First Kiss

When I see him [First Kiss's Extra]

Unicode

လေယာဉ်ပေါ်က ဆင်းလာပြီး luggage တစ်လုံးနှင့် ဟိုကြည့် ဒီကြည့် လုပ်နေတဲ့ သူမပုံစံက မြင်သူတိုင်းအတွက် အနည်းငယ် ကြောင်တောင်တောင် နိုင်နေလိမ့်မယ် ထင်သည်။

တစ်ကြိမ်တစ်ခါမျှ မရောက်ဖူးသော California သို့ မထင်မှတ်ဘဲ ရုတ်တရက်ကြီး ရောက်လာတော့ ကြောင်တောင်တောင် နိုင်နေတာနိုင်က ပုံမှန်ကိစ္စတစ်ခုလို့တော့ ထင်တာပါဘဲ။

စာထဲမှာ ဂျီမင်တို့က ဟိုတယ်ပြင်ဆင်ပေးထားတယ်ဆိုပေမဲ့ ဘယ်ဟိုတယ် ဆိုတာထည့်မရေးထားတာကြောင့် သူမ ဘယ်ကိုသွားရမှန်းမသိဖြစ်နေသည်။ ဖုန်းဆက်မေးဖို့အတွက် ကောင်တာများရှိတဲ့ နေရာကို သွားရန်သာ စိတ်ကူးလိုက်တော့သည်။

" ဟောအွန်းဂျိုလားရှင့် "

ရုတ်တရက်ထွက်ပေါ်လာသော အသံရှိရာနေရာသို့ ကြည့်မိလိုက်တော့ blonde ဆံနွယ်ရှည်များနှင့် ကောင်မလေးတစ်ယောက်အားတွေ့လိုက်ရသည်။ ကြည့်လိုက်ရုံနှင့် California သူလေးမှန်းသိသာပြီး သူမထက် အသက်အားဖြင့် အများကြီး ငယ်ရွယ်မယ်ဆိုတာလဲ ခန့်မှန်းနိုင်သည်။

" ဟုတ်ပါတယ် ဘယ်သူလဲမသိဘူး? "

သူမရဲ့ အဖြေစကားမှာ ထိုကောင်မလေးရဲ့ အပြာရောင်မျက်ဝန်းအိမ်က ပျော်ရွှင်မှုနှင့်အတူ လှုပ်ခတ်သွားပြီး

" တွေ့ရတာ ဝမ်းသာပါတယ် Miel Jay ပါ ဟောအွန်းဂျို ဒီမှာနေမဲ့ နှစ်ပတ်အတွင်း Tourist နဲ့ Travel guide လုပ်ပေးမဲ့လူပါ "

ကိုရီးယားစကားကို ကျွမ်းကျွမ်းကျင်ကျင် ပြောဆိုသွားတာကြောင့် သူမ မျက်လုံးပင်ပြူးသွားသည်။

" ကိုရီးယားစကားကို ကောင်းကောင်းပြောတတ်တာဘဲနော် "

Miel jay ဆိုသော မိန်းကလေးက သူမရဲ့ ချီးကျူးမှုကို ရှက်ပြုံးပြုံးကာ

" ကိုရီးယားစကားကို နှစ်နှစ်လောက် သင်ဖူးလို့ပါ အခုလို အလုပ်လုပ်တဲ့ အချိန်ကျ အဆင်ပြေသွားတာပေါ့
ဒါဆို ညီမ booking ကြိုယူထားပေးတဲ့ Alila Marea Hotel ကို အရင်သွားကြရအောင်နော် ညီမနောက်က လိုက်ခဲ့ပေးပါ "

Miel ခေါ်ဆောင်ရာ လေဆိပ်အပြင်ဘက်ကို ရောက်တာနဲ့ တိုက်ခတ်လာသော လေအေးတွေကြောင့် ခန္ဓာကိုယ်က တုန်သွားသည်။ သူမအခုဝတ်ထားတာ ညဝတ်အင်္ကျီအပါးလေးတင်ကို။