First Kiss

Age difference [Part 3]

Unicode

အချစ်ဟာ bus car စောင့်နေရသလိုဘဲလို့ ကျွန်မရှင်တို့ကို ပြောခဲ့ဖူးသလား? ကျွန်မကြုံခံရတာတော့ အချစ်က စောင့်နေရုံ သက်သက်မဟုတ်ပါဘူး။ ကျွန်မ သင်ယူခဲ့ရတာကတော့ bus car တစ်စီးရောက်လာတဲ့အခါမှာ ကားပေါ် တက်မလားဆိုတာကို ရှင်တို့ ဆုံးဖြတ်ရပါလိမ့်မယ်

ကျွန်မ ပုံခုံးပေါ် ခေါင်းမှီကာ အိပ်ပျော်နေသော ကောင်လေးကို ကြည့်ပြီး ပြုံးမိသည်။ တစ်နေကုန် ရုပ်ရှင်ကြည့်ပြီးကတည်းက စကားတွေများလာလိုက်တာ အခုပင်ပန်းရောပေါ့။ ကျွန်မ ပါးကို လာထိကပ်နေသော အဝါဘက် နည်းနည်းသန်းနေသည့် သူ့ဆံပင် ပျော့ပျော့လေးများကို သပ်ပေးရင်း ပြတင်းပေါက်ဘက် ပြန်လှည့်ကာ bus ကားအပြင်ဘက်က ဖြတ်သန်းသွားလာနေကြသော ကားများကို ကြည့်နေမိသည်။ သူနဲ့ ကျွန်မ စတွေ့ခဲ့တာလဲ bus ကားပေါ်မှာဘဲကို။

ကျွန်မ အတွေးပင်မဆုံးလိုက်သေး ကားက မှတ်တိုင်မှာ ရပ်လိုက်သောကြောင့် ဆင်းရန် ကောင်လေးကို လှုပ်နှိုးလိုက်တော့ အိပ်ချင်မူးတူး ရုပ်လေးဖြင့် ကျွန်မကို ပြုံးပြသည်။ ပြီးတော့ ကျွန်မတိုက်ခန်းရှေ့ ရောက်သည်အထိ လမ်းလျှောက်လိုက်ပို့သည်။ ကောင်လေးက အသားမယူပါဘူး။ ကျွန်မနဲ့ ခပ်ခွာခွာကနေဘဲ လိုက်လာတယ်။

" ပြန်တော့လေ ပင်ပန်းနေပြီမလား အိမ်ပြန်ရောက်ရင် နားလိုက်တော့နော် "

မျက်နှာချင်းဆိုင်ရပ်ပြီး သူ့ခေါင်းလေးကို ပွတ်ပေးရင်ပြောလိုက်သည်။ သူက ခေါင်းကိုပွတ်ပေးနေသော လက်များကို သူ့လက်များဖြင့် ကိုင်လိုက်ရင်း

" nunaက ကျွန်တော့်ကောင်မလေး ဖြစ်သွားပြီမဟုတ်လား "

သူဒါကိုမေးနေတာ အဖြေပေးပြီးကတည်းကနေ အခုဆိုရင် ၁၀ခါမကတော့ ဟုတ်တယ်လို့ ဖြေလိုက်ရင်လဲ ဘာမှထပ်မပြောတော့ဘဲ ပြုံးဘဲနေတာ။ အခုလဲ ထပ်မေးပြန်ပြီ

" nuna ကို ကျွန်တော် တောင်းဆိုစရာရှိတယ် "

ဒီတစ်ခေါက် ကျွန်မပင် ဘာမှပြန်မဖြေရသေး သူ့ဘက်က စပြောလာသည်။ သူ့ထက် ခေါင်းတစ်လုံးကျော်ပုသော ကျွန်မကို ခါးအနည်းငယ် ညွှတ်ကာ ငုံ့ကြည့်ရင်း ပြောလာသော သူ့ကြောင့် ကျွန်မ အသက်ရှူသံများပင် မှားကုန်တော့သည်။