First Kiss

I'm Sorry [First Kiss's Extra]

Unicode

အရှေ့က လူတွေပြောနေတဲ့စကားသံတွေက သူ့နားထဲမှာ ဝေဝေဝါးဝါးဘဲ။ လူက မီးကျီခဲပေါ် တက်ထိုင်မိထားသလို ဖင်နဲ့ ထိုင်ခုံက မြောက်ကြွ မြောက်ကြွဖြစ်နေသည်။ မြန်ဆန်နေတဲ့ နှလုံးခုန်သံနှင့်အတူ သူ့စိတ်များကလဲ အစိုးမရ။

အရှေ့တည့်တည့်က နိုင်ငံခြားသားဧည့်သည်တွေကိုလဲ သူအားမနာအားပါ။ ဟုတ်တယ်လေ သူတို့နဲ့ တွေ့ဖို့ ဒီဟိုတယ်ထိ ရောက်လာတာမှမဟုတ်ဘဲ။ သူမှာလဲ သူ့အကြံနဲ့သူကိုး။

တစ်ခါမှ မမြင်ဖူးသည့် CEO ရဲ့ ဂဏာမငြိမ်ဖြစ်နေသော ပုံစံကိုကြည့်ကာ အတွင်းအရေးမှူးမှာလဲ အံ့ဩနေရသည်။

အခုအချိန် သူဘာကိုမှ ဂရုမစိုက်အားပါ။ သူအခု ဒီစကားဝိုင်းကို မြန်မြန်ပြီးချင်နေလှပြီ။ ဒါမှသာ သူက သူ့မိန်းကလေး ရှိတဲ့ အခန်းနံပါတ်ကို ရှာပြီး သွားတွေ့နိုင်မှာလေ။

လက်မှာပတ်ထားတဲ့ နာရီလက်တံရဲ့ တထစ်ထစ် မြည်သံနှင့်အတူ တဖြေးဖြေး အချိန်တွေ ကုန်ဆုံးလာတာနဲ့အမျှ ဂျွန်ဂျောင်ဂု စိတ်မရှည်ဖြစ်လာရပြီလေ။ ဘာကြောင့်များ ဒီနိုင်ငံခြားသားတွေဟာ ဒီလိုအချိန်ကျမှ စကားဒီလောက်များနေကြရတာလဲ။ သူ ဒီနေ့ချိန်းဆိုလိုက်မှုကို နောင်တရမိသလိုတောင် ခံစားလာရပြီ။

စိတ်မရှည်မှုတွေနှင့်အတူ Hotel restaurant ရဲ့ တံခါးပေါက်ဆီ ခနခန မျှော်ကြည့်နေမိသည်။ သူထွက်သွားချင်နေပြီကိုး။

ခနအကြာမှာ သူတမျှော်မျှော်ဖြစ်နေတဲ့ တံခါးပေါက်ကနေ restaurant ထဲ ဝင်လာတဲ့ အရိပ်လေးတစ်ခုကြောင့် သူ့ နှလုံးခုန်သံတောင် ရပ်တန့်သွားသလို ခံစားလိုက်ရသည်။

ဘယ်လိုလုပ်? တကယ်ကို ဘုရားသခင်က သူ့ဘက်မှာ ရှိပေးနေတာဘဲ။ သူ့ကို အခွင့်အရေးတွေပေးနေတာဘဲ။ အလိုက်သင့်လေး တွေ့လိုက်ရတာကြောင့် သူ့ရင်ထဲမှာခံစားနေရတဲ့ ပျော်ရွှင်မှုတွေဟာ ကမ္ဘာပေါ်မှာရှိတဲ့ ဘယ်အရာနဲ့မှ နှိုင်းယှဉ်ကာ ပြောပြနိုင်လိမ့်မည်မဟုတ်ပါ။

အဲ့လောက်ထိကို သူ့ဝမ်းဗိုက်ထဲမှာ လိပ်ပြာပေါင်းသန်းပေါင်းများစွာ ပျံဝဲနေသလို ခံစားနေရတာ။