ʟɪɢʜᴛꜱ ɪɴ ᴍʏ ɴɪɢʜᴛᴍᴀʀᴇ

LIMN - 7

ဆေးရုံဝင်းထဲမှ မောင်းထွက်လာပြီး ကားလေးဦးတည်ရာက စခန်းဆီသို့၊ သို့သော် Luca မေးလိုက်သည့် အကြောင်းအရာကတော့ ခေါင်းထဲစွဲနေဆဲပင်။ နတ်ဆိုးတွေကို အယုံအကြည်ရှိလားတဲ့...သင့်တင့်အောင် ဖြေခဲ့လိုက်သော်လည်း သူမေးလိုက်ချိန်မှာ ပြေးမြင်းခဲ့သည့် အချိန်တစ်ချိန်ရှိသည်။ ငယ်ရွယ်လွန်းသည့်အရွယ် ၅ နှစ်လောက်မှာ ကျန်းမာရေး အတော်ဆိုးဝါးကာ ဆေးရုံမှာ မပျက်နေခဲ့ရသည့် အမေ၊ ဆရာဝန်က ဘာပြောလိုက်သည်မသိ ထိုနေ့ အဖေအရမ်းငိုနေခဲ့သည်။

မိုးတွေအရမ်းရွာတဲ့ အဲ့ဒီနေ့က အဖေအသည်းအသန်ငိုနေခဲ့ပြီး အပြင်ထွက်သွားခဲ့တာ တော်တော်နှင့် ပြန်ရောက်မလာပေ။ မနက်မိုးလင်းပိုင်းမှ ရောက်လာခဲ့ပြီး မျက်နှာမှာ ထူးခြားစွာ ရွှင်လန်းနေခဲ့သည်။ ပို၍ ထူးဆန်းသည်က ထိုနေ့ မနက်မှာတင် ဆရာဝန်တွေ အံ့သြရလောက်အောင် ချက်ချင်း ပြန်ကောင်းသွားခဲ့သည့် အမေ။ ထိုစဉ်အချိန်အခါက ဒါဟာ ကံကောင်းတာဟု မှတ်ယူခဲ့ပေမယ့် အသက်အရွယ်ရလာသည်နှင့် အမျှ ကြုံတွေ့ခဲ့ရသမျှကြောင့် ဘာတွေဖြစ်ခဲ့သလဲဆိုတာကို နားလည်လာခဲ့သည်။

အဖေက နတ်ဆိုးထံမှာ သူ့ကိုယ်သူ ရောင်းချခဲ့ပြီး အမေ့ကို အသက်ဆက်ပေးနေခဲ့တာပင်။ အချိန်ကာလ ၂ နှစ်ရခဲ့ပြီး ၂ နှစ်ပြည့်သွားချိန်မှာတော့ နေထိုင်ရာ နေအိမ်မှ ဝေးလံခေါင်သီတဲ့ နေရာတခုကို ရုတ်တရက်ပြောင်းရွှေ့နေထိုင်ခဲ့တာ တနှစ်နီပါးခန့်ကြာတော့မှ လက်ရှိနေထိုင်ရာ အိမ်ဆီသို့ ပြောင်းလာခဲ့ခြင်း ဖြစ်သည်။ သို့သော် ထိုပြောင်းရွှေ့မှုက ကျွန်တော့်ဘ၀မှာ ကြီးမားတဲ့ ပြောင်းလဲမှုကြီး ဖြစ်စေလိမ့်မည်ဟု မထင်ထားခဲ့မိပေ။

ပထမဆုံး ခရစ်စမတ်အဖြစ် ဆင်နွှဲမယ့် ထိုအိမ်လေးထဲမှာ ပထမဆုံးနှင်းကျသည့်နေ့မှာ ထိုကိစ္စ ဖြစ်ပွားခဲ့သည်။

"တီ!!!!!!!!!!"

ရှည်လျားလွန်းသည့် ဟွန်းသံကြောင့် မီးပွိုင့်မှာ ရပ်နေမိတာ သတိရသွားကာ ကပျာကယာဖြင့် ပြန်မောင်းထွက်ခဲပြီး စခန်းရှိရာသို့ ဆက်လာခဲ့သည်။ ရောက်သည်နှင့် တပြိုင်နက် Liam ထံ တန်းသွားကာ...