First Kiss

I have a chance? [First Kiss's Extra]

Unicode

*သူရောက်နေပြီ
ငါတို့ ဘက်က စီစဉ်စရာနဲ့ လုပ်စရာရှိတာတွေ အားလုံးကို လုပ်ပေးပြီး ကူညီပြီးပြီမလို့
အခု မင်းဘက်ကဘဲ ကျန်တော့တယ်

အစည်းအဝေးခန်းထဲတွင် တောင်ခနဲ မြည်လာသော ဖုန်းရဲ့ msg ဝင်သံက ဖုံးလွှမ်းသွားသည်။ ပုံမှန်အချိန်ဆို အစည်းအဝေးလုပ်နေရင် ဖုန်းကို airplane mode ဖွင့်ထားတတ်ပေးမဲ့ ဒီနေ့ကတော့ ဂျောင်ဂုကိုယ်တိုင်၌ပင် ဒီ msg ကို မျှော်နေရသူမလို့ အသံမြည်လာတာနဲ့ လုပ်ငန်းအကြောင်းတင်ပြနေသည့် စကားသံများကို ဂရုမစိုက်အားတော့ဘဲ ချက်ချင်း အလျှင်အမြန် ဖုန်းကိုကောက်ကိုင်ကာ screen ကို ကြည့်မိတော့ ပေါ်နေသော စာကြောင်းကြောင့် အလွန်ပင် ပျော်သွားရသည်။

" CEO Jeon အဆင်ပြေရဲ့လား "

ဖုန်းကို ကြည့်ကာ ပြုံးစိစိဖြစ်နေသော သူ့ကို ကြည့်ရင်း တင်ပြချက် ပြောနေသည့် လူကလဲ ဆက်ပြောရမလို မပြောရတော့မလို ဖြစ်နေသည်။ သူ့အတွင်းအရေးမှူးက သူ့ရဲ့ လက်ကို တို့ကာ ပြောလာတာကြောင့် သူ့ရဲ့ ယုန်သွားတွေကို ပေါ်လာအောင် ပြုံးလိုက်ရင်း

" အဆင်ပြေတယ် အရမ်းကို အဆင်ပြေနေတာ အခု အစည်းအဝေးကို ဖျက်လိုက်ပြီ မင်းလဲ အလုပ်ဆင်းတော့ "

ပြောပြောဆိုဆိုနှင့် ထိုင်ခုံမှ ထကာ အစည်းအဝေးခန်းထဲမှ ထွက်ခွာရန်ပြင်တော့ အတွင်းအရေးမှူးက ပြာပြာသလဲသလဲနှင့်

" CEO Jeon အခုက အရေးကြီးတဲ့ project အတွက် ဆွေးနွေးဖို့ ကျန်ပါသေးတယ် နောက်ပြီး နိုင်ငံခြားသားဧည့်သည်တွေနဲ့ တွေ့ဆုံရအုံးမှာပါ "

ပြုံးပျော်နေတဲ့ ဂျောင်ဂုမျက်နှာက ချက်ချင်းတည်သွားပြီး

" အကုန်ဖျက်လိုက်
အာ..ပြီးတော့ ငါအခု လုပ်ရမဲ့ အရာလောက် ဘယ်အရာမှ အရေးမကြီးဘူး "

စကားကို ယတိပျက်ပြောကာ အစည်းအဝေးခန်းထဲမှ ထွက်လာလိုက်တော့သည်။ အထဲမှာ ကျန်ရှိခဲ့သော အတွင်းရေးမှူးနှင့် ဝန်ထမ်းများအားလုံးက အံ့ဩ၍ ကျန်ခဲ့ကြလေလိမ့်မည်။ သူဟာ ဒီငါးနှစ်အတွင်းမှာ အလုပ်ကိစ္စမှန်သမျှ ပျက်ကွက်ခဲ့ဖူးတာ ရှိမှ မရှိခဲ့ဘဲကို။