ညည့်အတော်နက်နေပြီမို့ နဂိုကမှ အုံ့မှိုင်းနေသည့် ရှေးဟောင်းအိမ်ကြီးမှာပို၍ပင် မှောင်မဲနေခဲ့ပြီး မီးရောင်မှိန်ပြပြ၊ ညကောင်းကင်ပေါ်က သဘာဝအလင်းတချို့ကြား ထီးထီးကြီးတည်ရှိနေသည့် ထိုအိမ်ကြီးထဲမှ စည်းချက်မှန်မှန် ထွက်ပေါ်နေသည့် ဖိနပ်ခွာသံ တဒေါက်ဒေါက်က ခြောက်ခြားမှုကို တွန်းအားပေးနေသည်။
လောင်းကုတ်အကျီင်္စလေး တလွင့်လွင့်ဖြင့် မနီးလွန်း၊ မဝေးလွန်း ခြေလှမ်းများပိုင်ရှင် လူငယ်လေး လက်ထဲတစ်စုံတရာကို ကိုင်ဆောင်ကာ မြေအောက်ခန်းဆီသို့ ချဉ်းကပ်သွားနေသည်။ ထိုလူငယ်ဦးတည်နေရာက အချုပ်ခန်းသဖွယ်တည်ရှိနေရာ အခန်းတခုကိုပင်။
သာမာန်လူသာဆိုလျှင် မျက်လုံးနဲ့ပင် စွေကြည့်ရဲမည် မထင်ရသည့် တိတ်ဆိတ်မှောင်မဲကာ ငြီစို့စို့အနံ့အသက်များဖြင့် ဖုံးလွှမ်းနေရာ မြေအောက်ခန်းဆီ ကျွန်တော်ဆင်းလာခဲ့သည်။ ရေ၊နေ၊လေ မထိခဲ့သော အရိုးစုများ ဖြစ်သည့်အလျောက် ပုံမှန်အရိုးစုများထက် ပုံပေါ်နေသေးပြီး ထိုအရိုးစုမှ ထွက်သည့်အနံ့က အော်ဂလီဆန်ချင်စရာပေမယ့် ကျွန်တော့်အတွက်တော့ တန်ဖိုးကြီးရေမွှေးအနံ့ပမာ၊ ပို၍နှစ်သက်သည်က အရောင်အဆင်းတစက်ကလေးမှ မရှိပဲ စိတ်ပျက်အားကိုးရာမဲ့စွာ အခန်းထောင့်မှာ ထိုင်နေတတ်သည့် ကျွန်တော့်ရဲ့ချစ်လှစွာသော ၀ိညာဉ်နှစ်ခုမျက်နှာကိုပင် ဖြစ်သည်။
ထိုလင်မယားက ကျွန်တော့်ကို မြင်သည်နှင့် ပြောနေကျအတိုင်း လွတ်ငြိမ်းခွင့်ပေးရန် တောင်းဆိုချင်ဟန်ဖြင့် တိုင်တွေအနား ချဥ်းကပ်လာသော်လည်း ကျွန်တော့်လက်ထဲမှာ ကိုင်ဆောင်လာသည့် အရာဝထ္ထုကို တွေ့လိုက်တော့ အနောက်သို့ ပြန်ဆုတ်သွားခဲ့သည်။
ထိုအရာက သံကြိုးပင် ဖြစ်သည်။
"Lu....Luca... မင်း..မင်း ဘာလုပ်မလို့လဲ..."
"စကားပြောချင်လို့ ဆင်းလာတာလေ ခင်ဗျားတို့ပေးခဲ့တဲ့ အိမ်မက်ဆိုးတေက အမြဲကျုပ်ကို ခြောက်လှန့်နေလို့ ညဘက်အိပ်မပျော်မယ့်အတူတူ စကားပြောရအောင် ဆင်းလာတာ ပြီးတော့ ဒီရက်ပိုင်း ကျုပ် အချိန်ပေးစရာ လူရှိနေတာနဲ့ ခင်ဗျားတို့ လင်မယား သိပ်လွတ်လပ်နေခဲ့တယ် မဟုတ်လား "
YOU ARE READING
ʟɪɢʜᴛꜱ ɪɴ ᴍʏ ɴɪɢʜᴛᴍᴀʀᴇ
Non-FictionStory Name - Lights In My Nightmares Written by choyee6 Own Creation I own the photo please do not use without my permission Start date - 30 Aug 2021 End Date - 27 Jan 2022 Demon တွေ၊ Supernatural type တွေကို သဘောကျတတ်သူဆိုရင် သဘောကျမယ်လို့ မျှော်လ...
