Unicode ver
အိမ်ရောက်တော့ ကိုကိုကသူကိုင်ထားတဲ့ ပစ္စည်းများကို အကြမ်းပတမ်းပစ်ချပစ်သည် ကိုကိုကသူ့ရှေ့မှာ တခါမှဒီလိုဒေါသမထွက်ဖူးဘူး အဲ့လောက်တခါမှ စိတ်တိုမနေခဲ့ဖူးဘူး
ကိုကိုရဲ့ဒီလိုပုံစံကို တခါမှမမြင်ခဲ့ဖူးတဲ့ သူ့အတွက် ဒါကြီးကထိတ်လန့်စရာဖြစ်နေသည် သူ့ကိုလဲမကြည့်ရဲသလို သူပြောမဲ့စကားတွေကိုလဲမကြားရဲဘူး ကိုကို့ရဲ့ဒီလိုပေါက်ကွဲနေတဲ့ပုံစံကြောင့် သူခြေဖျားလက်ဖျားတွေသာအေးစက်လာသည် အသံတခုမှတောင်မပြုရဲဘဲ ငြိမ်ကုတ်နေမိသည်
သူ့ပုံကို ကိုကိုကတချက်ကြည့်ပြီး မနည်းကိုဒေါသထိန်းထားတဲ့ပုံဖြင့် မေးသည်
" မင်း ကျောင်းကိုမသွားဘဲ
ဘယ်တွေသွားနေတာလဲ "
" ကိုကို ထယ်တောင်းပန်ပါတယ်
လိမ်ထားတာမဟုတ်ပါဘူး
ထယ်က အင့်
ပြောပြမလို့ပဲ ဒါကိုအစောတည်းက
ခုလို ကိုကိုကစိတ်တိုနေတော့ အင့်
မပြောရဲဘူးး.. ဟင့် "
" မျက်ရည်ကျရအောင် စိတ်တိုအောင်လုပ်ထားတာက ကလေးမင်းနော်! မင်းလုပ်ထားတာ မေးတာနားလည်တယ်မလား
အဲ့ရက်တွေက ကျောင်းမသွားဘဲ
မင်းဘယ်တွေကိုသွားနေခဲ့တာလဲလို့ !!ဟမ်! "
" အဟင့် ... ကိုကို ထယ်က.. အီးဟီးး "
" မျက်ရည်ကျမလာနဲ့လို့ပြောတယ်မလားဘယ်တုန်းကများဒီလိုတွေ
လုပ်တတ်သွားတာလဲလို့ ငါ့ကိုပြောစမ်းပါ .."
ရုတ်တရက်ကျစ်ကျစ်ပါအောင်ဆုပ်ထားမိသော သူ့လက်ထဲမှဖုန်းမြည်သံကြောင့် ကိုကိုကသူ့ဖုန်းကိုဆွဲယူလိုက်သသည်
" ကိုကိုမလုပ်- "
ယူကြည့်လိုက်တော့ ချန်းဆိုတဲ့ကောင်နဲ့ပါးချင်းထိကပ်ပြီးရိုက်ထားတဲ့ပုံနဲ့ ဖြစ်သည်
တရစပ်မြည်နေသောဖုန်းကို ကိုကိုကကိုင်လိုက်သည်
" ကိုကို ! "
![𝙾𝚠𝚗𝚎𝚛 [ Completed ]](https://img.wattpad.com/cover/280578665-64-k806314.jpg)