𝙾𝚠𝚗𝚎𝚛 [ Completed ]

Part 7

Unicode Ver

တနေ့လုံးလဲ စိတ်ကမကြည်တာကြောင့် တခါတည်းနဲ့လုပ်ရမဲ့အလုပ်တွေလဲ နှစ်ခါ သုံးခါပြန်စစ်ရ error တွေအထပ်ထပ်နဲ့ တနေ့လုံးအဆင်မပြေဖြစ်နေရသည်

ကလေးလေးသူ့ကြောင့်ကျောင်းမှာ စိတ်အဆင်မပြေဖြစ်နေရင် ဘယ်လိုလုပ်မလဲ။သူလေးက စိတ်မကြည်လင်ရင် ဘယ်လောက်ရစ်တတ်‌တာ သူအသိဆုံးလေ

ကလေးအဆင်မပြေဖြစ်နေမှာမကြိုက်ဘူး ကလေးမပျော်မရွှင်ဖြစ်နေမှာကိုမကြိုက်ဘူးဒါတွေကသူ့ကြောင့်ဖြစ်ရတယ်ဆိုရင် ပိုလို့တောင်မကြိုက်လို့ အလိုရှိရာအကုန်ဖြစ်စေသည်။ သူစိတ်တိုင်းကျ မျက်နှာလေးရွှင်နေအောင်အမြဲထားသည်။ သူ့အတွက်မကောင်းမဲ့ကိစ္စတွေကလွဲပြီးပေါ့

အလုပ်ကိုစောဆင်းပြီး ကလေးပြန်အလာကို အိမ်ကနေစောင့်နေလိုက်သည် သူ‌ဘယ်လိုမှနေလို့အဆင်မပြေပါလေ

ဖိနပ်လေးချွတ်ပြီး အိမ်ထဲသို့ပြေးဝင်လာသည့်အသံလေးကြားလိုက်သည် သူ့ကိုမြင်တော့ မျက်လုံးလေးပြူးသွားသည်။

" ဟင် ကိုကို ပြန်ရောက်နေပြီလား "

" အင်း စောဆင်းလာခဲ့တာ ကလေးအတွက် အချိန်ပေးချင်လို့ ဘယ်လိုလဲ မနက်ဖြန်အတွက် အဆင်သင့်ဖြစ်ပြီလား "

ခေါင်းလုံးလုံးလေးအားကလေးပိစိတွေကိုပုတ်ပေးသလိုလုပ်ရင်းမေးတော့

" မနက်ဖန်အတွက်တော့ အကုန်လုပ်ခဲ့ပြီးပါပြီ "

" လာ ကိုကိုနဲ့လိုက်ခဲ့ "

ကိုကိုညဘက်ကြီး အပြင်ကိုခေါ်လာခဲ့ပါသည် ကားမောင်းနေတဲ့ ကိုကို့ဘက်တချက် တချက်ကြည့်မိတော့

အနည်းငယ် မှိုင်နေသော ကိုကို့မျက်နှာလေး

စိတ်ဆိုးပြီး ကြာကြာ‌မနေနိုင်တာကြောင့်
အမြန်ပြေလည်အောင်လုပ်ရမယ် သူလဲ ကိုကိုနဲ့ဒီလိုမျိုးကြီး မနေချင်ဘူးလေ

ခေါ်လာတဲ့နေရာက ဟန်မြစ် ‌ညဘက်လေလေးတဖြူးဖြူးနဲ့ တိတ်ဆိတ်ကာ လူများပင်မရှိပါချေ

" ကလေး ဆင်းခဲ့လေ "

" ဒီနားကို လာခဲ့ အသက်ကိုဝအောင်ရူ ဖြေးဖြေးလေးပြန်ထုတ် သုံးကြိမ်လောက် လုပ်ကြည့် "