ʟɪɢʜᴛꜱ ɪɴ ᴍʏ ɴɪɢʜᴛᴍᴀʀᴇ

Extra ❤

ယခင်ကကဲ့သို့ မပြောင်းမလဲတည်ရှိနေတဲ့ အိမ်အိုဟောင်းကြီး၊ မြို့ပြင်တနေရာက တောအုပ်ပုံစံထဲရောက်ရှိနေသောကြောင့် လူသွားလူလာရှိကိုမရှိပေ။ Zurich မြို့ရဲ့ ချမ်းစီးလှသော ရာသီဥတုကို လူငယ်နှစ်ဦးကတော့ တဦးကိုတဦးကျစ်ကျစ်ပါအောင် ဖက်ထားကာ ​စောင်အပြည့်ခြုံ၍ အံတုထားသည်။

Luca ရဲ့ပွေ့ဖက်ထားမှုကြားထဲ လုံးလုံးလျားလျားရောက်ရှိလေတော့ ပြင်ပရာသီဥတုက ကျွန်တော့်ကိုနည်းနည်းလေးမှ အနှောင့်အယှက်မပေးနိုင်ပေ။ Luca နိုးမသွားစေရန် အသာရုန်းထွက်ကာ ကုတင်ခြေရင်းဘောင်မှာတင်ထားသည့် သဘက်တစ်ထည်ကိုဆွဲယူ၍ အဝတ်အစားကင်းမဲ့နေသည့် မိမိကိုယ်ခန္ဓာပေါ်မှာခြုံလွှမ်းလိုက်သည်။ ခြေရင်းဘက် မီးလင်းဖိုမှာလဲ မီးညွှန့်များမရှိတော့သည့်တိုင်​အောင် တငွေ့ငွေ့ဖြင့် အနွေးဓာတ်ပေးစွမ်းနေဆဲ။

လူ့အသိုင်းအဝိုင်းတခုလုံးကို ကျွန်တော်ပျော်ပျော်ကြီး စွန့်လွှတ်ခဲ့ရအပေါ် နောင်တရခြင်းမရှိ။ အကြောင်းကား Luca နဲ့အတူတူ အေးအတူပူအမျှ သက်ဆုံးတိုင်နေမည်ဟု ဆုံးဖြတ်သည့်အခါ နှစ်ပေါင်း၃၀ ကျော်ကျင်လည်ခဲ့သည့် ဘဝကိုစွန့်လွှတ်မည်ဟုပါ ဆုံးဖြတ်ထားခဲ့လို့ပင်။ ပကာသနမရှိ၊ ယှဉ်ပြိုင်ခြင်းမရှိ၊ ရန်လိုခြင်းမရှိ၊ ဥစ္စာဓနအပေါ်တပ်မက်ခြင်းမရှိ၊ စက်ရုပ်တရုပ်လို အချိန်ဇယားနှင့် လည်ပတ်နေရသည့် သံသရာစက်ဝန်းကြီးထဲ မရပ်မနားလည်ပတ်နေရခြင်းမရှိပဲ ဤကဲ့သို့ ချစ်ရသူနှင့် ရိုးရှင်းစွာနေရသည့် ဘဝကို ပို၍မြတ်နိုးသည်။

ရေချိုးခန်းထဲမှာ ရေနွေးနွေးလေးဖြင့် တကိုယ်လုံးသန့်စင်သွားအောင် ရေချိုးလိုက်ပြီးနောက် ခေါင်းစွပ်အနွေးထည်ကောက်စွပ်ကာ ဘောင်းဘီရှည်ပွပွလေးကို ဝတ်ဆင်လိုက်သည်။ အခန်းထဲတစ်ခေါက်ပြန်ဝင်ကြည့်သည်အထိ Luca က အိပ်နေဆဲ။ ကုတင်ပေါ်မှာဘေးတစ်စောင်း အိပ်နေဆဲ Luca ရဲ့ပခုံးတဖက်ပေါ်နေသည်အထိ စောင်ကလျှောကျနေတာကြောင့် အသာဆွဲတင်ပေးကာ နားထင်ကိုခပ်ဖွဖွနမ်းလိုက်တော့ ပြုံးမယောင်ယောင်ဖြစ်သွားသည့် နှုတ်ခမ်းတစုံ၊ သို့သော် မျက်လုံးကတော့ဖွင့်မကြည့်လာပေ။