ညသန်းခေါင်ယံအချိန်သို့ရောက်နေပြီ ဖြစ်လို့ပတ်ဝန်းကျင်အနှံ့ နှင်းတဖွဲဖွဲကျနေပြီး လူသူအရိပ်အယောင်နည်းပါးလှသည်။ ကားမီးကြီးထိုးကာ ပုံမှန်ထက်မြန်နေသည့် ကားတစ်စီးကတော့ မြို့အပြင်ဘက်ရှိ အိမ်တစ်လုံးဆီသို့ ဦးတည်နေခဲ့သည်။ မြို့အပြင်ဘက်ကို တော်တော်လေးကျော်လွန်နေသည့်အပြင် အုံ့မှိုင်းနေသည့် တောတောင်တွေကြားထဲက အိမ်တစ်လုံးဆီသို့ ထိုကားလေးက ဦးတည်နေခဲ့ခြင်းပင်။
တအိမ်နဲ့တအိမ်အလှမ်းဝေးလွန်းပြီး လူမနေသည်ကပိုများနေသည့်အပြင် ရှိနေသည့်အိမ်တစ်ချို့မှာလဲ အိမ်ထဲမှာနေနေကြသည်ဖြစ်လို့ လမ်းမကြီးကခြောက်ကပ်နေဆဲ။ မကြာခင်မှာပင် ထိုကားလေးက မီးရောင်တစက်မှ မထွန်းညှိထားသည့် နှစ်ထပ်တိုက်လေးတစ်လုံးရှေ့သို့ ရောက်ရှိလာခဲ့ပြီး အိမ်ဘေးမှာကပ်လျက် သစ်သားဖြင့် တည်ဆောက်ထားသည့် ဂိုဒေါင်အတွင်းသို့ မောင်းဝင်သွားကာ စက်သပ်ရပ်လိုက်ပြီးနောက် လက်မှာပတ်ထားသည့် ပစ္စည်းတခုအား ကားနောက်ခန်းလေးထဲ သေချာစွာထည့်လိုက်သည်။
ထိုကားလေးထဲမှ မြင့်မားသည့်အရပ်ပိုင်ရှင် လူရွယ်တစ်ယောက်ထွက်လာကာ အိမ်မကြီးတံခါးကိုတွန်းဖွင့်ဝင်ရောက်သွားသည်။ မြင့်မားလှသည့်အရပ်နှင့် လိုက်ဖက်သည့် ကိုယ်နေဟန်ထား၊ ခြေတလှမ်းလှမ်းလိုက်တိုင်း လွင့်ခနဲ ဖြစ်သွားသည့် လောင်းကုတ်အကျီစနဲ့ထပ်တူ Leather Shoe ဖိနပ်ရဲ့ခွာသံ တဒေါက်ဒေါက်က ထိုအိမ်ထဲ စည်းချက်ညီညီ ထွက်ပေါ်နေသည်။ ခြံတံခါးလဲမရှိ၊ အိမ်တံခါးလဲသော့မခတ်ထားတဲ့ ဒီအိမ်ပိုင်ရှင်က လူဝင်မှာမကြောက်တာပဲလား၊ ဒါမှမဟုတ် တန်ဖိုးရှိပစ္စည်းတခုမှ မပိုင်ဆိုင်ထားလို့လားတော့ မသိပေ။
ဝတ်ဆင်ထားသည့် အပေါ်အကျီစကို ကျွန်တော်ချွတ်ကာ အရင်ဦးဆုံးယူလိုက်သည်မှာ အရက်တပုလင်းနှင့် ဖန်ခွက်တစ်လုံးပင်ဖြစ်သည်။ ထို့နောက် အိမ်ရှေ့ခန်းက ဟောင်းနွမ်းနေသည့် ဆိုဖာပေါ်ထိုင်ချ၍ ခွက်ထဲသို့အပြည့်ငှဲ့ထည့်လိုက်ပြီးနောက် ခြေချိတ်ထိုင်လိုက်ပြီး ပြင်းရှရှအရသာကို လျှာဖျားနှင့် ထိတွေ့စေလိုက်သည်။ ခါးသက်သက်အရသာနှင့် ဆန့်ကျင်စွာ ကျွန်တော့်နှုတ်ခမ်းမှာတော့ အပြုံးလေးတခုကတွဲခိုလာခဲ့ပြီး နာမည်တခုကို ရေရွတ်လိုက်တော့သည်။
YOU ARE READING
ʟɪɢʜᴛꜱ ɪɴ ᴍʏ ɴɪɢʜᴛᴍᴀʀᴇ
Non-FictionStory Name - Lights In My Nightmares Written by choyee6 Own Creation I own the photo please do not use without my permission Start date - 30 Aug 2021 End Date - 27 Jan 2022 Demon တွေ၊ Supernatural type တွေကို သဘောကျတတ်သူဆိုရင် သဘောကျမယ်လို့ မျှော်လ...
