အဆင့်မြင့်ဟိုတယ်တခုရဲ့ နေ့လည်စာ ဖြစ်သည့်အလျောက် အမြင်အတော်ပနံသင့်လှသည်။ Aiden တို့အတွက် ဖြစ်သည်မို့ ပို၍ပင် ဟင်းပွဲတွေမှာထားဖြစ်ပြီး ထိုင်ခုံကိုလဲ သူနဲ့ ကပ်ရပ်မှာ နေရာယူလိုက်သည်။ Aiden ပြောပုံအရ အရင်က အစားအသောက်မှာတိုင်း လောဘတကြီးမှာပြီး ကုန်ခမ်းအောင် စားလေ့မရှိသည့် Liam မှာ ယခုတော့ ဟင်းရွက်တစ်ဖတ်က အစ သေချာသတိထားစားနေသည်ဆိုတော ပေးရသည့်ဈေးနဲ့ တန်အောင်စားနေပုံပင်။
စားပွဲမှာ စထိုင်ကတည်းက အသားကင်ကိုသာ မကြာခဏယူစားနေသည့် Aiden အနီး ထိုပန်းကန်ကို တိုးပေးပြီးနောက် မနီးမဝေးမှာ ရှိနေသည့် ပန်းကန်ထဲမှာ အစားအစာ တစ်ချို့ကို တူဖြင့်
ညှပ်ယူလိုက်သည်။ ထို့နောက် Aiden ရဲ့ ပန်းကန်လေးထဲ ထည့်ပေးလိုက်ကာ..
"စားကြည့် ပုဇွန်အထဲက အသားအမျှင်တွေကို နွှာပြီး ဆလပ်နဲ့ ပြန်သုတ်ထားတာ ။ အသားတွေချည်းစားမနေနဲ့ အစာမကျေပဲ ရင်ပြည့်လာလိမ့်မယ်။ ဒါမှမဟုတ် ၀ိုင်လေးနဲ့ သောက်..."
Aiden ကတော့ ဘာမှပြောမလာ၊ ခေါင်းသာဆတ်ပြ၍ ဆက်စားနေပြီး ကျွန်တော်ကသာ တတွတ်တွတ်ပြောနေမိကာ တခုပြီးတခု နင်းကန်ထည့်ပေးနေတော့ ကျန်နှစ်ယောက်ရဲ့ အကြည့်က ဝေ့၀ဲရောက်ရှိလာသည်မို့...
"Liam နဲ့ Eric ဘာထပ်မှာချင်သေးလဲ"
"ရပါပြီ ပြည့်စုံပါတယ် ဒါတောင် မနည်းစားရမှာ။ Liam မင်း အသားပြားထပ်ယူချင်လို့ဆို"
"တော်ပါပြီ "
ဘာကြောင့်မှန်းမသိ Liam က Eric နဲ့မတူ ကျွန်တော့်အပေါ် အတော်ရှိန်နေရှာသည်။ ကျွန်တော့်အတွက်တော့ သူတို့နှစ်ယောက်က ကလေးလိုမျိုးသာ ဖြစ်သည်မို့ စနောက်လိုက်မိတဲ့အပေါ် Liam ရှိန်သွားသည့်ပုံပင်။ ထိုသို့သော အနေအထားကို ဖြေဖျောက်ရန်အတွက် ထပ်မံမှာပေးလိုက်ကာ ရောက်ရှိလာသည့် ထိုပန်းကန်းပြားကိုပါ သူ့အနီးသို့ တိုးပေးလိုက်တော့သည်။
"ထမင်းနဲ့ ပတ်သတ်တာရော မှာချင်သေးလား။ ဂဏန်းအသားနဲ့ ကြော်တဲ့ ထမင်းဆို တော်တော်စားလို့ကောင်းတယ်။"
"နောက်နေ့မှပေါ့...အခုကတော့ ရပါပြီ။"
ပထမမေးခွန်းမှာတော့ ခေါင်းခါပြလိုက်တဲ့ Liam က ဂဏန်းအသားနဲ့ကျော်သည့် ထမင်းကြော်ဆိုသည့် နေရာ အရောက်မှာတော့ ခါနေသည့် ခေါင်းကို ရပ်တန့်လိုက်တာ မစားဘူးဟု မငြင်း၊ နောက်နေ့ဟု ခပ်တိုးတိုးပြောလာတော့ Aiden က ရယ်သလို ကျွန်တော်ကပါ ခပ်ယောင်ယောင်ပြုံးမိသည်။ ထိုအချိန်မှာပင် ပန်းကန်ထဲရောက်ရှိလာသည့် အသားနှစ်ဖက်၊ မော့ကြည့်စရာမလို လက်ချောင်းလေးများကို မြင်သည်နှင့် Aiden မှန်း တန်းသိလိုက်သည်။
YOU ARE READING
ʟɪɢʜᴛꜱ ɪɴ ᴍʏ ɴɪɢʜᴛᴍᴀʀᴇ
Non-FictionStory Name - Lights In My Nightmares Written by choyee6 Own Creation I own the photo please do not use without my permission Start date - 30 Aug 2021 End Date - 27 Jan 2022 Demon တွေ၊ Supernatural type တွေကို သဘောကျတတ်သူဆိုရင် သဘောကျမယ်လို့ မျှော်လ...
