First Kiss

May be or May be not [First Kiss extra]

Unicode

နားထဲကြားနေရတဲ့ သီချင်းသံတိုးတိုးနဲ့ လေတိုက်အသံလို တဝူးဝူးတို့ဟာ သူမကို အိပ်နေရာမှ နှိုးစေသည်။ တစပ်တည်း ကြားနေရတဲ့ စကားပြောသံတိုးတိုးတို့ကြောင့် ဂျီမင်တို့ အခုထိ သူမ တိုက်ခန်းက မပြန်ကြသေးမှန်း သိလိုက်ရသည်။

ချက်ချင်း မထချင်သေးတာကြောင့် လက်တွေကို ဆန့်တန်းရင်း ဘေးဘက်သို့ လှည့်လိုက်တော့ တစ်စုံတစ်ခုကြောင့် သက်တောင့်သက်သာ ဖြစ်မနေ။ ထို့ကြောင့် သူမရဲ့ လေးလံနေသော မျက်လုံးများကို အားယူဖွင့်ကြည့်လိုက်တော့ အမြင်စိမ်းသော အဖြူရောင် မျက်နှာကျက်ကို တွေ့လိုက်ရသည်။

ဟင် ဒါ သူမ အခန်းရဲ့ မျက်နှာကျက်မှ မဟုတ်တာ။

ဦးနှောက်ရဲ့ အချက်ပေးသံကြောင့် အိပ်နေရာမှ ထဖို့ အလျှင်အမြန်ကြိုးစားလိုက်ပါသော်လည်း သူမခါးက တစ်စုံတစ်ခုက တင်းကျပ်စွာနဲ့ သူမကို ထခွင့်မပေးနေ။

ငုံ့ကြည့်လိုက်သော ခါးပတ်ဟု ထင်လိုက်ရသော အရာက သူမ ခါးထက်မှာ အကျအန။

" ခရီးသည် နှိုးပြီဆိုရင် juice သုံးဆောင်မလား tea သုံးဆောင်မလားရှင့် "

နံဘေးမှ ရုတ်တရက်ထွက်ပေါ်လာတဲ့ မိန်းကလေးတစ်ယောက် အသံကြောင့် သူမ ခန္ဓာကိုယ်က တုန်တက်သွားသည်။ ဘေးသို့ ကြည့်မိတော့ သူမနဲ့ ရင်းနှီးမှုမရှိတဲ့ မျက်နှာနှင့် ယူနီဖောင်း။

ဒါကြီးက လေယာဉ်မယ်တွေ ဝတ်တဲ့ ဝတ်စုံကြီးမလား။

သူမ အခု ဘယ်ရောက်နေတာလဲ။

" ဒါ ဘယ် ဘယ်နေရာလဲဟင်? ကျွန် ကျွန်မ အခု ဘယ်ရောက်နေတာလဲ "

လေယာဉ်မယ်ရဲ့ အမေးကို မဖြေနိုင်သေးဘဲ သူမရဲ့ သိချင်နေလိုသော မေးခွန်းကို အရင် ထုတ်မေးမိသည်။ ထိပ်လန့်နေသော စိတ်ကြောင့် စကားသံများကပါ တုန်ရီနေသည်။

" အခု California ကို သွားနေတဲ့ လေယာဉ်ပေါ်မှာပါ "

ဟင်?!! ဘာတွေဖြစ်ကုန်တာလဲ။ ခုနက သူမက အိမ်မှာဘဲရှိနေသေးတာလေ? အခုကျ ဘယ်လို ဖြစ်လို့။

သူမ မယုံနိုင်စွာ ခါးမှ ခါးပတ်များကို ဆွဲဖြုတ်ပြစ်ရင်း လေယာဉ်ရဲ့ ပြတင်းပေါက်သို့ ပြေးသွားပြီး ကြည့်မိတော့ အဟုတ်ပင်။
တရွေ့ရွေ့နှင့် ကျန်နေခဲ့သော တိမ်ဖြူဖြူများကိုသာ တွေ့လိုက်ရသည်။