မနီးမဝေးစမ်းချောင်းငယ်လေးဆီက ရေစီးဆင်းသံသဲ့သဲ့တို့က နားထဲသို့ဝင်ရောက်လာတော့ မှိတ်ထားသည့်မျက်စုံအစုံကို Luca ဖွင့်လိုက်ပြီး အိပ်ယာနံဘေးဆီသို့ပါ လက်ကရောက်ရှိသွားခဲ့သည်။ အေးစက်စက်အထိအတွေ့ကြောင့် ဘေးနားမှအိပ်စက်သူ အစောကြီးအိပ်ရာထသွားခဲ့မှန်း သတိပြုမိလိုက်သည်။ ကုတင်ပေါ်မှ အသာဆင်းကာ မီးဖိုခန်းထဲက ရေနွေးအိုးဆူသံ တရွှီရွှီကို အရင်ဝင်ပိတ်လိုက်ပြီး ပြတင်းပေါက်မှတဆင့် အပြင်ဘက်ဆီသို့ကြည့်လိုက်တော့...
နေရောင်မပေါက်သေးသည့် ကောင်းကင်ပြင်ကြီးဆီက တဖွားဖွားကျဆင်းနေသည့် နှင်းစက်မှုန်များ၊ တပိုင်းတစမြင်နေရသည့် တောင်နံရံဆီမှရေတံခွန်၊ ခပ်ဝေးဝေးဆီမှ တောင်တန်းတွေနှင့် နှင်းများဖုံးလွှမ်းစပြုနေသော မြက်ခင်းပြင်ကြီးနှင့်အေးစိမ့်စိမ့်ရာသီဥတုက ယခုမှနိုးထလာသည့် သူ့ကိုတမဟုတ်ချင်း လန်းဆန်းသွားစေသည်။ ကိုယ်လက်သန့်စင်ပြီးစမှာပင် လူတစ်ယောက်ရဲ့ရယ်သံ၊ ခွေးလေးတစ်ကောင်ရဲ့ပျော်ရွှင်မြူးတူးစွာ ဟောင်သံတို့ကြောင့် အိမ်ရှေ့ဘက်ဆီသို့ ထွက်လာခဲ့သည်။
တောင်နံရံတွေပတ်ပတ်လည်ဝိုင်းရံနေပြီး မလှမ်းမကမ်းမှာ ပြာလဲ့လဲ့စမ်းချောင်းတခု၊ အဖြူရောင်ဝတ်ရုံရှည်ကြီးသဖွယ် ဖြောင့်တန်းစွာစီးဆင်းနေသော ရေတံခွန်ကြီးနှင့် မည်သည့်နေအိမ်နဲ့မှမနီးပဲ တသီးတသန့်အိမ်လေးတလုံးသာ တည်ရှိရာ ဤနေရာမှာ လူတစ်ဦးနှင့် ခွေးလေးတစ်ကောင်က ဆော့ကစားလျက်ရှိသည်။ ထိုလူကပစ်ပေါက်လိုက်သည့်ဘောလုံးလေးကို ခွေးလေးတစ်ကောင်ကပြန်ယူပေးလိုက်၊ ထိုလူက တဟားဟားရယ်ကာ အဝေးသို့ပြန်ပစ်လိုက်နှင့် ပျော်နေကြသည့်မြင်ကွင်းကို Luca တစ်ယောက်ပြုံးကာငေးကြည့်နေခိုက်မှာပင် ထိုလူက သူရှိရာသို့လှည့်လာကာ....
"နိုးလာပြီလား Luca..."
ဟု မေးလာသည်။ ဦးခေါင်းထက်မှာ ဖြူဖြူဖွေးဖွေးဆံပင်ဖြူတွေကနေရာယူထားသော်လည်း၊ ရယ်ပြနေသည့် နှုတ်ခမ်းအတွင်းဘက်ဆီမှာ သွားတချို့မရှိတော့သော်လည်း၊ နဖူးပြင်ပေါ်ရှိအရေးအကြောင်းများ ပေါ်ထွက်နေသော်လည်း၊ လက်တွေနှင့်ပါးပြင်ပေါ်မှ အရေပြားများက အသက်အရွယ်ကြီးရင့်မှုကြောင့် တွဲကျနေသော်လည်း Luca မျက်လုံးထဲတွင်တော့....။
KAMU SEDANG MEMBACA
ʟɪɢʜᴛꜱ ɪɴ ᴍʏ ɴɪɢʜᴛᴍᴀʀᴇ
NonfiksiStory Name - Lights In My Nightmares Written by choyee6 Own Creation I own the photo please do not use without my permission Start date - 30 Aug 2021 End Date - 27 Jan 2022 Demon တွေ၊ Supernatural type တွေကို သဘောကျတတ်သူဆိုရင် သဘောကျမယ်လို့ မျှော်လ...
