အချစ်ဟု ခေါ်တွင်မည်

Part of My Life 14 War

သူကျွန်တော့်ကို မချစ်ဘဲ လက်တည့်စမ်းချင်မှန်းသိပါတယ် ဒါပေမယ့် ဘာလို့လုပ်ချင်နေတာလဲတော့ အခုထိ စဥ်းစားမရသေးဘူး မစဥ်းစားနိုင်သေးတာလဲပါတယ်လေ

သူကျွန်တော့ကိုဂရုစိုက်တာ အလိုလိုက်တာ စိတ်ချမ်းသာအောင်ထားတတ်တဲ့ပုံစံကတကယ်ကို ချစ်သူတယောက်လိုပဲ ခံစားနေရတယ် တခြားအခြေနေတွေဘာထပ်ဖြစ်လာမလဲ မသိပေမယ့် အခုအခြေနေလေးကိုပဲ ကျွန်တော်သဘောကျတယ်

ကျွန်တော်တို့ ဒီနေ့အရမ်းသဘောကျမိတာလေးရှိတယ် သူက ကျွန်တော့ကို သူ့ရဲ့ကောင်လေးတဲ့လေ တွဲလာတဲ့တပတ်အတွင်းမှာ သူ့ကောင်လေးပါလို့ ပြောတာ ဒါပထမဦးဆုံးအကြိမ်ပဲ ပီးတော့ Movie Date တဲ့ သူများတော့မပြောတတ်ပေမယ့် ကျွန်တော့အတွက်တော့ ဒါဟာသာမာန်ချိန်းဆိုမှုတခုတော့မဟုတ်ဘူးလေ

သူလဲစိတ်လှုပ်ရှားနေတာလား ဘာလားတော့မသိပေမယ့် ကားမောင်းလာတဲ့ တလျှောက် သူကျွန်တော်ပြောတာတခုမှ မကြားတာတော့အမှန်ပဲ သူ့ကိုကျွန်တော် သတိပေးတော့မှ လန့်ပီး ကျွန်တော့ကိုလာအော်ပါလေရော သူဘာဖြစ်နေလဲ ကျွန်တော်မသိပေမယ့် သေချာတာတော့ သူတခုခုဖြစ်ကိုဖြစ်နေတယ်

ရုံထဲရောက်တော့ ကျွန်တော့လက်ကို ဖမ်းဆုပ်လာပီးကာမှ သူ့လက်ကို ရုတ်တရက်လွှတ်ချလိုက်တယ် လူတွေအရှေ့မှာ ကျွန်တော့ကို တွဲမပြရဲလို့ပဲဖြစ်မှာပါလို့ တွေးပေးလိုက်ပါတယ် တကယ်ပဲ ကျွန်တော်စိတ်မကောင်းဖြစ်မိတယ် ဖြစ်သင္်ရဲ့လား

ကြည့်ဝင်ဖို့ လှမ်းခေါ်လိုက်ပေမယ့် မိနစ်အနည်းငယ်ကြာမှဝင်လာတယ် လက်ထဲမှာ ပေါက်ပေါက်ဘူးနဲ့ အအေးဘူးတွေနဲ့ ကျွန်တော့်ကို လာပေးတယ် ဒါပေမယ့် သူကသူနဲ့အတူ ကျွန်တော်ရှိတာမရှိတာကို စိတ်မဝင်စားတဲ့အပြင် ကျွန်တော်တို့ဘာကားလာကြည့်ကြတာလဲကအစ သူမသိဘူး သူသိတာ သူကြည့်တာက ရှေ့ခုံလေးတန်းလောက်အကျော်က သူ့ကောင်မလေးနဲ့ သူမဘေးကကောင်လေး....

ကျွန်တော်တကယ်ပဲမေးချင်မိတယ် မင်းတို့တကယ်ပဲ ပြတ်ကြပီလား မပြတ်သေးရင်ရော ငါက မင်းရဲ့ဘာလဲပေါ့ ရုပ်ရှင်ကကောင်းရဲ့လားလို့မေးချင်ပေမယ့် သူစိတ်မပါတာကို ကြိုသိနေလို့ မမေးတော့ပါဘူးတိတ်တိတ်လေးကားပေါ်လိုက်လာခဲ့တယ် သူ့အတွက်နှစ်သိမ့်ပေးရမယ့် လူက ကျွန်တော့မဖြစ်ရဘူးလား အိမ်ရှေ့တောင်ရောက်နေပီ ဘာဆိုဘာမှမပြောဘဲ အရှေ့ကိုပဲငေးကြည့်နေတယ် ပီးတော့မှ ကျွန်တော် ကားပေါ်ကဆင်းလိုက်တယ် ဒါတောင် ဂရုမစိုက်ဘူး ဒီအတိုင်းပဲ ကားကိုဆက်မောင်းသွားတယ် ည ၁၁နာရီထိုးလို့ အိပ်တော့မယ်ဆိုမှ သူ့ဆီက စာတစောင်ဝင်လာတယ် ဖွင့်ကြည့်လိုက်တော့
--- Good night တဲ့လေ