First Kiss

Far away [ Part 1 ]

Unicode

နွေးထွေးတဲ့ ခံစားမှုနဲ့အတူ ကျွန်မမျက်လုံးတို့ ပွင့်လာတော့ မျက်စိရှေ့မှာ မြင်လိုက်ရတာက ချစ်စရာကောင်လေး။ ကျွန်မတို့ မနေ့ညက အတူနေခဲ့ကြတယ်။ ညက အကြောင်း ပြန်တွေးမိတော့ ရုတ်တရက် မျက်နှာတစ်ခုလုံး ပူလောင်လာသလို ခံစားရတယ်။ ဒီကောင်လေးက ကျန်တဲ့နေရာတွေသာ ကလေးဆန်ရင်ဆန်နေမယ် အိပ်ယာပေါ်က ကိစ္စတော့ ကလေးမဆန်ဘူးဆိုတာကို ကျွန်မ ရာခိုင်နှုန်းအပြည့် ဝန်ခံရလိမ့်မယ်။

သူ့နဖူးပေါ်ဝဲကျနေသော ဆံပင်ပျော့ပျော့လေးများကို လက်ဖြင့် သပ်ပေးကာ ခပ်ဖွဖွနမ်းလိုက်တော့ ခါးထက်က ပိုမို တင်းကျပ်လာတဲ့ လက်တစ်စုံကြောင့် ကျွန်မပြုံးမိသည်။ ဒီကောင်လေး နိုးနေတာဘဲ။

မသိချင်ယောင်ဆောင်ကာ ပါးတစ်ဖက်ကို အသံမြည်အောင်နမ်းလိုက်တော့ နှုတ်ခမ်းပါးတွေက ပြုံးယောင်သမ်းလာတယ်။

" ကောင်လေး နိုးနေရင်လဲ ထတော့လေ "

" ဟင့်အင့် နှုတ်ခမ်းကိုလဲ နမ်းအုံး "

" မျက်နှာသစ်ပြီးမှ "

" အခုမနမ်းရင် nuna ကို အလုပ်မသွားနိုင်အောင် လုပ်ပစ်တော့မှာ "

ပြောလဲပြော မျက်နှာနားကို အတင်းတိုးကပ်လာပြီး ခါးကလက်တွေကလဲ တင်ပါးပေါ်ရောက်လာသောကြောင့် ကျွန်မ လန့်သွားရသည်။ ဘယ်နှယ့် ညကဟာတောင် နာနေတာ မပျောက်သေးတာကို။ မျက်နှာကို အပေါ်မော့ကာ သူ့နှုတ်ခမ်းကို လှမ်းနမ်းလိုက်ပေမဲ့ ကောင်လေးက ကတိမတည်ပါ။ ကျွန်မနှုတ်ခမ်းတွေကို လွှတ်ထွက်သွားတော့မည့်အလား အပေါ်တစ်လှည့် အောက်တစ်လှည့် ငုံထွေးကော ခံတွင်းထဲ သူ့လျှာကို ဝင်ခွင့်တောင်းသည်။