First Kiss

Age Diffenerce [Part 2]

Unicode

" ဒီနေ့ နေ့လည်စာ ဘာစားမလဲ "

" gogi ( အသား ) "

" ဂျို..နင် နေ့လည်စာကြီးကို အသားစားမလို့လား "

" ဘာလဲ မရဘူးလား "

" ရပါတယ် ရပါတယ် စားပါ "

တစ်လ...တစ်လဆိုတဲ့အချိန်က လုံလောက်ပါရဲ့။ သာမာန်လူအတိုင်း ပြန်နေထိုင်နိုင်ဖို့ပေါ့။ လွမ်းဆွေးမနေဘဲ သတိမရနေဘဲ အရင်တုန်းက ပုံစံအတိုင်း ပြန်နေထိုင်နိုင်ဖို့ တစ်လဆိုတဲ့ အချိန်က ကျွန်မအတွက် ပြည့်ပြည့်ဝဝ လုံလောက်ခဲ့ပါတယ်။ ဒီနောက်ပိုင်း ဟယ်ဂျင်နဲ့ ဂျီမင်က ကျွန်မ မျက်နှာတစ်ချက်မညိုးအောင် ထားခဲ့ကြလို့လဲ ပါတာပေါ့။

စီနီယာကို အဲ့ည နောက်ပိုင်း ကျွန်မထပ်မတွေ့ရတော့ပါဘူး။ အလုပ်လဲ ထွက်သွားသည်တဲ့လေ။ ကျွန်မစကားကြောင့် အလုပ်ထွက်သွားသည်ကို အားနာပေမဲ့ ကျေးဇူးလဲတင်ပါတယ်။ သူနဲ့သာ မျက်နှာချင်းဆိုင် ဆက်တွေ့နေရမယ်ဆိုရင် တစ်လဆိုတဲ့ အချိန်က ကျွန်မအတွက် ဘယ်လောက်ပါ့မလဲ။

ပြီးတော့ ထိုညပြီးကတည်းက ဂျွန်က ကျွန်မဆီ ရောက်မလာခဲ့တော့ပါဘူး။ သူမရှိတော့လဲ တစ်မျိုးကောင်းတာဘဲ နှောက်ယှက်မဲ့သူမရှိတော့ဘူးလို့တွေးမိပေမဲ့ အမှန်တိုင်းဆို ကျွန်မ ပျင်းသလိုလိုတော့ရှိတယ်။ ဒီလောက်ပါဘဲ။ ကလေးတစ်ယောက်ကို သတိရမိသလိုဘဲပေါ့

" တစ်ယောက်ယောက်က နင့်ကို ဒါပေးသွားတယ် အွန်းဂျို.. "

" ဘယ်သူလဲ ဂျီမင် "

အလုပ်စားပွဲပေါ်ရောက်လာတဲ့ လိပ်ပြာပုံစံ စာရွက်ခေါက်လေးကြောင့် အံ့ဩပြီး မေးမိတော့ ဂျီမင်က ခေါင်းခါပြသည်။

" ငါမသိဘူး "

" ကျွန်တော်ပို့လိုက်တာပါ "

Company က လူတွေအားလုံးရဲ့ အကြည့်က အသံလာရာ တံခါးပေါက်ပေါက်သို့

" သူလေးက ဘယ်သူလေးလဲ "

မှင်သက်စွာ ဟယ်ဂျင်မေးတာကို ပြန်မဖြေနိုင်..။ ကျွန်မ အကြည့်များက suit အပြည့်အစုံဝတ်ဆင်ထားတဲ့ ကောင်လေးဆီမှာ