat.
Ang nakasulat;
September 5 - Vedaclee's Birthday.
Tumingin ako sa calendar. Birthday niya ngayon? Anong oras na? 11: 30. Malapit na rin matapos ang birthday niya.
Agad akong lumabas ng office. Paglabas ko ay sinalubong ako ni Benj.
"Sir Jude may eskandalo po sa may bar counter." sabi niya. Badtrip naman ngayon pa.
Agad akong pumunta roon at inayos ang problem. Sos, problema lang pala ng magjowa. Tch! Sa susunod magha-hire nga ako ng bouncer. Pag may budget na hehe.
Hahakbang na sana ako ng mapatingin ako sa babaeng nasa bar counter. Andoon siya sa kabilang side ng bar counter, sa pinakahuli.
"Benj" kumalabit ako sa empleyado ko.
"Yes Boss?"
"That girl." sabi ko sabay turo sa kanya. Tumingin siya roon.
"Bakit po Sir Jude?"
"Kanina pa yan dito?" takang tanong ko.
Tumango siya. "Opo hard drinks nga po ang inoorder eh. Ika pang lima na niyan na baso. " sabi ni Benj.
"Mag order ka ng pagkain at cake. Kahit anong cake, okey. Doon mo na din ipadeliver sa condo ko." utos ko sa kanya.
"Sige po Sir " Naglakad ako patungo sa babaeng iyon. Lumapit ako sa kanya at tinignan siya habang umiinom.
"Excuse me." agaw ko ng atensyon niya. Tumingin siya sa akin. Mukhang lasing na siya.
"Di pa ako lasing ha." sabi niya kahit di pa ako nagtatanong. Tinungga niya ang nasa baso. "Isa pa." sabi niya sa bartender.
"Wag na." sabi ko sa bartender ko. Tumango naman siya. Tinignan ko naman ang babaeng ito at nakayuko na. Inalalayan ko siyang bumaba ng bar stool.
"Come here."
"Bakit ba? Umiinom ako eh." sabi niya at gusto sanang bumalik sa pagkakaupo.
"Hindi na. Halikana."
Naglalakad kami ngayon at ito siya pagiwang-giwang kaya ako nagpagiwang giwang rin, ano ba naman yan. Nakarating kami sa labas. Pumunta ako kung nasaan nakapark ang kotse at binuksan ang may passenger seat.
