ʟɪɢʜᴛꜱ ɪɴ ᴍʏ ɴɪɢʜᴛᴍᴀʀᴇ

LIMN - 28 (Part 1)

ကောင်းကင်ယံမှာသာနေသည့်လရဲ့အလင်းရောင်ကြောင့် ပတ်ဝန်းကျင်မှာ လရောင်ဖြာကျနေသည်မှာ မီးရောင်မရှိသည့် နေရာတခုအတွက်တော့ ခြောက်ခြားစရာကြီးပင်။ တက္ကသိုလ်ကြီးတခုရဲ့ အဆောင်တခု၊ အရင်ကစာကြည့်တိုက်ဖြစ်ခဲ့ပေမယ့် ယခုတော့ပိတ်သိမ်းခဲ့သည်မှာ ၂နှစ်ကျော်ခဲ့ပြီ။ မူမမှန်သောလှုပ်ရှားမှုတွေ၊ အရိပ်အယောင်အကောင်အထည်မတွေ့ရပဲ ရွေ့လျားနေသည့် ပစ္စည်းတွေနှင့် စာကြည့်တိုက်မှာ လူအနည်းငယ်သာရှိနေချိန်မှာ ခြောက်လှန့်မှုတွေကြောင့် သရဲခြောက်သည်ဟုနာမည်ကြီးလာရာက တစတစသိသာထင်ရှားလာသည့်နောက်မှာတော့ မည်သူမှသွားလာရဲခြင်းမရှိတော့ပဲ အဆောင်တခုလုံးကို ပိတ်ချထားခဲ့ရသည်။

၂နှစ်ကျော်ပိတ်ထားသည်မို့ ဖုန်အလိမ်းလိမ်း၊ ပိုးအိမ်မျှင်တွေဗရပွတွေကို ဖြတ်ကျော်ကာ တလှမ်းခြင်းလှမ်းကာလျှောက်နေသူတစ်ဦးရဲ့ ခြေလှမ်းဦးတည်ရာက စာကြည့်တိုက်အ​ဟောင်းကြီးဆီသို့ပင်။ ထိုလူဝင်ရောက်သွားပြီး မကြာမီ စကားပြောသံ၊အော်သံနှင့် ခပ်သဲ့သဲ့ထွက်ပေါ်လာသည့် အလင်းစလေးတွေထွက်​ပေါ်လာပြီး​နောက် တိခနဲပြန်လည်တိတ်ကျသွားတော့သည်။ ထို့နောက်တော့ ထိုအခန်းထဲမှ ပကတိတည်ငြိမ်​သော ​ခြေလှမ်းမှန်မှန်တို့ဖြင့် လူတစ်ဦးကပြန်လည်ထွက်ခွာလာပြီး​နောက် ကားလေးတစ်စီးက မြို့ပြင်တနေရာဆီသို့ ဦးတည်သွားနေခဲ့သည်။

မကြာမီမှာပင် ခြံတံခါးလို့ခေါ်ဆိုနိုင်ပေမယ့် ပျက်ဆီးနေတဲ့တံခါးချပ်၊ ထိုခြံတံခါးမှ အိမ်ဆီသို့ မဝေးဘူးဆိုရင်တောင် ပေ ၁၀၀ ကျော်ခန့် ဝေးနေပြီး မီး​ရောင်တစက်မရှိ လသာသာထဲ ထီးထီးကြီးနှင့် အိမ်ကြီးကကျောချမ်းစရာပင်။ အိမ်ဘေးကဂိုဒေါင်တံခါးတံခါးက​တော့ ပိတ်ထားပြီးထိုအနောက်မှ ပိုင်ရှင်မဲ့ကားနှင့်သူဧ။်လက်နက်ရှိသည်။ အိမ်မကြီးထဲ ဝင်ရောက်လာပြီး စင်ပေါ်ကအရက်ပုလင်းကိုယူကာ အားပါးတရမော့သောက်ပြီးနောက် ဆိုဖာပေါ်သို့ ခြေပစ်လက်ပစ်ဝင်ထိုင်လိုက်သည်။

ထိုသူက အလင်းရောင်တွေကို မမက်မောတော့ဘူး။ အမှောင်ကိုမကြောက်တော့ဘူး။ ရယ်မောခြင်းတွေမရှိတော့ဘူး။ တစ်ယောက်တည်းသီးသန့်ဆန်လာပြီး ဘယ်သူနဲ့မှတွေ့ဆုံခြင်းမပြုတော့ဘူး။ ထိုသူက...