First Kiss

Repent (Yoongi's story) {Part 8}

Unicode

တိုက်ခန်း တံခါးကို ဖွင့်လိုက်သည်နှင့် သန့်ရှင်းပြီး ပြောင်လက်နေသော ကြွေကြမ်းခင်းတို့ကို မြင်လိုက်ရသဖြင့် ဂျင်အား စိတ်ထဲမှ ကျေးဇူးလှမ်းတင်လိုက်သည်။ holly လေးကိုလဲ လက်ထဲပွေ့ထားရာမှ ကြမ်းပေါ်ချပေးလိုက်ရင်း အခန်းထဲဝင်ကာ ကုတင်ပေါ် လှဲချလိုက်သည်။

လှဲနေရာမှ ခေါင်းကို အနည်းငယ်ထောင်လိုက်ကာ နံရံမှ နာရီအားလှမ်းကြည့်လိုက်တော့ နေ့လည် 2နာရီပင် ရှိနေပြီဖြစ်တာကြောင့် လှဲနေရာမှ ထလိုက်ကာ luggage ကိုဖွင့်လိုက်ပြီး အထဲမှ holly အစာကို ယူလိုက်သည်။ အခန်းအပြင် ထွက်လိုက်တော့ holly က ဧည့်ခန်းထဲမှ ဆိုဖာမှာ ငြိမ်ငြိမ်လေး အိပ်နေသည်ကို တွေ့တာကြောင့် အစာခွက်ကိုယူကာ ထည့်ပေးလိုက်ပြီး ဆိုဖာပေါ် ချပေးလိုက်သည်။

နှာခေါင်းလေးဖြင့် အစာခွက်ထဲမှ အစာကို တချက်နမ်းပြီးမှ စားနေသော holly ရဲ့ခေါင်းကို တစ်ချက်ပွတ်ပေးပြီးမှ ရေချိုးရန် အခန်းထဲသို့ ပြန်ဝင်ခဲ့သည်။

ရေချိုးခန်းထဲမှ ပြန်ထွက်လာတော့ 3နာရီ 15မိနစ်။ အချိန်က တစ်ဖြေးဖြေး ကုန်ဆုံးလာလေလေ သူ စိတ်လှုပ်ရှားလေလေ ဖြစ်နေသည်။

အကြောင်းက ဒီနေ့ည ကလေးငယ်နှင့် ပြန်တွေ့ရမည်။

ဂျင်ရဲ့ အကူအညီနှင့် ဒီညလုပ်မည့် ညစာစားပွဲ၌ ဌာနမှူးအဖြစ် ကလေးငယ်အား မြင်တွေ့ရတော့မည်။ ယွန်းယောန်းနာနှင့် ကွာရှင်းဖို့ ကြိုးစားမှာမို့လို့ မကွာရှင်းရချိန်အတွင်းလေးမှာ ကလေးငယ်အနား ရှိနေချင်ယုံတင်။

သူတို့ ဝေးခဲ့ကြတာ ၁၁နှစ်ဆိုရင် လုံလောက်ပြီမလား?

ဒီတစ်ခါတော့ ဘယ်လိုကိစ္စမျိုးဖြစ်ဖြစ် ကိုယ်က ကလေးငယ်နားက ဘယ်တော့မှ မထွက်သွားတော့မှာမို့လို့ ကလေးငယ်လဲ အရင်ကလိုဘဲ ကိုယ့်အပေါ် စိတ်ရှိနေပေးရင် ကောင်းလိမ့်မယ်။

တကယ်လို့ ပြောင်းလဲသွားမယ်ဆိုရင်တောင် အဆင်ပြေပါတယ်။ ကိုယ်က ကလေးငယ်ကို အနားရောက်လာအောင် ပြန်ခေါ်မှာမလို့။

* Ting Ting Ting *

အတွေးတွေ များနေတုန်း မြည်လာသော ဖုန်းအသံကြောင့် လန့်သွားကာ လူပင် တစ်ချက်တုန်သွားသည်။ phone call ကို ကြည့်လိုက်တော့ ဂျင်ဖြစ်နေတာကြောင့် ပါးစပ်မှ အသံထွက်ယုံတင် ကျိန်ဆဲလိုက်ပြီးမှ ကိုင်လိုက်သည်။