First Kiss

Repent (Yoongi's story) {Part 1}

Unicode

~1987 ခုနှစ် ဒီဇင်ဘာ~
Deagu မြို့

" သား ဘယ်လိုလဲ ညီမလေးက ချစ်စရာကောင်းတယ်မလား "

မျက်စိရှေ့မှာ မြင်နေရသော မျက်လုံးတောင် မပွင့်သေးတဲ့ မွေးကင်းစ နီတာရဲ ကလေးမလေးကို ကြည့်ရင်း မေမေပြောတာကို ထောက်ခံသလို ခေါင်းငြိမ့်ပြလိုက်သည်။

​ဘေးအိမ်က အန်တီကော့ဆွန်း ကလေးမွေးပြီဆိုပြီး omma က ခေါ်ခဲ့လို့ သုံးနှစ်သားလေး ယွန်ဂီတစ်ယောက် ဆေးရုံသို့ ရောက်ခဲ့ခြင်းဖြစ်သည်။ အစကတော့ ဆေးနံ့တွေနဲမို့လို့ စိတ်ညစ်ညူးနေပေမဲ့ မွေးကင်းစကလေးကို တစ်ခါမှ မမြင်ဖူးတဲ့ ယွန်ဂီအဖို့ ထူးထူးဆန်းဆန်းဖြစ်ကာ ဆေးရုံ့အနံ့ကိုပင် မေ့သွားသည်အထိ ငေးကြည့်နေမိသည်။

ထိုကလေးပေါက်စလေးကို ကြည့်နေရင်း သူ့စိတ်ထဲ မတင်မကျ ဖြစ်နေသည်အား သူ့အမေကို ထုတ်မေးလိုက်သည်။

" omma ... သားနဲ့ ညီမလေးနဲ့ ဘယ်သူ အသားပို ဖြူလဲဟင် "

သားလေးရဲ့ အမေးမှာ Mrs.Min ဘာဖြေရမှန်းမသိဖြစ်သွားသည်။

ဒီကလေးနှယ် တကယ်ကို ပေါက်ပေါက်ရှာရှာလဲ မေးတတ်တယ်။

ဆေးရုံကုတင်ပေါ် လှဲနေပြီး သူ့သမီးလေးထည့်ထားတဲ့ ပုခတ်ဆီကို လှမ်းလှမ်းကြည့်နေတဲ့ ကော့ဆွန်းကတော့ သားလေးရဲ့ အမေးမှာ ရီပွဲကျသွားသည်။

" ဝူရီ ယွန်ဂီလေးက ပိုဖြူတာပေါ့ "

ကော့ဆွန်းက ရီရင်း ပြန်ဖြေတော့ ယွန်ဂီလေးက သဘောကျသွားဟန်ဖြင့် သွားဖုံးနီနီလေး ပေါ်အောင် ရီပြသည်။ ပြီးမှ တဖန် ပုခတ်ဆီ ခေါင်းပြန်လှည့်သွားပြီး လက်သေးသေးတွေဖြင့် ကလေးမလေးရဲ့ ပါးကို ထိကိုင်လိုက်ကာ အံ့ဩနေသော မျက်နှာဖြင့်

" omma omma ပါးလေးက အိအိလေး သားကိုလဲ ညီမလေး တစ်ယောက်လောက် မွေးပေးပါလား "

ယွန်ဂီရဲ့ အပြောကို Mrs.Min က ရီပြကာ

" ဒါလဲ သားညီမလေးဘဲလေ "

" ဒါဆို သားနဲ့ အတူတူဆော့လို့ရတယ်ပေါ့ အခုလို ပါးအိအိလေးကိုလဲ နေ့တိုင်းကိုင်လို့ ရတယ်ပေါ့နော် ဟုတ်လားဟင် အန်တီကော့ဆွန်း "